အသက် ၂၃ နှစ်အရွယ် အင်္ဂလန် ဂိုးသမား ဂျိမ်းစ် ထရက်ဖို့ဒ်ဟာ ပြီးခဲ့တဲ့ နွေရာသီကမှ ဘန်လေ ကနေ ပရီးမီးယားလိဂ် ထိပ်သီး မန်စီးတီးဆီ ပေါင် ၃၁ သန်းနဲ့ ပြောင်းရွှေ့လာခဲ့သူ ဖြစ်ပါတယ်။ အဲဒီအချိန်က ထရက်ဖို့ဒ်ဟာ အီဒါဆန်ရဲ့ နေရာမှာ အစားထိုးဖို့ အတွက် နယူးကာဆယ်ရဲ့ ကမ်းလှမ်းမှု ကိုပါ ပယ်ချပြီး သူ့ရဲ့ ငယ်ဘဝ ကလပ်ဆီ ပြန်လည် ပြောင်းရွှေ့လာခဲ့တာ ဖြစ်ပါတယ်။
ဒါပေမယ့် သူရောက်လာရှိပြီး ၃ ပတ် မပြည့်ခင်မှာပဲ ပီအက်စ်ဂျီ ကနေ ဝါရင့် ဂိုးသမား ဂျီယန်လူဝီဂျီ ဒွန်နာရမ်းမား ရောင်းချဖို့ ဆုံးဖြတ်လိုက်တဲ့ အခါမှာ မန်စီးတီးက ပေါင် ၂၆ သန်းနဲ့ ချက်ချင်းပဲ အရ ခေါ်ယူခဲ့ပါတယ်။ ဒါဟာ ပရီးမီးယားလိဂ် ကလပ်မှာ ထရက်ဖို့ဒ် အတွက် ကြီးမားတဲ့ အလှည့်အပြောင်း ဖြစ်စေခဲ့သလို အိမ်မက်ဆိုးလည်း ဖြစ်စေခဲ့တယ်လို့ ပြောရပါမယ်။
ထရက်ဖို့ဒ်ရဲ့ လက်ရှိ အခြေအနေ
ထရက်ဖို့ဒ်ဟာ ရာသီအစ ၃ ပွဲမှာ ပွဲထွက်ခွင့်ရခဲ့ပေမယ့် ဒွန်နာရမ်းမား ရောက်လာပြီး နောက်ပိုင်း အရန်ခုံမှာပဲ အချိန်ကုန်ဆုံးခဲ့ရပါတယ်။ စနေနေ့က ဆဲလ်ဖို့ဒ်ကို ၂-၀ နဲ့ အနိုင်ရတဲ့ ပွဲဟာ သူ့အတွက် ဒီရာသီ ၁၁ ပွဲမြောက် ပွဲထွက် ကစားခွင့်ရတဲ့ ပွဲစဉ်လည်း ဖြစ်ပါတယ်။ ထရက်ဖို့ဒ်က လက်ရှိ အခြေအနေနဲ့ ပတ်သတ်ပြီးတော့ “အခုလို ဖြစ်လာလိမ့်မယ်လို့ ကျွန်တော် မမျှော်လင့်ထားခဲ့ဘူး။ ဒါပေမယ့် ဖြစ်လာခဲ့ပြီ ဆိုတော့လည်း လက်ခံပြီး ရှေ့ဆက်ရုံပါပဲ။ ဒါဟာ ကျွန်တော့်ရဲ့ ကစားသမား ဘဝ အတွက် သင်ခန်းစာ တစ်ခုပါပဲ။” လို့ သူက ဆိုပါတယ်။
ထရက်ဖို့ဒ် နွေရာသီမှာ အက်တီဟတ် ကနေ ထွက်ခွာနိုင်ခြေ ရှိသလား
