မန်ချက်စတာယူနိုက်တက် – အက်စတွန်ဗီလာ
ပရီးမီးယားလိဂ် ပွဲစဉ် ၃၀ ရဲ့ စိတ်ဝင်စားစရာ အကောင်းဆုံး ထိပ်တိုက် တွေ့ဆုံမှုလို့ ဆိုနိုင်ပြီး ချန်ပီယံလိဂ် ဝင်ခွင့် အတွက် အဆုံးအဖြတ်ပေးမယ့် ပွဲဆိုရင်လည်း မမှားပါဘူး။ ယာယီ မိုက်ကယ် ကာရစ်ခ် လက်ထက် အိုးထရက်ဖို့ဒ်မှာ ၅ ပွဲဆက် အနိုင်ရလဒ်ကို ဖော်ဆောင်ဖို့ ကြိုးပမ်းနေတဲ့ မန်ချက်စတာယူနိုက်တက်တို့ အူနိုင်း အမ်မရီရဲ့ ဗီလာဆီ ကနေ အမှတ်ပြည့်ရယူသွားနိုင်မလား ဆိုတာ စောင့်ကြည့်ရမှာ ဖြပါတယ်။
မန်ချက်စတာယူနိုက်တက်
ယူနိုက်တက်ဟာ မိုက်ကယ် ကာရစ်ခ်ကို ယာယီ နည်းပြ အဖြစ် ခန့်အပ်ခဲ့ပြီးနောက် ပရီးမီးယားလိဂ် ၈ ပွဲမှာ ၆ ပွဲ အထိ အနိုင်ရအောင် စွမ်းဆောင်ထားနိုင်ပါတယ်။ ဇယားထိပ်ပိုင်းက တခြား အသင်းတွေဟာ ပြီးခဲ့တဲ့ တပတ်က အက်ဖ်အေဖလားနဲ့ ဥရောပ ပွဲစဉ်တွေ ကစားနေရချိန်မှာ ယူနိုက်တက်တို့ ကတော့ မတ်လ ၄ ရက်နေ့က နယူးကာဆယ်ကို ၂-၁ နဲ့ ရှုံးနိမ့်ခဲ့တဲ့ ပွဲစဉ်ကို ပြန်လည် သုံးသပ်ဖို့ အချိန် အလုံအလောက် ရခဲ့ပုံပါပဲ။ အဲဒီပွဲမှာ ဂိုးသွင်းခဲ့တဲ့ ကက်စ်မဲရိုးဟာ အခုရာသီ ပရီးမီးယားလိဂ်မှာ ၆ ဂိုး အထိ သွင်းယူထားနိုင်ပြီဖြစ်လို့ ၂၀၂၀-၂၁ ရာသီက ရီးရဲလ်မက်ဒရစ်မှာ သူသွင်းခဲ့တဲ့ တစ်ရာသီ အတွင်း အများဆုံး ဂိုးအရေအတွက် စံချိန်ကို လိုက်မီသွားပြီ ဖြစ်ပါတယ်။
ကာရစ်ခ် လက်ထက်မှာ ၁၉ မှတ်အထိ စုဆောင်းနိုင်ခဲ့တဲ့ ယူနိုက်တက်ဟာ ချန်ပီယံလိဂ် ဝင်ခွင့် အတွက် အသာစီးရလာပြီး လက်ရှိမှာ အဆင့် ၃ နေရာမှာ ရပ်တည်နေသလို အဆင့် ၆ က လစ်ဗာပူးလ် နဲ့လည်း ၃ မှတ် ကွာဟနေပါတယ်။ ကာရစ်ခ် အတွက် အိုးထရက်ဖို့ဒ်ဟာ တကယ်ပဲ အိမ်မက်ဆန်နေပြီး နောက်ဆုံး ကစားခဲ့တဲ့ အိမ်ကွင်း ၄ ပွဲစလုံးမှာ စုစုပေါင်း ရလဒ် ၉-၃ နဲ့ အပြတ်အသတ် အသာရထားပါတယ်။
အက်စတွန်ဗီလာ
အက်စတွန်ဗီလာ ကတော့ နှစ်ဆန်းပိုင်းကစလို့ ပရီးမီးယားလိဂ်မှာ ခြေစွမ်း အနည်းငယ် ကျဆင်းနေပေမယ့် ယူရိုပါလိဂ် မှာတော့ ဗိုလ်စွဲဖို့ ရေပန်းစားနေဆဲ ဖြစ်ပါတယ်။ ဗီလာဟာ ၁၉၈၂ ခုနှစ်က ချန်ပီယံလိဂ်နဲ့ ဥရောပ စူပါဖလား ရရှိခဲ့ပြီး နောက်ပိုင်း ပထမဆုံးအကြိမ် အဖြစ် ဥရောပဖလားကို ပြန်လည် ဆွတ်ခူးနိုင်ဖို့ ရည်မှန်းနေတာ ဖြစ်ပါတယ်။
နည်းပြ အူနိုင်း အမ်မရီဟာ ဗီလာ နည်းပြဘဝ ၁၀၁ ကြိမ်မြောက် နိုင်ပွဲကို ရယူလိုနေပြီး ပရီးမီးယားလိဂ်မှာ ၃ ပွဲဆက် နိုင်ပွဲ ပျောက်ဆုံးနေမှုကို အဆုံးသတ်နိုင်ဖို့ မျှော်လင့်နေပါလိမ့်မယ်။ ဇန်နဝါရီလက စလို့ ကစားခဲ့တဲ့ လိဂ်ပွဲ ၉ ပွဲမှာ နိုင်ပွဲ ၂ ပွဲသာ ရထားတဲ့ အတွက် ဗီလာတို့ ချန်ပီယံဆု မျှော်လင့်ချက် ဝေးကွာသွားခဲ့ရပြီး အခုတော့ ချန်ပီယံလိဂ် ဝင်ခွင့် ရရှိရေး အတွက် ကျန်ရှိနေတဲ့ ၉ ပွဲမှာ အစွမ်းကုန် ရုန်းကန်ရတော့မှာပါ။
