အက်စတွန်ဗီလာ – ဝက်စ်ဟမ်း
ချန်ပီယံလိဂ် ဝင်ခွင့် တစ်နေရာ ပျောက်ဆုံးသွားနိုင်တဲ့ အန္တရာယ်နဲ့ ရင်ဆိုင်နေရတဲ့ အက်စတွန်ဗီလာ ကတော့ အခုတပတ် ပရီးမီးယားလိဂ် ပွဲစဉ် (၃၁) ဝက်စ်ဟမ်းနဲ့ ရင်ဆိုင်ရမှာ ဖြစ်ပါတယ်။ အမှတ်ပေးဇယား ရပ်တည်မှုအရ ဒီနှစ်သင်း အကြားမှာ ၁၄ ဆင့် အထိ ကွာဟနေပေမယ့် လက်ရှိ ခြေစွမ်းပိုင်း မှာတော့ ဝက်စ်ဟမ်းက အိမ်ရှင် ဗီလာထက် သိသိသာသာ ပိုကောင်းနေပါတယ်။
အက်စတွန်ဗီလာ
အက်စတွန်ဗီလာဟာ ပရီးမီးယားလိဂ် ချန်ပီယံဆု အတွက် ရေပန်းစားခဲ့ဖူးပေမယ့် အခုအချိန် မှာတော့ အဲ့ဒီအခြေအနေက ပြောင်းလဲသွားခဲ့ပါပြီ။ လက်ရှိ မှာတော့ ချန်ပီယံလိဂ် ဝင်ခွင့် နေရာ ၃ နေရာ အတွက် အသင်း ၅ သင်းနဲ့ အပြိုင်အဆိုင် လုံးပန်းနေရပါတယ်။ အမ်မရီရဲ့ ဗီလာက ရမှတ် ၅၁ မှတ်နဲ့ အဆင့် (၄) နေရာမှာ ရှိနေပြီး အဆင့် (၃) က မန်ချက်စတာယူနိုက်တက်နဲ့ ၃ မှတ် ကွာဟနေပါတယ်။ ဒါပေမယ့် သူတို့ရဲ့ နောက်မှာ လစ်ဗာပူးလ်က ၂ မှတ်၊ ချဲလ်ဆီးက ၃ မှတ်နဲ့ ဘရန်ဖို့ဒ်က ၆ မှတ်စီနဲ့ ကပ်လိုက်နေပါတယ်။ စိတ်ဝင်စားစရာ ကောင်းတာက ဗီလာရဲ့ နောက်ဆုံး ရလဒ်တွေ ဖြစ်ပါတယ်။ ဝုလ်ဗ်၊ ချဲလ်ဆီးနဲ့ မန်ချက်စတာယူနိုက်တက် တို့ကို ၃ ပွဲဆက်တိုက် ရှုံးနိမ့်ထားပါတယ်။ လွန်ခဲ့တဲ့ ၅ ပတ် အတွင်းက ရလဒ်တွေကိုပဲ ကြည့်မယ်ဆိုရင် ဗီလာဟာ အဆင့် ၁၇ နေရာ အထိ ရောက်ရှိနေတာပါ။
ဒါ့အပြင် နောက်ဆုံး ၁၀ ပွဲ ရလဒ်ကို ကြည့်မယ်ဆိုရင်လည်း အမ်မရီရဲ့ အသင်းဟာ ရမှတ် ၉ မှတ်သာ ရရှိထားပြီး အဆင့် ၁၈ နေရာမှာ ရှိနေပါတယ်။ ဒါဟာ နှစ်သစ်ကူးပြီး နောက်ပိုင်း ဗီလာတို့ ရလဒ်ပိုင်း သိသိသာသာ ကျဆင်းလာတာကို ပြသနေတာပါ။ ရာသီအစ ဩဂုတ်ကနေ ဒီဇင်ဘာအတွင်း ၃၀ ဂိုးအထိ သွင်းယူနိုင်ခဲ့ပေမယ့် အခု နှစ်ဆန်းပိုင်း မှာတော့ ၁၀ ဂိုးသာ သွင်းယူနိုင်ပြီး လိဂ်ရဲ့ ဂိုးသွင်း အနည်းဆုံး အသင်း ဖြစ်နေပါတယ်။ ယူရိုပါလိဂ် ပြိုင်ပွဲက ဗီလာ အတွက် အနည်းငယ် စိတ်သက်သာရာရနေစေပေမယ့် အမ်မရီ အနေနဲ့ သူ့ရဲ့ နည်းပြ သက်တမ်း တစ်လျှောက် ပထမဆုံးအကြိမ် လိဂ် ၄ ပွဲဆက် ရှုံးနိမ့်ပြီး ချန်ပီယံလိဂ် ဝင်ခွင့် နေရာ လက်လွှတ်ရမယ့် ဘေးနဲ့ ရင်ဆိုင်နေရပြီ ဖြစ်ပါတယ်။
ဝက်စ်ဟမ်း
