ရှုံးထွက်အဆင့် အတွက် အဆုံးအဖြတ်ပွဲမှာ အသာရသွားမှာ ခရိုအေးရှားလား၊ ဂါနာလား။ | ကမ္ဘာ့ဖလား (ပွဲကြိုသုံးသပ်ချက်)

ခရိုအေးရှား – ဂါနာ 

ကမ္ဘာ့ဖလား ၂၀၂၆ အုပ်စု (L) ရဲ့ အခြေအနေ ကတော့ တကယ့်ကို ရင်ခုန်စရာ ကောင်းနေပါပြီ။ အုပ်စု ဇယားမှာ ရမှတ် ၁ မှတ်၊ အဆင့် တစ်ဆင့်ပဲ ကွာဟနေတဲ့ ခရိုအေးရှားနဲ့ ဂါနာ တို့ဟာ စနေနေ့မှာ နောက်တစ်ဆင့် တက်ရေး အတွက် အဆုံးအဖြတ် ပွဲစဉ် အဖြစ် ထိပ်တိုက်ရင်ဆိုင်ရတော့မှာ ဖြစ်ပါတယ်။

ဂါနာ အသင်း ကတော့ ဒီပွဲမှာ မရှုံးရုံနဲ့ ၃၂ သင်း အဆင့်ကို တက်လှမ်းနိုင်မှာ ဖြစ်ပေမယ့်၊ ခရိုအေးရှား အသင်း အတွက်ကတော့ အုပ်စု တတိယနေရာနဲ့ ရင်တဖိုဖို စောင့်ဆိုင်းရမယ့် အဖြစ်မျိုး မကြုံချင်ဘူး ဆိုရင် ၃ မှတ်လုံး ရမှ ဖြစ်မယ့် အခြေအနေပါ။

 

ခရိုအေးရှား

ခရိုအေးရှား အသင်းရဲ့ ပွဲစဉ်တိုင်းဟာ ကွင်းလယ်လူ လူကာ မိုဒရစ် အတွက်တော့ မှတ်တမ်းသစ်တွေချည်းပါပဲ။ ပြီးခဲ့တဲ့ပွဲက မိုဒရစ် တစ်ယောက် သူ့ရဲ့ နိုင်ငံတကာပွဲ ၂၀၀ ပြည့်မြောက်မှုကို ကမ္ဘာ့ဖလားမှာ ၃ မှတ် အပြည့် ရယူပြီး အကောင်းဆုံး အောင်ပွဲခံခဲ့ပါတယ်။ ပထမပွဲတုန်းက အင်္ဂလန်ကို ၄ ဂိုး အထိ ပေးပြီး ရှုံးခဲ့လို့ နာကျင်ခဲ့ရတဲ့ ခရိုအေးရှားဟာ ပနားမားနဲ့ ပွဲမှာ ခံစစ်ကို အသေအလဲ ပိတ်ဆို့ ကစားခဲ့ရပါတယ်။ တကယ်တော့ ပနားမား အသင်းက ဂိုးပေါက်ကန်ချက် ၈ ကြိမ်အထိ ရှိခဲ့ပြီး ခရိုအေးရှားက ၆ ကြိမ်ပဲ ရှိခဲ့တာမို့ ပနားမားက ပိုပြီး ခြိမ်းခြောက်နိုင်ခဲ့တာပါ။ ဒါပေမယ့် ဒုတိယပိုင်းမှာ တိုက်စစ်မှူး အန်တီ ဘူဒီမာရဲ့ အခွင့်အရေးကို အပိုင်အသုံးချနိုင်ခဲ့တဲ့ ပြတ်သားမှုကြောင့် ခရိုအေးရှားတို့ ၁-၀ နဲ့ အဖိုးတန် နိုင်ပွဲ ရခဲ့တာ ဖြစ်ပါတယ်။

