စပိန် လက်ရွေးစင် အသင်းခေါင်းဆောင် တိုက်စစ်မှူး အဲလ်ဗားရိုး မိုရာတာ ကတော့ လက်ရှိ ဆောင်းရာသီ အပြောင်းအရွှေ့ ဈေးကွက်မှာ အေစီမီလန်ကို စွန့်ခွာဖို့ ရှိနေပြီ ဖြစ်ပါတယ်။ မိုရာတာက စီးရီးအေ ကလပ်မှာ ကာလတိုသာ ကစားပြီးနောက် တူရကီ စူပါလိဂ် ထိပ်သီး ကလပ် ဂါလာတာဆာရေးကို ပြောင်းရွှေ့ ကစားဖို့ ဆုံးဖြတ်ခဲ့တာလည်း ဖြစ်ပါတယ်။
လက်ရှိမှာ အသက် ၃၂ နှစ် အရွယ် ရှိပြီ ဖြစ်တဲ့ မိုရာတာက ပြီးခဲ့တဲ့ နွေရာသီ ကမှ လာလီဂါ ကလပ် အက်တလက်တီကို မက်ဒရစ် ကနေ အေစီမီလန်ကို ပြောင်းရွှေ့လာခဲ့သူ ဖြစ်ပါတယ်။ ဒါ့အပြင် မိုရာတာက စီးရီးအေ ကလပ် အတွက် ပြိုင်ပွဲစုံ ၂၅ ပွဲ အထိ ပါဝင် ကစားထားခဲ့ပေမယ့် စုစုပေါင်း သွင်းဂိုး ၆ ဂိုးသာ သွင်းယူနိုင်ခဲ့သလို ဂိုးဖန်တီးမှု ကလည်း ၂ ကြိမ်သာ ပြုလုပ်ထားနိုင်ခဲ့ပါတယ်။ ဒါကြောင့် အေစီမီလန်က တိုက်စစ် အပိုင်းမှာ မိုရာတာ အစား တခြားသော တိုက်စစ်မှူးတွေ ဖြစ်တဲ့ တမ်မီ အေဘရာဟမ်၊ လူကာ ယိုဗစ် တို့ကို ပိုပြီး အားကိုးချင်နေသလို တိုက်စစ်မှူးသစ် တစ်ဦး ရှာဖွေနေတာကြောင့် မိုရာတာက အသင်း ပြောင်းရွှေ့ဖို့ ဖြစ်လာခဲ့တာပါ။
ဒါ့အပြင် စီးရီးအေ ကလပ်က ဖီယင်နော့ဒ်ရဲ့ မက္ကစီကို တိုက်စစ်မှူး ဟင်မီနက်ဇ် ကိုလည်း ချဉ်းကပ်နေပြီး ခေါ်ယူနိုင်ဖို့လည်း နီးစပ်နေပါတယ်။ ဒါကြောင့် မိုရာတာရဲ့ အနာဂတ်တွေက မရေမရာ မသေချာ ဖြစ်လာခဲ့ပြီး ဂါလာတာစာရေး အသင်းက ချိတ်ဆက်လာချိန် မှာတော့ ပြောင်းရွှေ့ဖို့ ဆုံးဖြတ်ခဲ့တာ ဖြစ်ပါတယ်။
လက်ရှိ ဂါလာတာဆာရေးရဲ့ တိုက်စစ်မှာ ဗစ်တာ အိုဆင်မ်ဟန်၊ ဘတ်ရှူဝါရီ၊ အီကာဒီနဲ့ မာတန်စ် တို့လို ထိပ်တန်း ကစားသမားတွေ ရှိနေပါတယ်။ ဒါပေမယ့်လည်း အီကာဒီက ဒဏ်ရာကြောင့် ကာလရှည် အနားယူနေရသလို ဘတ်ရှူဝါရီနဲ့ မာတန်းစ် တို့က အထောင်တိုက်စစ် နေရာ အတွက် အားကိုးလို့ မရနိုင်တာကြောင့် သွင်းဂိုးတွေ အတွက် ဗစ်တာ အိုဆင်မ်ဟန် တစ်ဦးတည်း ကိုသာ မျှော်လင့်နေရတာ ဖြစ်ပါတယ်။ ဒါ့အပြင် ကွင်းလယ် တိုက်စစ်နဲ့ တောင်ပံ တိုက်စစ် ကစားသမား ဟာကင်မ် ဇီယက်ချ် ကလည်း ကာတာ ကလပ်ကို ပြောင်းရွှေ့သွားခဲ့တာကြောင့် ဂါလာတာဆာရေးက ဆောင်းရာသီ အပြောင်းအရွှေ့ ဈေးကွက်ထဲမှာ တိုက်စစ်မှူးသစ် တစ်ဦး ခေါ်ယူဖို့ ကြိုးပမ်းခဲ့ရတာ ဖြစ်ပါတယ်။ လက်ရှိမှာတော့ ဂါလာတာဆာရေးက အဲလ်ဗားရိုး မိုရာတာကို ခေါ်ယူနိုင်ဖို့ သေချာသလောက် ရှိနေကြောင်း ဖာဘရီဇီယို ရိုမာနိုက အတည်ပြုထားခဲ့ပါတယ်။
သတင်းတွေ အရ ဆိုရင်တော့ ဂါလာတာဆာရေးက မိုရာတာကို ရာသီကုန် အထိ အငှားစာချုပ် အပြင် ယူရို ၁၆ သန်းနဲ့ အပြီးသတ် ခေါ်ယူခွင့်နဲ့ ခေါ်ယူဖို့ သဘောတူညီမှု ရရှိတော့မယ်လို့လည်း သိရပါတယ်။ ဂါလာတာဆာရေး ကတော့ လက်ရှိ တူရကီ စူပါလိဂ် အမှတ်ပေးဇယား ထိပ်ကနေ အမှတ်ဖြတ် ဦးဆောင်ထားသလို ယူရိုပါလိဂ် မှာလည်း ၁၆ သင်း အဆင့် ပလေးအော့ဖ်ကို တက်ရောက်သွားခဲ့ပြီ ဖြစ်ပါတယ်။ ဒါကြောင့် ဂါလာတာဆာရေးက ပလေးအော့ဖ်မှာ အေဇက် အဲလ်ခမာ သို့မဟုတ် မစ်ချယ်လန်းနဲ့ ကစားရဖို့လည်း ရှိနေပါတယ်။အဲလ်ဗားရိုး မိုရာတာ ကတော့ ပရော်ဖက်ရှင်နယ် ကစားသမားဘဝ တလျှောက် ရီးရဲလ်မက်ဒရစ်၊ အက်တလက်တီကိုမက်ဒရစ်၊ ဂျူဗင်တပ်စ်၊ ချဲလ်ဆီးနဲ့ အေစီမီလန် တို့လို ထိပ်တန်း ကလပ်တွေ ကျင်လည်ခဲ့ဖူးသူ ဖြစ်ပါတယ်။ ဒါ့အပြင် သူက ရီးရဲလ်မက်ဒရစ်နဲ့ ဂျူဗင်တပ်စ် တို့မှာလည်း နှစ်ကြိမ်တိုင်တိုင် ကစားခဲ့ဖူးပြီး ဆုဖလား အောင်မြင်မှုတွေလည်း ရရှိခဲ့သူ ဖြစ်ပါတယ်။ လက်ရှိ မှာတော့ မိုရာတာက သူ တစ်ကြိမ် တစ်ခါမှ မကစားရသေးတဲ့ တူရကီ စူပါလိဂ်မှာ သွားရောက် ကစားတော့မှာ ဖြစ်ပြီး စိန်ခေါ်မှု အသစ်တွေနဲ့ ရင်ဆိုင်ရင်း အောင်မြင်မှုတွေ ရယူသွားနိုင်မလား ဆိုတာ စောင့်ကြည့်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
