မိုဟာမက် ဆာလာ အတွက် ဆော်ဒီပရိုလိဂ်ထက် မေဂျာလိဂ်က ပိုပြီး ဆွဲဆောင်မှုရှိနေသလား

လစ်ဗာပူးလ်ရဲ့ ဂန္ထဝင် တိုက်စစ်မှူး မိုဟာမက် ဆာလာရဲ့ အနာဂတ်နဲ့ ပတ်သက်ပြီး စိတ်ဝင်စားဖွယ် သတင်းထူး တစ်ခု ထွက်ပေါ်လာပါတယ်။ ဒါကတော့ ဆာလာ အနေနဲ့ ပရီးမီးယားလိဂ် ကလပ် ကနေ ထွက်ခွာခဲ့ရင် ဆော်ဒီပရိုလိဂ်ထက် အမေရိကန် မေဂျာလိဂ်ကို ပြောင်းရွှေ့ဖို့ ပိုမိုစိတ်အားထက်သန်နေတယ် ဆိုတာ ဖြစ်ပါတယ်။

ဒီရက်ပိုင်းမှာ လစ်ဗာပူးလ် စူပါစတား မိုဟာမက် ဆာလာဟာ အနာဂတ်မှာ အရှေ့အလယ်ပိုင်းထက် မြောက်အမေရိကမှာ ရှိတဲ့ မေဂျာလိဂ်ဆီ ပြောင်းရွှေ့ကစားဖို့ ပိုမိုစိတ်ဝင်စားနေကြောင်း သတင်းတွေ ထွက်ပေါ်နေပါတယ်။ သူဟာ ဆော်ဒီပရိုလိဂ်ကို ပြောင်းရွှေ့လိမ့်မည်ဟု ကာလ အတော်ကြာ ယူဆခဲ့ကြပေမယ့်လည်း အခုအခါ မှာတော့ အမေရိကမြေက သူ့အတွက် ပိုပြီး ဆွဲဆောင်မှု ရှိတဲ့ နေရာ တစ်ခု ဖြစ်လာခဲ့ပါပြီ။

 

ဆာလာရဲ့ လက်ရှိ စာချုပ်အခြေအနေနဲ့ အလားအလာ

ဆာလာဟာ ပရီးမီးယားလိဂ် ကလပ် လစ်ဗာပူးလ်နဲ့ ၂၀၂၇ ခုနှစ် ဇွန်လအထိ စာချုပ်သက်တမ်း ရှိနေသူပါ။ ပြီးခဲ့တဲ့ အာဖရိကဖလား ပြိုင်ပွဲ မတိုင်ခင် နည်းပြ အာနေး ဆလော့တ်နဲ့ လူသိရှင်ကြား အခြေအတင် ဖြစ်ပွားခဲ့ပေမယ့်လည်း လက်ရှိမှာတော့ အဲဒီပြဿနာတွေကို ပြေလည်အောင် ဖြေရှင်းထားပုံ ရပြီး ပွဲတိုင်းတွင် ပုံမှန် ပွဲထွက် ကစားခွင့်ရနေပါတယ်။ ဒါ‌ပေမယ့်လည်း သူ့ရဲ့ အသက်အရွယ်၊ မြင့်မားတဲ့ လုပ်ခ လစာနှုန်းထားနဲ့ အသင်းရဲ့ ရေရှည်တည်ဆောက်ပုံတို့ အရ လာမယ့် နွေရာသီမှာ အသင်းပြောင်းရွှေ့ဖို့ ဖြစ်နိုင်ခြေ တော်တော်လေး များနေပါတယ်။

The Athletic ရဲ့ သတင်းထောက် ဂျိမ်းစ် ပီးယားစ် က “မေဂျာလိဂ်ဟာ ဆာလာ အတွက် နောက်ထပ် ဖြစ်နိုင်ခြေ ရှိတဲ့ ဦးတည်ချက် တစ်ခုပါ။ ကျွန်တော့်ကို ပြောပြချက်အရ ဆိုရင် ဆာလာ အတွက် ဆော်ဒီပရိုလိဂ်ထက် မေဂျာလိဂ်က နည်းလမ်းပေါင်းစုံနဲ့ ပိုပြီး ဆွဲဆောင်မှု ရှိနေပါတယ်။” လို့ ဆိုခဲ့ပါတယ်။

 