ဒီနိုင်ပွဲကြောင့် ပနားမားကို အုပ်စုကနေ ထွက်ခွာစေခဲ့သလို၊ ခရိုအေးရှားတို့ နောက်တစ်ဆင့် တက်ဖို့ ကံကြမ္မာကို သူတို့လက်ထဲ ပြန်ရောက်လာစေခဲ့ပါတယ်။ စနေနေ့ပွဲ မှာသာ ဂါနာကို နိုင်ရင် အနည်းဆုံး အုပ်စုဒုတိယ နေရာ သေချာမှာ ဖြစ်ပြီး၊ တစ်ဖက်မှာ အင်္ဂလန်က ပနားမားနဲ့ ပွဲမှာ မထင်မှတ်ပဲ အမှတ် လျော့ခဲ့မယ်ဆိုရင် အုပ်စုပထမတောင် ရနိုင်ခြေ ရှိနေပါတယ်။

ဒါပေမယ့် နည်းပြ ဇလတ်ကို ဒါးလစ်ရဲ့ အသင်း အတွက်တော့ သရေရလဒ်က မလုံလောက်ပါဘူး။ ဘာလို့လဲ ဆိုတော့ သရေကျရင် ဂါနာထက် ရမှတ် နည်းနေမှာ ဖြစ်သလို၊ အင်္ဂလန်နဲ့ ထိပ်တိုက်တွေ့ဆုံမှု မှာလည်း အောက်ရောက်နေလို့ပါ။ ကောင်းတဲ့ အချက်ကတော့ ဖာရိုးကျွန်းစု၊ မွန်တီနီဂရိုး တို့လို အသင်းတွေနဲ့ ကစားခဲ့တုန်းက အပါအဝင် ၇ ပွဲဆက်တိုက် ဂိုးပေးခဲ့ရတဲ့ ၂၀၁၈ ကမ္ဘာ့ဖလား ဒုတိယရ ခရိုအေးရှား အသင်းဟာ ပနားမားနဲ့ ပွဲမှာ ဂိုးမပေးရအောင် အချိန်ကိုက် ခံစစ်ပိတ်နိုင်ခဲ့တာပဲ ဖြစ်ပါတယ်။ ဒါပေမယ့်လည်း သူတို့ဟာ ၂၀၂၆ ခုနှစ် အတွင်းမှာ တစ်ပွဲနိုင်ပြီး နောက်တစ်ပွဲ ဆက်နိုင်တဲ့ မှတ်တမ်းတော့ မရှိသေးပါဘူး။

 

ဂါနာ 

တစ်ဖက် မှာလည်း အင်္ဂလန်ကို ဂိုးမရှိ သရေကစားခဲ့တဲ့ ဂါနာ အသင်းဟာ ကမ္ဘာ့ဖလားမှာ ၂ ပွဲ ဆက်တိုက် နိုင်ဖို့ မျှော်လင့်ချက် ပျက်ပြယ်ခဲ့ပါတယ်။ ဒါပေမယ့် အင်္ဂလန်လို အသင်းကြီးကို သရေ ကစားနိုင်ခဲ့လို့ အောင်ပွဲခံခဲ့ကြပါတယ်။ နည်းပြ သောမတ်စ် တူချယ်ရဲ့ အင်္ဂလန် အသင်းကို ဘောလုံးပိုင်ဆိုင်မှု ၂၁.၂ ရာခိုင်နှုန်းပဲ ရခဲ့ပေမယ့် ဂါနာရဲ့ အသေအလဲ ပိတ်ဆို့ခဲ့တဲ့ ခံစစ် ကတော့ တကယ့်ကို အသိအမှတ်ပြုစရာပါ။ အင်္ဂလန် နည်းပြ ကိုယ်တိုင် ကတောင် ဒါဟာ သူမြင်ဖူးသမျှ အကောင်းဆုံး ခံစစ်တွေထဲက တစ်ခုလို့ ချီးကျူးခဲ့ရပါတယ်။ 

