ဇန်နဝါရီ ၂၁ ရက်နေ့ ညနေပိုင်းအထိ ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ နောက်ဆုံးရ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ် ကလပ် ဖူလ်ဟမ် ကတော့ မန်စီးတီး တောင်ပံ ကစားသမား အော်စကာ ဘော့ဘ်ကို ခေါ်ယူဖို့ စီစဉ်နေပါတယ်။ လန်ဒန် ကလပ်က လက်ရှိမှာ သက်ဆိုင်ရာ အသင်းနဲ့ ဆွေးနွေးနေပြီး ပေါင် ၃၅ သန်းနဲ့ ကမ်းလှမ်းသွားဖို့ ရှိနေပါတယ်။
မန်ချက်စတာယူနိုက်တက်ဟာ ဆန်းဒါးလန်း ကွင်းလယ်လူ နိုအာဆာဒီကီကို ခေါ်ယူဖို့ မန်နျူရယ် အူဂါတေးကို အလဲအလှယ် လုပ်ဖို့ အသင့် ဖြစ်နေကြောင်း သိရပါတယ်။ တခြားတဖက် မှာလည်း ပရီးမီးယားလိဂ် ထိပ်သီး တို့က ဘာစီလိုနာ ကွင်းလယ်လူ မာ့ခ် ကာဆာဒိုကို ခေါ်ယူဖို့ ဆွေးနွေးမှုတွေ ပြုလုပ်ခဲ့တယ်လို့ သိရပါတယ်။
မန်ချက်စတာယူနိုက်တက်က ကွင်းလယ် ကစားသမားသစ် ရှာဖွေရာမှာ များပြားတဲ့ ပစ်မှတ်တွေ သတ်မှတ်ထားပြီး ဘက်ဆစ်တပ်စ်က ဝီလ်ဖရိုင်း အန်ဒီဒီ၊ အေစီမီလန်က ရူဘင် လော့ဖ်တပ်စ်ချိခ် တို့ကိုလည်း ကမ်းလှမ်းဖို့ ရှိနေကြောင်း သိရပါတယ်။
ချဲလ်ဆီး ကတော့ ရီးရဲလ်မက်ဒရစ် တောင်ပံကစားသမား ဗီနီစီးယပ်စ် ဂျူနီယာနဲ့ လာမယ့် နွေရာသီမှာ စတန်းဖို့ဒ်ဘရစ်ချ်ကို ပြောင်းရွှေ့ဖို့ သဘောတူညီမှု ရရှိထားကြောင်း သတင်းတွေ ထွက်ပေါ်လာပါတယ်။ ချဲလ်ဆီးဟာ ဘရာဇီးလ်သားကို ယူရို ၁၅၀ သန်း (ပေါင် ၁၃၀.၁ သန်း) ပေးချေဖို့ အသင့် ရှိနေတယ်လို့လည်း သိရပါတယ်။ ဒါပေမယ့်လည်း ချဲလ်ဆီးနဲ့ အတူ ဗင်နီးစီးယပ်စ်ကို ခေါ်ယူဖို့ ရေပန်းစားနေတာက မန်ချက်စတာစီးတီး ဖြစ်ပြီး ယူရို ၁၅၀ သန်းနဲ့ ကမ်းလှမ်းထားကြောင်း Fichajes က ဖော်ပြထားပါတယ်။
တစ်ဖက်မှာလည်း ပရီးမီးယားလိဂ် ထိပ်တန်း ကလပ်တွေနဲ့ သတင်းတွေ ထွက်လာတဲ့ ဗင်နီးစီးယပ်စ်ဟာ ရီးရဲလ်မက်ဒရစ် အသိုင်းအဝိုင်းနဲ့ ဆက်ဆံရေး ပျက်ပြားလာခဲ့ကြောင်း သိရပါတယ်။
နယူးကာဆယ် ကတော့ အာဆင်နယ်နဲ့ လစ်ဗာပူးလ် နှစ်သင်းစလုံးရဲ့ ပစ်မှတ် ဖြစ်တဲ့ တောင်ပံ ကစားသမား အန်သိုနီ ဂေါ်ဒွန် အတွက် မြင့်မားတဲ့ ပြောင်းရွှေ့ကြေးနဲ့ ကမ်းလှမ်းလာမှသာ လက်ခံသွားမယ်လို့ သိရပါတယ်။
