ဇန်နဝါရီ ၁၇ ရက်နေ့ ညနေပိုင်းအထိ ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ နောက်ဆုံးရ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီး ကတော့ ပြီးခဲ့တဲ့နှစ်က ပရီးမီးယားလိဂ် ပြိုင်ဘက် လစ်ဗာပူးလ်ရဲ့ ဗဟိုနောက်ခံလူ ဗာဂျယ် ဗန်ဒိုက်ခ်ကို စုံစမ်းမေးမြန်းခဲ့ပေမယ့် ချက်ချင်းပဲ ပယ်ချခံခဲ့ရကြောင်း သိရပါတယ်။ ချဲလ်ဆီးဟာ ခံစစ်ကစားသမားသစ် တစ်ဦး ရှာဖွေနေဆဲ ဖြစ်ပြီး ဘုန်းမောက်က မားကို့စ် ဆီနက်ဆီနဲ့ တူးလော့စ်က ချာလီ ခရက်စ်ဝဲလ် တို့ကို စိတ်ဝင်စားနေပါတယ်။
ဇန်နဝါရီလ အပြောင်းအရွှေ့ကာလမှာ မန်ချက်စတာစီးတီးက သူတို့ရဲ့ တောင်ပံကစားသမား အော်စကာ ဘော့ဘ်ကို ကလပ် ကနေ ထွက်ခွာခွင့်ပြုသွားမယ်လို့ သိရပါတယ်။ ဒီကစားသမား ကိုတော့ တော့တင်ဟမ်ဟော့စပါး ကလည်း ခေါ်ယူဖို့ စိတ်ဝင်စားနေပါတယ်။
တစ်ချိန်တည်းမှာပဲ ချဲလ်ဆီးဟာ ကွင်းလယ် ကစားသမား အန်ဇို ဖာနန်ဒက်ဇ် အတွက် လဲလှယ်မှု သဘောတူညီချက် အတွက် ရီးရဲလ်မက်ဒရစ်ရဲ့ အဆိုပြုချက်ကို လက်ခံသွားဖို့ ရှိနေကြောင်း သိရပါတယ်။ ရီးရဲလ်မက်ဒရစ်ဟာ အသင်းထံ ပြောင်းရွှေ့လာချင်နေတဲ့ အန်ဇို ဖာနန်ဒက်ဇ်ကို ခေါ်ယူပြီး ဗင်နီးစီးယက်စ် ဂျူနီယာကို စတန်းဖို့ဒ်ဘရစ်ချ်ဆီ လက်လွှတ်သွားဖို့ ရှိနေပါတယ်။
လစ်ဗာပူးလ်ဟာ နယူးကာဆယ်ယူနိုက်တက် ကွင်းလယ် ကစားသမား ဆန်ဒရို တိုနာလီ အတွက် ကမ်းလှမ်းမှု တစ်ခု စဉ်းစားနေပေမယ့် အီတလီ လက်ရွေးစင် ကစားသမားကို ခေါ်ယူဖို့အတွက် ပေါင် ၁၀၀ သန်း ပေးချေရဖွယ် ရှိနေပါတယ်။ တိုနာလီနဲ့ နီးစပ်သူတွေ ကတော့ သူတို့ရဲ့ ကစားသမား အတွက် ဒီနွေရာသီမှာ ပရီးမီးယားလိဂ် ထိပ်တန်း ကလပ်တွေရဲ့ ကမ်းလှမ်းမှုတွေကို မျှော်လင့်နေကြကြောင်း ဖာဘရီဇီယို ရိုမာနိုက ဖော်ပြပါတယ်။
အာဆင်နယ် ကတော့ ပရီးမီးယားလိဂ် ပြိုင်ဘက် နယူးကာဆယ်ရဲ့ အင်္ဂလန် တောင်ပံ ကစားသမား အန်သိုနီ ဂေါ်ဒွန်ကို နွေရာသီ အပြောင်းအရွှေ့မှာ ခေါ်ယူဖို့ စိတ်ဝင်စားနေပါတယ်။
ချဲလ်ဆီးနဲ့ မန်ချက်စတာယူနိုက်တက် တို့ဟာ ယူရို ၆၀ သန်း (ပေါင် ၅၂ သန်း) တန်ကြေး ရှိတဲ့ ရိုးမား ဂိုးသမား မိုင်ဆဗီလာကို စောင့်ကြည့်နေတဲ့ အသင်းတွေထဲမှာ ပါဝင်နေပါတယ်။