အခုအချိန်မှာ အင်္ဂလန်နဲ့ ဂိုးကွာခြားချက်ပဲ ကွာပြီး အဆင့် (၂) မှာ ရှိနေတဲ့ ဂါနာဟာ ဒီပွဲမှာ သရေကစားရုံနဲ့ ကမ္ဘာ့ဖလား ရှုံးထွက် အဆင့်ကို တက်လှမ်းနိုင်မှာ ဖြစ်ပါတယ်။ ဒါဟာ သူတို့ အတွက် သမိုင်းဝင် ကွာတားဖိုင်နယ် အထိ တက်ခဲ့တဲ့ ၂၀၁၀ ပြည့်နှစ်နောက်ပိုင်း ပထမဆုံးအကြိမ်အဖြစ် ရှုံးထွက်ဆင့်ကို ပြန်လည် ရောက်ရှိမယ့် အခွင့်အရေးလည်း ဖြစ်ပါတယ်။ ဒါပေမယ့် နည်းပြ ကားလို့စ် ကွီရို့ဇ်ရဲ့ ဂါနာ အသင်း အနေနဲ့ ပွဲအစပိုင်း နှေးကွေးတတ်တဲ့ အကျင့်ကြောင့် အခက်တွေ့နိုင်ပါတယ်။ ဘာလို့လဲ ဆိုတော့ သူတို့ဟာ ဒီနှစ် ကမ္ဘာ့ဖလား ပထမပိုင်းတွေမှာ ဂိုးပေါက်တည့်ကန်ချက် တစ်ကြိမ်မှ မရသေးလို့ပါပဲ။ 

 

နှစ်ဖက်အသင်း သတင်းများ

အခုပွဲကိုတော့ နှစ်သင်းစလုံး အတောင့်တင်းဆုံး လူစာရင်း ကိုယ်စီနဲ့ ပွဲထွက်ကစားနိုင်ကြမှာ ဖြစ်ပါတယ်။

 

ဖြစ်နိုင်ဖွယ် လူစာရင်း 

ခရိုအေးရှား – လီဗာကိုဗစ်၊ စတန်နီဆစ်၊ ပွန်ဂရက်ချစ်၊ ဆူတာလို၊ ဂဗာဒီယိုလ်၊ ကိုဗာချစ်၊ မိုဒရစ်၊ ဘာတူရီနာ၊ ပါဆာလစ်၊ ပါရီဆစ်၊ ဘူဒီမီယာ

ဂါနာ – အဆာရီ၊ ဆီနာယာ၊ အဂျက်တေး၊ အိုပိုကု၊ မန်ဆာ့ရ်၊ ယီရန်ကီ၊ ပါတေး၊ ဆီဘို၊ ဝီလီယမ်စ်၊ အာယူး၊ ဆီမီညို

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

အင်္ဂလန်ကို မနိုင်ခဲ့လို့ ဂါနာဟာ နောက်ဆုံး ကစားခဲ့တဲ့ ၆ ပွဲမှာ ၁ ပွဲပဲ နိုင်ထားတဲ့ မှတ်တမ်းရှိပေမယ့်၊ အခု ခရိုအေးရှားနဲ့ သမိုင်းတစ်လျှောက် ပထမဆုံးအကြိမ် ဆုံတွေ့ရမယ့်ပွဲ မှာတော့ နောက်ထပ် သရေတစ်ပွဲ ရရုံနဲ့တင် သူတို့ လိုချင်တဲ့ ပန်းတိုင်ကို ရောက်ရှိသွားမှာ ဖြစ်ပါတယ်။

 

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ ခရိုအေးရှား နိုင်ရင် ၁.၇၇ ဆ၊ ဂါနာ နိုင်ရင် ၅.၁၀ ဆ၊ သရေ ဆိုရင်တော့ ၃.၃၁ ဆ ရရှိမှာ ဖြစ်ပါတယ်။ ဟန်းဒီးကပ် မှာလည်း ခရိုအေးရှား ဘက်ကပဲ ကြေးဖွင့်ထားပါတယ်။ ဂါနာဟာ အင်္ဂလန်ကို ဘယ်လို ကစားပြသွားခဲ့သလဲ ဆိုတာ အားလုံးလည်း မြင်တွေ့ခဲ့ကြပြီးပါပြီ။ တစ်ခုရှိတာက ခရိုအေးရှား ကလည်း ဥရောပထိပ်တန်း အသင်းကြီး တစ်သင်းပီပီ၊ အတွေ့အကြုံ ရင့်ကျက်မှုတွေကို အကောင်းဆုံး အသုံးချတတ်တဲ့ အသင်းပါ။ အရေးကြုံရင် တည်တည်ငြိမ်ငြိမ် ကစားတတ်တဲ့ ခရိုအေးရှားတို့ ဂါနာကို အသာရသွားမယ်လို့ မျှော်လင့်ရပါတယ်။

ခန့်မှန်းရလဒ်

ခရိုအေးရှား ၂-၁ ဂါနာ

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်