ထရက်ဖို့ဒ်ဟာ အင်္ဂလန် လက်ရွေးစင် အသင်းရဲ့ နံပါတ် (၁) ဂိုးသမား နေရာ အတွက် မျှော်လင့်ချက် ရှိခဲ့သူ ဖြစ်ပေမယ့် လက်ရှိမှာတော့ ကမ္ဘာ့ဖလားလူစာရင်းထဲ ပါဝင်ဖို့တောင် မသေချာတော့တဲ့ အခြေအနေ ဖြစ်နေပါတယ်။ ပြီးခဲ့တဲ့ ဇန်နဝါရီမှာ အပြောင်းအရွှေ့မှာ အသင်း ကနေ ထွက်ဖို့ ကြိုးစားခဲ့ပေမယ့် ပပ် ဂွါဒီယိုလာက ဒွန်နာရမ်းမား အတွက် အရန်အဖြစ် ထားရှိလိုတာကြောင့် တားဆီးခဲ့ပါတယ်။ အဲဒီအစား တတိယ ဂိုးသမား စတီဖန် အော်တီဂါ ကိုသာ ရောင်းချခဲ့ပါတယ်။
လာမယ့် နွေရာသီ မှာတော့ ထရက်ဖို့ဒ် အနေနဲ့ အသင်းပြောင်းဖို့ သေချာသလောက် ရှိနေပြီ ဖြစ်ပါတယ်။ လက်ရှိမှာ သူ့ကို ပရီးမီးယားလိဂ် ကလပ် နယူးကာဆယ်၊ အက်စတွန်ဗီလာနဲ့ ဝက်စ်ဟမ်း အသင်းတွေက စောင့်ကြည့်လျက် ရှိနေကြပါတယ်။
မန်စီးတီးရဲ့ လုပ်ရပ်က မှားယွင်းသလား။
မန်စီးတီး အနေနဲ့ ထရက်ဖို့ဒ်ကို “ပွဲထွက် ဂိုးသမား ဖြစ်ရမယ်” လို့ ဥပဒေကြောင်းအရ ကတိပေးထားတာမျိုး မရှိတဲ့အတွက် အပြစ်တင်ဖို့တော့ ခက်ခဲပါတယ်။ ကမ္ဘာ့အကောင်းဆုံး ဂိုးသမား တစ်ယောက် ဖြစ်တဲ့ ဒွန်နာရမ်းမားကို ထရက်ဖို့ဒ်ထက် သက်သာတဲ့ ဈေးနှုန်းနဲ့ ရနိုင်တဲ့အခါ မန်စီးတီး အနေနဲ့ လက်မလွှတ်နိုင်ခဲ့တာသာ ဖြစ်ပါတယ်။ မန်စီးတီးရဲ့ တာဝန်က ဆုဖလား အားလုံးကို စိန်ခေါ်နိုင်မယ့် အသင်း အဖြစ် တည်ဆောက်ဖို့ ဖြစ်ပြီး ဒွန်နာရမ်းမား ရှိနေခြင်းက အသင်းကို ပိုမိုတောင့်တင်းစေတာ အမှန်ပါပဲ။ အကျဉ်းချုပ်အားဖြင့် ဆိုရရင်တော့ ဘောလုံးလောကဟာ တခါတရံမှာ အံ့အားသင့်စရာတွေ ကြုံတတ်သလို တခါတရံ အရမ်းကို ရက်စက်တတ်ပါတယ်။
ထရက်ဖို့ဒ်ဟာ ပေါင် ၃၁ သန်းတန် ကစားသမား တစ်ယောက် ဖြစ်ပေမယ့် အသင်းကြီး တစ်သင်းရဲ့ ပြင်းထန်တဲ့ ပြိုင်ဆိုင်မှု အောက်မှာ နစ်မွန်းခဲ့ရပါတယ်။ ကံကောင်းတာ တစ်ခု ကတော့ သူဟာ အင်္ဂလန် နည်းပြ သောမတ်စ် တူချယ်ရဲ့ လူစာရင်းမှာ အမြဲတမ်း ပါဝင်နေဆဲ ဖြစ်လို့ တခြား တစ်ဖက်မှာ သူ့ရဲ့ ကစားသမားဘဝကို ပြန်လည် အသက်သွင်းဖို့ မျှော်လင့်ချက်တွေ အချိန်တွေ ရှိနေသေးတယ် ဆိုတာပါပဲ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