ရူဘင် အာမိုရင် ထွက်ခွာသွားပြီးနောက် ကိုဘီ မိန်းနူး အနေနဲ့ ဒီဇန်နဝါရီမှာ မန်ချက်စတာယူနိုက်တက် ကနေ ထွက်ခွာဖို့ မဖြစ်နိုင်ပါဘူး။
မန်ချက်စတာယူနိုက်တက်ဟာ ဒီလမှာ နောက်ထပ် ကွင်းလယ် ကစားသမား တစ်ဦး ခေါ်ယူချင်နေပြီး ၆ လ အငှားစာချုပ်နဲ့ အမည်မသိရသေးတဲ့ ကစားသမား တစ်ဦးနဲ့ ဆွေးနွေးမှုတွေ ပြုလုပ်နေတယ်လို့ သိရပါတယ်။ အဆိုပါ ကွင်းလယ် ကစားသမား ကတော့ ပရီးမီးယားလိဂ် အတွေ့အကြုံ ရှိပေမယ့်လည်း လက်ရှိမှာ အင်္ဂလန် ပြင်ပမှာ ကစားနေကြောင်း သိရပါတယ်။
ဝက်စ်ဟမ်း ကတော့ အာဆင်နယ် ကွင်းလယ် ကစားသမား အီသန် နွမ်နရီ အတွက် ချဉ်းကပ်မှု ပြုလုပ်ခဲ့ပေမယ့် ပယ်ချခံခဲ့ရကြောင်း သိရပါတယ်။ ဂန်းနားတွေဟာ ဆယ်ကျော်သက် ကြယ်ပွင့်ကို လုံးဝ လက်လွှတ်လိုခြင်း မရှိကြောင်း သိရပါတယ်။
အက်စတွန်ဗီလာ ကတော့ တိုက်စစ်မှူး တမ်မီ အေဘရာဟမ်ကို ပြန်လည် ခေါ်ယူရန် တရားဝင် ကမ်းလှမ်းခဲ့ပါတယ်။ ဒါပေမယ့်လည်း ဘက်ဆစ်တပ်စ် ကတော့ ရိုးမား တိုက်စစ်မှူးကို အပြီးသတ် ဝယ်ယူဖို့ စတင်လိုက်ပြီ ဖြစ်ပါတယ်။ တူရကီ ကလပ် အနေနဲ့ အမြတ်အစွန်း ရရှိဖို့ အခုလို ဆုံးဖြတ်ခဲ့ခြင်း ဖြစ်ပါတယ်။
ဘေယန်မြူးနစ် ကတော့ ဒေါ့မန် ဗဟိုနောက်ခံလူ နီကို ရှလော့တ်တာဘက်ခ် အပေါ် စိတ်ဝင်စားမှုကို အဆုံးသတ်လိုက်ပြီ ဖြစ်သောကြောင့် ဂျာမနီ လက်ရွေးစင် အနေနဲ့ ပရီးမီးယားလိဂ်ကို ပြောင်းရွှေ့ဖို့ ပိုမို ဖြစ်နိုင်ခြေ ရှိလာပါတယ်။
ခရစ္စတယ်ပဲလေ့စ် နည်းပြ အိုလီဗာ ဂလက်စနာ ကတော့ ရာသီအကုန်မှာ အသင်းနဲ့ လမ်းခွဲတော့မယ်လို့ အတည်ပြု ကြေညာခဲ့ပါတယ်။ အသက် ၅၁ နှစ် အရွယ် သြစတြီးယား နိုင်ငံသား ဂလက်စ်နာ ကတော့ အခုရာသီကုန်မှာ သက်တမ်းကုန်ဆုံးမှာလည်း ဖြစ်ပါတယ်။ ဂလက်စ်နာဟာ ခရစ္စတယ်ပဲလေ့စ်ကို အသင်းသမိုင်း တလျှောက် ပထမဦးဆုံး အဓိက ဆုဖလား အဖြစ် ပြီးခဲ့တဲ့ ရာသီက အက်ဖ်အေဖလား ရယူပေးခဲ့ပြီး ရာသီကြို ကွန်မြူနတီဒိုင်း ကိုလည်း ဆွတ်ခူးစေခဲ့ပါတယ်။ ပဲလေ့စ်ဟာ ပြီးခဲ့တဲ့ နွေရာသီ ကတည်းက ဂလက်စ်နာကို စာချုပ်သက်တမ်းတိုးဖို့ ကြိုးပမ်းခဲ့တာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
