မတ် ၁၃ ရက် ညနေခင်း အထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းထူးတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
ပရီးမီးယားလိဂ် ကလပ် ချဲလ်ဆီးဟာ ရာသီကုန်မှာ အက်စတွန်ဗီလာ နည်းပြ အူနိုင်း အမ်မရီကို ခန့်အပ်ချင်နေပါတယ်။ အမ်မရီ ဘက်ကလည်း သူပြောင်းရွှေ့လာဖို့ အတွက် ဂိုးသမား ဒီယိုဂို ကော်စတာ၊ နောက်ခံလူ နီကို ရှလော့တ်တာဘက်ခ်နဲ့ တိုက်စစ်မှူး ဗစ်တာ အိုဆင်မ်ဟန် တို့ကို ခေါ်ယူပေးဖို့ တောင်းဆိုထားပါတယ်။
မန်ချက်စတာယူနိုက်တက်မှာ ပုံမှန်ပွဲထွက်ခွင့် ပျောက်ဆုံးနေတဲ့ တိုက်စစ်မှူး ဂျော်ရွှာ ဇစ်ခ်ဇီးဟာ လာမယ့် နွေရာသီမှာ အသင်း ကနေ အပြီးတိုင် ထွက်ခွာဖို့ ပြင်ဆင်နေပြီး စီးရီးအေကို ပြန်ဖို့ အခွင့်အလမ်း အများဆုံး ဖြစ်နေပါတယ်။
နာပိုလီ ကလည်း ယူနိုက်တက် ကနေ အငှားနဲ့ ခေါ်ယူထားတဲ့ ရက်စ်မက်စ် ဟွိုက်ဂျ်လန်းကို ယူရို ၄၄ သန်းနဲ့ အပြီးသတ် ဝယ်ယူခွင့်မှာ လျှော့စျေး ရဖို့ ညှိနှိုင်းသွားမှာပါ။ ဒါပေမယ့် နည်းပြ အန်တိုနီယို ကွန်တီရဲ့ အသင်းက ချန်ပီယံလိဂ် ဝင်ခွင့် ရရင်တော့ အပြီးသတ် ဝယ်ယူရမယ့် သတ်မှတ်ချက် ပါဝင်နေပါတယ်။
လီဆန်ဒရို မာတီနက်ဇ် အတွက် အရံနောက်ခံလူ အဖြစ် အသုံးပြုဖို့ နော့တင်ဟမ်ဖောရက်စ် ဗဟို နောက်ခံလူ မူရီလိုကို ယူနိုက်တက်က မျက်စိကျနေပါတယ်။ မူရီလို ကတော့ အရန် နောက်ခံလူ ဖြစ်ချင်မှာ မဟုတ်တာ သေချာပါတယ်။
ပီအက်စ်ဂျီ အသင်းဟာ အန်ဇို ဖာနန်ဒက်ဇ် အတွက် ကမ်းလှမ်းဖို့ ပြင်ဆင်နေပေမယ့် ချဲလ်ဆီး ဘက်က ယူရို သန်း ၁၅၀ ရမှသာ ရောင်းချမယ်လို့ သတိပေးထားပါတယ်။
တော့တင်ဟမ်ဟော့စပါးတို့ ရလဒ်ပိုင်း ရုန်းကန်နေရတာကို အခွင့်ကောင်းယူပြီး ကွင်းလယ်လူ လူးကပ်စ် ဘက်ဂျ်ဗဲလ်ကို ခေါ်ယူဖို့ အက်စတွန်ဗီလာနဲ့ ချဲလ်ဆီး တို့က ကြိုးပမ်းလာနိုင်ပါတယ်။
လစ်ဗာပူးလ် နည်းပြ အာနေး ဆလော့တ်ဟာ ဒေါ့မန် နောက်ခံလူ နီကို ရှလော့တ်တာဘက်ခ်ကို အန်ဖီးလ်ဆီ ပြောင်းလာဖို့ ကိုယ်တိုင် တွေ့ဆုံ စည်းရုံးထားကြောင်း သိရပါတယ်။
ဂျူဗင်တပ်စ် နောက်ခံလူ ပီယာရီ ကာလူလူကို ခေါ်ယူဖို့ အက်စတွန်ဗီလာ၊ နယူးကာဆယ်၊ မန်ချက်စတာယူနိုက်တက်နဲ့ တော့တင်ဟမ်ဟော့စပါး တို့ကို ကျော်ဖြတ်ပြီး လစ်ဗာပူးလ်က အရှိန်အဟုန်မြှင့် ကြိုးပမ်းနေပါတယ်။
ပရီးမီးယားလိဂ် ကလပ် အာဆင်နယ်မှာ ပွဲထွက်ခွင့် နည်းပါးနေတဲ့ ရီကာဒို ကာလာဖီအိုရီဟာ သူ့ရဲ့ အနာဂတ် အတွက် စဉ်းစားနေပြီး ချဲလ်ဆီး ကလည်း သူ့ကို ခေါ်ယူဖို့ စောင့်ကြည့်နေပါတယ်။
လိုက်ပ်ဇစ် နောက်ခံလူ ကတ်စတယ်လို လု့ခ်ကီဘာကို ခေါ်ယူဖို့ အာဆင်နယ် အားကစားဒါရိုက်တာ အန်ဒရီယာ ဘာတာက ပြီးခဲ့တဲ့ အပတ်တွေမှာ ဆွေးနွေးမှုတွေ ပြုလုပ်ခဲ့ကြောင်း L’Équipe က ဖော်ပြပါတယ်။
ရိုဒရီ မရှိတော့မယ့် အနာဂတ် အတွက် ပြင်ဆင်တဲ့ အနေနဲ့ မန်စီးတီးက အက်တလက်တီကိုမက်ဒရစ် ကွင်းလယ်လူ ပါဘလို ဘာရီယို့စ်ကို စောင့်ကြည့်နေပါတယ်။
တော့တင်ဟမ်ဟော့စပါးရဲ့ ညာနောက်ခံလူ ဂျက် စပန့်စ်ကို ခေါ်ယူဖို့ ဂျူဗင်တပ်စ်က စိတ်ဝင်စားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
