ရမှတ် လိုအပ်နေတဲ့ အာဆင်နယ် ဘက်မှာပဲ ရပ်တည်ထားချင်တယ် | အက်စတွန်ဗီလာ – အာဆင်နယ် (ပရီးမီးယားလိဂ် ပွဲကြိုသုံးသပ်ချက်)

အက်စတွန်ဗီလာ – အာဆင်နယ်

ရာသီ အကုန်မှာ ပရီးမီးယားလိဂ် ထိပ်ဆုံး ၄ သင်း နေရာ ဝင်ဖို့ အားစိုက် ရုန်းနေတဲ့ အာဆင်နယ် ကတော့ အခုတစ်ပတ် ပွဲစဉ် ၃၀ မှာ အက်စတွန်ဗီလာကို အဝေးကွင်းမှာ သွားရောက် ယှဉ်ပြိုင်ရမှာ ဖြစ်ပါတယ်။ နှစ်သင်းစလုံး ရလဒ်တွေ တောက်လျောက် ပြန်ကောင်းနေပေမယ့် ပြီးခဲ့တဲ့ ပွဲမှာ ဗီလာက ဝက်စ်ဟမ်းကို အရေးနိမ့်ထားခဲ့ပြီး အာဆင်နယ် ကတော့ လစ်ဗာပူးလ်ကို ရှုံးနိမ့်ထားထားလို့ မဖြစ်မနေ နိုင်ပွဲ ပြန်ရှာဖို့ ကြိုးစားကြမှာလည်း ဖြစ်ပါတယ်။

အာဆင်နယ် ထက်စာရင် အက်စတွန်ဗီလာတို့ ဒီပွဲကို ဖိအားကင်းကင်းနဲ့ ကစားနိုင်ဖို့ ရှိနေပါတယ်။ ဘာကြောင့်လဲ ဆိုရင် ဂျရတ်ရဲ့ အသင်းက လက်တလော ပရီးမီးယားလိဂ် အမှတ်ပေးဇယား အဆင့် ၉ နေရာမှာ ရပ်တည်နေပြီး အဆင့် ၈ နေရာက ဝုဗ်နဲ့ ၁၀ မှတ်အထိ ပြတ်တောက်နေလို့ ဖြစ်ပါတယ်။ တစ်ချက် ရှိတာက အဆင့် ၁၃ နေရာက ဘရိုက်တန်နဲ့ အထိကို ၃ မှတ်သာ ကွာဟနေလို့ အချိန်မရွေး ပြန်ကျသွားနိုင်တဲ့ အခြေအနေ ရှိပါတယ်။ အက်စတွန်ဗီလာတို့ ဘောက်ဆင်းဒေးမှာ ရလဒ်တွေ ယိမ်းယိုင်ခဲ့သမျှ ပြီးခဲ့ ဖေဖော်ဝါရီ နောက်ဆုံး အပတ်က ကစားခဲ့တဲ့ ပရီးမီးယားလိဂ် ပွဲစဉ် ၃ ပွဲ မှာတော့ ထူးရှယ် ခြေစွမ်းနဲ့ ဂိုးပြတ် နိုင်ပွဲတွေ ရှာဖွေနိုင်ခဲ့တာ ဖြစ်ပါတယ်။ အခွင့်အရေး ဖန်တီးနိုင်မှု၊ တောင်ပံ တိုက်စစ်တွေ ကောင်းပေမယ့် ပြိုင်ဘက်ရဲ့ တန်ပြန် တိုက်စစ်နဲ့ အမြင့်ဘောတွေကို တားဆီးရာ မှာတော့ တော်တော်လေး အားနည်းလို့ အာဆင်နယ်လို ခံစစ်ကနေ တိုက်စစ် ကူးပြောင်းတာ မြန်ဆန်တဲ့ အသင်းနဲ့ တွေ့ဆုံချိန်မှာ ဂျရတ် တို့ ဘယ်လိုပုံစံနဲ့ ထိန်းချုပ်မလဲ ဆိုတာ စောင့်ကြည့်ရမှာပါ။ လူးကပ်စ် ဒစ်ဂ်နီး၊ အန်ကမ်ဘာ တို့ လွဲချော်ဖို့ ရှိပြီး ဝက်စ်ဟမ်းနဲ့ ပွဲမှာ ဒဏ်ရာရခဲ့တဲ့ ဒေါက်ဂလပ်စ် လူးဝစ်နဲ့ ကော်လမ်ချမ်ဘာ တို့လည်း ပါဝင်ကစားနိုင်ဖို့ မသေချာသေးဘူးလို့ သိရပါတယ်။ ပွဲထွက်လူစာရင်း အရ ဆိုရင်တော့ ဂိုးမှာ မာတီနက်ဇ်၊ နောက်တန်းမှာ ကတ်ရှ်၊ ကွန်ဆာ၊ မင်းဂ်စ်၊ ယန်း၊ ကွင်းလယ်မှာ မက်ဂင်းန်၊ ဆန်ဆွန်၊ ရမ်ဆေး၊ တိုက်စစ် မှာတော့ ကော်တင်ဟို၊ အင့်ဂ် သို့မဟုတ် ဘူအန်ဒီရာနဲ့ အိုလီဝက်ကင်န်ပဲ ဦးဆောင်လာဖွယ် ရှိနေပါတယ်။