တစ်ဖက် မှာလည်း နည်းပြ နူနို အက်စ်ပီရီတို ဆန်တိုရဲ့ ဝက်စ်ဟမ်းက ဒီအပတ်မှာသာ ရလဒ်ကောင်းခဲ့ရင် ပရီးမီးယားလိဂ် တန်းဆင်းဇုန်ထဲ ကနေ ရုန်းထွက်နိုင်မှာ ဖြစ်ပါတယ်။ လက်ရှိမှာ ဝက်စ်ဟမ်းဟာ အဆင့် ၁၈ နေရာမှာ ရှိနေပြီး အဆင့် ၁၇ က စပါးနဲ့ ရမှတ် ၂၉ မှတ်ချင်း တူနေပေမယ့် ဂိုးကွာခြားချက်ကြောင့်သာ တန်းဆင်းဇုန်ထဲ ရောက်နေတာပါ။ ဒါပေမယ့် ၂၀၂၆ ခုနှစ် အတွင်း ဝက်စ်ဟမ်းရဲ့ ခြေစွမ်းက အားရစရာ ကောင်းပြီး နောက်ဆုံး ၁၀ ပွဲမှာ ၁၅ မှတ် အထိ ရရှိထားပါတယ်။ ဒါဟာ ရာသီအစ ပွဲစဉ် ၂၀ မှာ ရခဲ့တဲ့ ၁၄ မှတ်ထက်တောင် ပိုများနေတာ ဖြစ်လို့ သူတို့ရဲ့ ပရီးမီးယားလိဂ် သက်တမ်း ၁၄ နှစ်ကို ဆက်ထိန်းနိုင်ဖို့ မျှော်လင့်ချက်လည်း မြင့်မားနေပါတယ်။
သမိုင်းကြောင်းအရ ကြည့်ရင်တော့ ၂၀၂၂ ဩဂုတ်လ နောက်ပိုင်း ဗီလာနဲ့ တွေ့ဆုံခဲ့တဲ့ ၇ ပွဲစလုံးမှာ ဝက်စ်ဟမ်းတို့ အနိုင်မရခဲ့ပါဘူး။ ဒါပေမယ့် ဝက်စ်ဟမ်းဟာ ဗီလာရဲ့ လက်ရှိ ခြေစွမ်းကျဆင်းမှုကို အခွင့်ကောင်းယူပြီး အမ်မရီကို ၄ ပွဲ ဆက်တိုက် ရှုံးပွဲကြုံအောင် လုပ်ဆောင်နိုင်ဖို့ မျှော်လင့်နေပါလိမ့်မယ်။
နှစ်ဖက်အသင်း သတင်းများ
ဖြစ်နိုင်ဖွယ် လူစာရင်း
အက်စတွန်ဗီလာ – မာတီနက်ဇ်၊ ကတ်ရှ်၊ ကွန်ဆာ၊ မင်းဂ်၊ ဒစ်ဂ်နီး၊ အိုနာနာ၊ လူးဝစ်ဇ်၊ မက်ဂင်းန်၊ ရော်ဂျာစ်၊ ဘူအန်ဒီယာ၊ ဝက်ကင်န်
ဝက်စ်ဟမ်း – ဟာမန်ဆန်၊ ဝမ်ဘစ်ဆာခါ၊ အမ်ဗရိုပါးနို့စ်၊ ဒီဆာဆီ၊ ဒီယော့ဖ်၊ ဆိုချက်ခ်၊ မာဂတ်ဆာ၊ ဘိုဝင်၊ ဖာနန်ဒက်စ်၊ ပါဘလို၊ ကတ်စတယ်လာနို့စ်
ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်
ပြိုင်ပွဲစုံ နောက်ဆုံး ၅ ကြိမ် တွေ့ဆုံမှုမှာ ဗီလာက ၃ ကြိမ် နိုင်ပြီး ဝက်စ်ဟမ်းက ၂ ကြိမ် သရေကျထားပါတယ်။ ပရီးမီးယားလိဂ် နောက်ဆုံး ၅ ကြိမ် တွေ့ဆုံမှုမှာလည်း ဗီလာက ၃ ကြိမ်နိုင်ပြီး ၂ ကြိမ် သရေကျထားပါတယ်။ ဗီလာပါ့ခ်မှာ ကစားခဲ့တဲ့ နောက်ဆုံး ၅ ကြိမ် မှာတော့ နှစ်ကြိမ်စီ အနိုင်ရထားပြီး ၁ ကြိမ် သရေကျထားပါတယ်။
လောင်းကစားဆိုင်ရာ အကြံပြုချက်
SBOTOPရဲ့ 1X2 မှာ အက်စတွန်ဗီလာ နိုင်ရင် ၁.၉၈ ဆ၊ ဝက်စ်ဟမ်း နိုင်ရင် ၃.၄၀ ဆ၊ သရေ ဆိုရင်တော့ ၃.၃၀ ဆ ရရှိမှာ ဖြစ်ပါတယ်။ ဟန်းဒီးကပ် မှာတော့ ဗီလာ ဘက်ကပဲ ကြေးဖွင့်ပေးထားပါတယ်။ ဝက်စ်ဟမ်းရဲ့ တက်ရိပ်ပြနေတဲ့ လက်ရှိ ခြေစွမ်းကြောင့် အားနည်းနေတဲ့ ဗီလာတို့ ခက်ခက်ခဲခဲ ရင်ဆိုင်ရပါလိမ့်မယ်။ ဗီလာ အနေနဲ့ အိမ်ကွင်းမှာ ရှုံးပွဲ မတွေ့အောင် ကစားနိုင်စွမ်းတော့ ရှိနေနိုင်ပေမယ့် သရေ တစ်မှတ်စီ ခွဲယူရနိုင်ခြေတော့ ရှိပါတယ်။
ခန့်မှန်းရလဒ်
အက်စတွန်ဗီလာ ၁-၁ ဝက်စ်ဟမ်း
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
