ညက ကစားသွားတဲ့ စီးရီးအေ အီတလီ ဒါဘီ ကတော့ အပြန်အလှန် သွင်းဂိုးတွေနဲ့ အကြိတ်အနယ် ရှိခဲ့ပြီး အင်တာမီလန်က ဂျူဗင်တပ်စ်ကို ၃-၂ နဲ့ အနိုင်ရရှိခဲ့ပါတယ်။ ဆန်စီရိုမှာ ကစားခဲ့တဲ့ ဒီပွဲစဉ်မှာ ဂျူဗင်တပ်စ်က နှစ်ကြိမ်တိုင်တိုင် ချေပဂိုးတွေ သွင်းယူနိုင်ခဲ့ပေမယ့် နောက်ဆုံး မိနစ်မှာ ပီယော့တ်တာ ဇီလင်းစကီးက အနိုင်ဂိုး သွင်းယူပေးခဲ့လို့ အိမ်ရှင်တို့ အဖိုးတန် ၃ မှတ် ရရှိသွားခဲ့ပါတယ်။
ပွဲစဉ်အကျဉ်း
ဒီနေ့ပွဲမှာ နှစ်သင်းစလုံး အတောင့်တင်းဆုံး လူစာရင်း ကိုယ်စီနဲ့ ပွဲထွက်လာခဲ့ကြပြီး ပွဲက တော်တော်လေးကို အကြိတ်အနယ် ရှိခဲ့တာပါ။ အိမ်ရှင်တို့ဟာ တစ်ပွဲလုံး အတိုင်းအတာနဲ့ ပြိုင်ဘက်ကို ဖိကစားနိုင်ခဲ့ပေမယ့် ဂျူဗင်တပ်စ် ကလည်း အခွင့်အရေး ရရင် ရသလို အပိုင်အသုံးချနိုင်ခဲ့ကြပါတယ်။ ပထမပိုင်း ၁၇ မိနစ်မှာတင် ဂျူဗင်တပ်စ် နောက်ခံလူ အန်ဒရီယာ ကမ်ဘီယာဆိုက လူးဝစ် ဟင်းနရစ်ရဲ့ ဖြတ်တင်ဘောကို ဖျက်ထုတ်ရင်း ကိုယ့်ဂိုးကိုယ် သွင်းမိခဲ့တာကြောင့် အင်တာမီလန် အဖွင့်ဂိုး ရခဲ့ပါတယ်။ ဒါပေမယ့် ၂၆ မိနစ်မှာပဲ ကမ်ဘီယာဆိုက အမှားကို ပြင်ဆင်နိုင်ခဲ့ပြီး မက်ကင်နီရဲ့ ဖြတ်တင်ဘော ကနေ တစ်ဆင့် ချေပဂိုး ပြန်လည် သွင်းယူပေးခဲ့ပါတယ်။
ပွဲကစားချိန် ၄၂ မိနစ် မှာတော့ ဂျူဗင်တပ်စ် အတွက် အထိနာစရာ ဖြစ်ရပ် တစ်ခု ဖြစ်ပေါ်ခဲ့ပါတယ်။ နောက်ခံလူ ပီယဲ ကာလူလူ အနေနဲ့ ဘတ်စတိုနီကို ဆွဲလှဲခဲ့တာကြောင့် နှစ်ဝါ တစ်နီနဲ့ ထုတ်ပယ်ခံခဲ့ရပြီး ဂျူဗင်တပ်စ်တို့ တစ်ယောက်လျော့နဲ့ ဆက်လက် ကစားခဲ့ရပါတယ်။ ဒုတိယပိုင်း ကတော့ သွင်းဂိုးတွေနဲ့ အပြန်အလှန် ရှိခဲ့ပြီး ၇၆ မိနစ်မှာ လူစားဝင်ကစားသမား ဖရန်ဆက်စကို ပီယို အက်စပိုစီတိုက ဒီမာကိုရဲ့ ဖြတ်တင်ဘောကို ခေါင်းတိုက်ပြီး အင်တာမီလန် အတွက် ဒုတိယဂိုး သွင်းပေးခဲ့ပါတယ်။ ဒါကိုလည်း ၈၃ မိနစ်မှာ ဂျူဗင်တပ်စ် ကွင်းလယ်လူ လိုကတ်တယ်လီက လှပတဲ့ ကန်ချက်နဲ့ ဒုတိယအကြိမ် ထပ်မံ ချေပနိုင်ခဲ့ပါတယ်။
ဒါပေမယ့်လည်း ပွဲပြီးခါနီး မိနစ် ၉၀ မှာတော့ ပီယော့တာ ဇီလင်းစကီးက ဧရိယာ အပြင်ဘက် ကိုက် ၂၀ ခန့် အကွာ ကနေ မထင်မှတ်ပဲ ကန်သွင်းယူခဲ့ရာမှာ လိုကာတယ်လီရဲ့ ခြေထောက်ကြား ကနေ ဂိုးဝင်သွားခဲ့ပြီး အင်တာမီလန်အတွက် အနိုင်ဂိုး ဖြစ်စေခဲ့ပါတယ်။
ပွဲပြီးအချက်အလက်နဲ့ မှတ်တမ်းများ
ဒီနိုင်ပွဲကြောင့် အင်တာမီလန်ဟာ ဒုတိယနေရာက အေစီမီလန်ကို ၈ မှတ် အထိ ဖြတ်ပြီး စီးရီးအေ အမှတ်ပေးဇယားကို ဆက်လက် ဦးဆောင်နေပါတယ်။ အန်ဒရီယာ ကမ်ဘီယာဆိုဟာ Derby d’Italia သမိုင်းတစ်လျှောက် တစ်ပွဲတည်းမှာ ကိုယ့်ဂိုးကိုယ် သွင်းပြီး ပြိုင်ဘက်ကိုလည်း ဂိုးပြန်သွင်းနိုင်တဲ့ ပထမဆုံး ကစားသမား ဖြစ်လာခဲ့ပါတယ်။ အင်တာမီလန်ဟာ ဒီပွဲမှာ ဂိုးပေါက် ကန်သွင်းချက် ၂၁ ကြိမ် အထိ ပြုလုပ်နိုင်ခဲ့ပြီး မျှော်မှန်းဂိုး (xG) ၁.၈၈ ရှိခဲ့ပါတယ်။ ဂျူဗင်တပ်စ် ကတော့ တစ်ယောက် လျော့နေပေမဲ့ ဂိုးပေါက် ကန်ချက် ၁၀ ကြိမ် အထိ ရရှိခဲ့ပါတယ်။
ဒီနိုင်ပွဲကြောင့် အင်တာမီလန်ဟာ စီးရီးအေ ချန်ပီယံဆု မျှော်လင့်ချက်ကို ခိုင်မာအောင် လုပ်ဆောင်နိုင်ခဲ့တယ်လို့ ဆိုရမှာ ဖြစ်ပါတယ်။ ဂျူဗင်တပ်စ် ကတော့ ဒီရှုံးနိမ့်မှုကြောင့် စီးရီးအေ အဆင့် (၄) အတွင်း ကနေ ဖယ်ပေးရမယ့် အခြေအနေနဲ့ ရင်ဆိုင်နေရပြီ ဖြစ်ပါတယ်။ ပိုဆိုးတဲ့ အခြေအနေ ကတော့ ဂျူဗင်တပ်စ်ဟာ အင်တာမီလန်နဲ့ ၁၅ မှတ် အထိ ပြတ်သွားခဲ့ပြီး ရာသီကုန်ရင် ချန်ပီယံလိဂ် ဝင်ခွင့်ရဖို့သာ မျှော်လင့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