ဘာကြောင့် မေဂျာလိဂ်က ဆာလာကို ဆွဲဆောင်နိုင်တာလဲ

ဆော်ဒီကလပ်တွေဟာ မေဂျာလိဂ်ထက် ပိုမိုများပြားတဲ့ လစာငွေကို ပေးနိုင်မှာ သေချာပေမယ့်လည်း၊ ဆာလာလို ဆယ်စုနှစ် တစ်ခုကြာ ကြွယ်ဝချမ်းသာပြီးသား ကစားသမား တစ်ဦး အတွက် ငွေကြေး တစ်ခုတည်းက အဓိက မဟုတ်ပါဘူး။ အဓိက ကတော့ လူနေမှု ဘဝပုံစံ ဖြစ်ပါတယ်။ လီယွန်နယ် မက်ဆီ ဟာလည်း ၂၀၂၃ ခုနှစ်မှာ ဆော်ဒီပရိုလိဂ်ကို ငြင်းပယ်ပြီး မေဂျာလိဂ်ကို ရွေးချယ်ခဲ့ပါတယ်။ မက်ဆီနှင့် ဇနီးဖြစ်သူ အန်တိုနီလာ တို့သည် အမေရိကန်မှာ ရရှိတဲ့ ကွင်းပြင်ပ လူနေမှုဘဝနဲ့ လွတ်လပ်မှု အပေါ် အလွန်ကျေနပ် အားရနေကြတယ်လို့ သိရပါတယ်။

နောက်တစ်ခုက ကစားဟန် ဖြစ်ပါတယ်။ မက်ဆီရဲ့ အဆိုအရ မေဂျာလိဂ်ဟာ တိုက်စစ်ဆင်ကစားမှုကို အားပေးပြီး အပြန်အလှန် ဂိုးသွင်းနိုင်တဲ့ စိတ်လှုပ်ရှားဖွယ် လိဂ်တစ်ခု ဖြစ်တယ်လို့ သိရပါတယ်။ နောက်ဆုံး တစ်ချက် ကတော့ ၂၀၂၆ ကမ္ဘာ့ဖလား ဖြစ်ပါတယ်။ ၂၀၂၆ ကမ္ဘာ့ဖလားကို အမေရိကန်၊ ကနေဒါနှင့် မက္ကဆီကိုတို့မှာ ကျင်းပမှာ ဖြစ်ပါတယ်။ အီဂျစ် ကလည်း ခြေစစ်ပွဲ အောင်မြင်ထားတာကြောင့် ဆာလာ အနေနဲ့ အမေရိကန်မြေမှာ ကစားရမယ့် အတွေ့အကြုံကို တိုက်ရိုက် ရရှိမှာ ဖြစ်ပြီး ပြိုင်ပွဲအပြီး ဇူလိုင်လမှာ မေဂျာလိဂ် ကလပ် တစ်ခုခုသို့ တိုက်ရိုက် ပူးပေါင်းနိုင်ခြေ ရှိနေပါတယ်။

 

ဆာလာကို ဘယ်အသင်းတွေက ခေါ်ယူနိုင်သလဲ

မေဂျာလိဂ် အသင်းတိုင်းက ဆာလာရဲ့ လစာကို တတ်နိုင်မှာ မဟုတ်သလို၊ အင်တာမိုင်ယာမီ လိုမျိုး အသင်း မှာလည်း Designated Player တွေ ခေါ်ယူခွင့် နေရာ ပြည့်နေပြီ ဖြစ်ပါတယ်။ လက်ရှိ ဆာလာကို ခေါ်ယူဖို့ ရေပန်းအစားဆုံး အသင်းတွေ ကတော့ ချီကာဂို ဖိုင်းယား၊ ဆန်ဒီယေဂို အက်ဖ်စီနဲ့ အဲလ်အေ အက်ဖ်စီတို့ ဖြစ်ပါတယ်။ ချီကာဂို ဖိုင်းယားက လက်ရှိမှာ ဘာစီလိုနာ တိုက်စစ်မှူး ရောဘတ် လီဝမ်ဒေါစကီး ကိုလည်း ပစ်မှတ်ထားနေပြီး အသင်းကို အင်အား တောင့်တင်းအောင် ပြန်လည် တည်ဆောက်လိုနေပါတယ်။ ဆန်ဒီယေဂို ကိုတော့ အီဂျစ်ဖွား ဘီလီယံနာ မိုဟာမက် မန်ဆော်က ပိုင်ဆိုင်ထားတာကြောင့် ဆာလာကို ခေါ်ယူရန် ငွေကြေးအင်အား အပြည့်အဝ ရှိနေပါတယ်။ အဲလ်အေအက်ဖ်စီ မှာတော့ လက်ရှိမှာ နေရာ တစ်နေရာ လစ်လပ်နေပြီး ဆာလာ အီဂျစ် လက်ရွေးစင် အသင်းမှာ ဝတ်ဆင်လေ့ ရှိတဲ့ ကျောနံပါတ် ၁၀ ကလည်း လွတ်နေပါတယ်။

ဒီတော့ မိုဆာလာ အနေနဲ့ မက်ဆီလိုပဲ အမေရိကန်မှာ သွားရောက် အခြေချမလား။ ဒါမှမဟုတ် ဆော်ဒီပရိုလိဂ် ကိုပဲ ရွေးချယ်မလားဆိုတာ စောင့်ကြည့်ရမှာ ဖြစ်ပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်