နှစ်ဖက်အသင်း သတင်းများ
အခုပွဲကိုတော့ မန်ချက်စတာယူနိုက်တက် ဘက်က လီဆန်ဒရို မာတီနက်ဇ်၊ မားသီးယက်စ် ဒီလစ်ဂျ်နဲ့ ပက်ထရစ် ဒေါဂူ တို့ လွဲချော်ဖို့ ရှိနေပါတယ်။ အက်စတွန်ဗီလာ ဘက်မှာတော့ ဂျေဒန် ဆန်ချို ပါဝင်ကစားနိုင်မှာ မဟုတ်ပဲ မက်တီ ကတ်ရှ်၊ ကာမာရာနဲ့ တေးလီမန့်စ် တို့ကလည်း လွဲချော်ကြဦးမှာ ဖြစ်ပါတယ်။
ဖြစ်နိုင်ဖွယ် လူစာရင်း
မန်ချက်စတာယူနိုက်တက် – လမ်မန်းစ်၊ မက်ဇရာရီ၊ ယိုရို၊ မက်ဂွိုင်းယား၊ ရှော၊ ကက်စ်မဲရိုး၊ မိန်နူး၊ အမ်ဘွေမို၊ ဖာနန်ဒက်စ်၊ ကူညာ၊ ဆက်စ်ကို
အက်စတွန်ဗီလာ – မာတီနက်ဇ်၊ ဘိုဂါဒီ၊ ကွန်ဆာ၊ ပါအူ၊ မတ်ဆန်၊ လူးဝစ္စ၊ အိုနာနာ၊ ဘိုင်လီ၊ ရော်ဂျာစ်၊ ဘူအန်ဒီယာ၊ ဝက်ကင်န်
ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်
မန်ချက်စတာယူနိုက်တက်ဟာ အရင်ကလောက် တောင့်တင်းတဲ့ အသင်း မဟုတ်တော့ပေမယ့် အိမ်ကွင်း အိုးထရက်ဖို့ဒ်မှာ အက်စတွန်ဗီလာနဲ့ တွေ့ရင် ရလဒ်ကောင်းလေ့ ရှိပါတယ်။ နောက်ဆုံး ကစားခဲ့တဲ့ အိမ်ကွင်း ၆ ပွဲမှာ ၅ ပွဲ အထိ အနိုင်ရထားတဲ့ သမိုင်းကြောင်း ရှိနေပါတယ်။ ပရီးမီးယားလိဂ် နောက်ဆုံး ၅ ကြိမ် တွေ့ဆုံမှု မှာတော့ ယူနိုက်တက်က ၃ ကြိမ်နိုင်ပြီး ဗီလာက ၁ ကြိမ် နိုင်ကာ၊ ၁ ကြိမ် သရေကျထားပါတယ်။
လောင်းကစားဆိုင်ရာ အကြံပြုချက်
SBOTOPရဲ့ 1X2 မှာ မန်ချက်စတာယူနိုက်တက် နိုင်ရင် ၁.၇၄ ဆ၊ အက်စတွန်ဗီလာ နိုင်ရင် ၄.၀၂ ဆ၊ သရေ ဆိုရင်တော့ ၃.၅၉ ဆ ရရှိမှာ ဖြစ်ပါတယ်။ ဟန်းဒီးကပ်မှာ ယူနိုက်တက် ဘက်ကပဲ ကြေးဖွင့်ထားပြီး သရဲနီတို့ အနိုင်လို့ တွက်ဆထားကြပုံပါပဲ။ ကာရစ်ခ်ရဲ့ ဦးဆောင်မှု အောက်မှာ အိုးထရက်ဖို့ဒ်မှာ ရလဒ်ကောင်းတွေ တောက်လျှောက် ပြန်လည် ဖော်ဆောင်ထားနိုင်တဲ့ မန်ချက်စတာယူနိုက်တက်က အခုတစ်ပတ် ပွဲစဉ် အတွက် ပြင်ဆင်ချိန် အလုံအလောက် ရထားသလို အနိုင်ရဖို့လည်း ယုံကြည်ချက် အပြည့် ရှိနေပါတယ်။ တစ်ဖက်မှာ လာရောက် ရင်ဆိုင်မယ့် ဗီလာ ကတော့ ဒဏ်ရာရ ကစားသမားတွေ ရှိနေပါတယ်။ ဒါကြောင့် ဗီလာတို့ ၂၀၂၃ ခုနှစ် ဖေဖော်ဝါရီလ နောက်ပိုင်း ပထမဆုံးအကြိမ် အဖြစ် ပရီးမီးယားလိဂ်မှာ ၃ ပွဲ ဆက်တိုက် ရှုံးနိမ့်မှုနဲ့ ကြုံတွေ့ရနိုင်ခြေ ရှိနေပါတယ်။
ခန့်မှန်းရလဒ်
မန်ချက်စတာယူနိုက်တက် ၂-၁ အက်စတွန်ဗီလာ
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