တစ်ချိန်တည်းမှာပဲ လစ်ဗာပူးလ် ကတော့ လိုက်ပ်ဇစ် တောင်ပံကစားသမား ယန် ဒီယိုမန်ဒီ အတွက် ကမ်းလှမ်းမှု တစ်ခု ပြုလုပ်ဖို့ ပြင်ဆင်နေသည်။ ကြိုးကြာနီတွေဟာ ယူရို ၁၀၀ သန်းကျော် ကုန်ကျဖွယ် ရှိနေတဲ့ ကစားသမားကို အပြင်းအထန် စိတ်ဝင်စားနေတာလည်း ဖြစ်ပါတယ်။
အက်စတွန်ဗီလာ ကတော့ ခရစ္စတယ်ပဲလေ့စ်က ဂျင်းန် ဖိလစ်ပ် မက်တေးတားကို ခေါ်ယူဖို့ စိတ်ဝင်စားနေပါတယ်။ အက်စတွန်ဗီလာဟာ ပြီးခဲ့တဲ့ နွေရာသီက တိုက်စစ်မှူး ခေါ်ယူဖို့ ပျက်ကွက်ခဲ့ပြီးနောက် အီဗန် ဂတ်ဆန် ကိုလည်း ခေါ်ယူဖို့ စိတ်ဝင်စားနေကြောင်း The Athletic က ဖော်ပြပါတယ်။
ဂျွန်စတုန်းရဲ့ မန်ချက်စတာစီးတီးနဲ့ စာချုပ်သက်တမ်းဟာ လာမယ့် နွေရာသီမှာ ကုန်ဆုံးတော့မှာ ဖြစ်တာကြောင့် အေစီမီလန်နဲ့ ဘေယန်မြူးနစ် နှစ်သင်းစလုံးက အင်္ဂလန် ဗဟိုနောက်ခံလူကို ကမ်းလှမ်းဖို့ ပြင်ဆင်နေကြပါတယ်။
အိုလက်ခ်ဆန်ဒါ ဇင်ချန်ကိုရဲ့ အာဆင်နယ် ကနေ အေဂျက်စ်ကို ပြောင်းရွှေ့ဖို့ စီစဉ်ထားမှုဟာ မကြာခင်မှာ အပြီးသတ်နိုင်ဖို့ ရှိလာပြီး ယူကရိန်း လက်ရွေးစင် ကစားသမားဟာ နယ်သာလန် ကလပ်နဲ့ ၆ လ စာချုပ် ချုပ်ဆိုဖို့ စီစဉ်ထားပါတယ်။
ဘုန်းမောက် ကတော့ ဟန်ဂေရီ ကလပ် ဖယ်ရန်ဗာရို့စ်က အဲလက်တော့သ်ကို ပေါင် ၁၀.၄ သန်းနဲ့ ခေါ်ယူခဲ့ပါတယ်။ အသက် ၂၀ အရွယ် တော့သ်ဟာ ဘုန်းမောက်နဲ့ ၅ နှစ်ခွဲ သက်တမ်းရှိတဲ့ စာချုပ်တစ်ရပ် ချုပ်ဆိုခဲ့ပြီး Add-ons ကြေး ပေါင် ၂.၆ သန်း ပါဝင်ပြီး ဖယ်ရန်ဗာရို့စ် ကလည်း အနာဂတ် အပြောင်းအရွှေ့ ကနေ ၁၀ ရာခိုင်နှုန်း ခံစားခွင့် ရှိနေပါတယ်။ တော့သ်ကို ဘင်ဖီကာ၊ ဂါလာတာဆာရေးနဲ့ လာဇီယိုတို့ ကလည်း စိတ်ဝင်စားခဲ့ကြတာပါ။ ကွင်းလယ် ခံစစ်ကစားသမား ဖြစ်တဲ့ တော့သ်ဟာ ၂၀၂၄ ခုနှစ် ဒီဇင်ဘာလမှာ ဖယ်ရန်ဗာရို့စ်နဲ့ အတူ ပွဲထွက်ခွင့်ရခဲ့ပြီး ပြိုင်ပွဲစုံ ၅၂ ပွဲ ကစားကာ ၄ ဂိုး သွင်းယူခဲ့ပါတယ်။ သူဟာ ဟန်ဂေရီ လက်ရွေးစင် အသင်း အတွက် ၉ ပွဲ ပါဝင် ကစားထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