အာဆင်နယ်တို့ လစ်ဗာပူးလ်ကို ၂ ဂိုးပြတ် ရှုံးနိမ့်ပြီး ပရီးမီးယားလိဂ် ၅ ပွဲဆက် နိုင်ပွဲ ဆက်မှု ရပ်တန့်ခဲ့ရလို့ ပျော်ရွှင်နေမှာ မဟုတ်တာ သေချာပါတယ်။ လစ်ဗာပူးလ်ကို ခြေရည်တူ အကောင်းဆုံး တုန့်ပြန် ကစားနိုင်ခဲ့ပေမယ့် လူငယ် ကစားသမားတွေရဲ့ အတွေ့အကြုံ အားနည်းမှုကြောင့် ရှုံးပွဲနဲ့ ရင်ဆိုင်ခဲ့ရတာ ဖြစ်ပါတယ်။ လစ်ဗာပူးလ်နဲ့ ပွဲဖယ်လိုက်ရင်တော့ မီခယ်အာတေးတားရဲ့ အသင်းဟာ ကျန်ပွဲတွေ အားလုံးမှာ ကြယ်ငါးပွင့် မဟုတ်ရင်တောင် အနိမ့်ဆုံး ကြယ်လေးပွင့် အဆင့် ရှိတဲ့ ခြေစွမ်းနဲ့ ပြိုင်ဘက်တွေကို အလဲထိုးခဲ့တာ တွေ့နိုင်ပါတယ်။ မာတင်နယ်လီနဲ့ ဆာကာ တို့ရဲ့ တောင်ပံက တိုးအားတွေ၊ အိုဒီဂတ်ရဲ့ ဘောလုံး ဖြန့်ဝေမှု၊ ဖန်တီးပေးပို့မှု၊ ပါတေးနဲ့ ချာကာရဲ့ ခံစစ်နဲ့ တိုက်စစ် ချိတ်ဆင် ကစားနိုင်မှု၊ ဂါဘရီရယ်၊ ဝှိုက်နဲ့ တီယာနေး တို့ရဲ့ ကျစ်လျစ်တဲ့ ခံစစ်တွေကြောင့် အာဆင်နယ်တို့ ရလဒ်တွေ တောက်လျောက် ကောင်းခဲ့တာ ဖြစ်ပါတယ်။ ဒါပေမယ့် ဂျပန်သား တိုမီယာဆု မကစားနိုင်သေးတဲ့ ခံစစ် ညာအစွန် ကတော့ ပွဲတိုင်းလိုလို အားနည်းနေပါသေးတယ်။ လက်တလော အာဆင်နယ်တို့ အဆင့် ၄ နေရာမှာ ရှိနေပြီး ပွဲကျန် ၂ ပွဲ ကစားဖို့ ကျန်ရှိနေသေးပေမယ့် ချန်ပီယံလိဂ် ဝင်ခွင့် အတွက် အဓိက ယှဉ်ပြိုင်နေရတဲ့ ယူနိုက်တက်၊ ဝက်စ်ဟမ်း၊ စပါးတို့နဲ့ ရမှတ် ကွာဟချက် တော်တော်လေး ကျည်းမြောင်းနေတာကြောင့် လုံးဝ ပေါ့ဆလို့ မရသေးပါဘူး။ ဒါကြောင့် မီခယ် အာတေးတားရဲ့ အသင်းက ရမှတ် လိုအပ်ချက် အတွက် မဖြစ်မနေ အားစိုက် ကစားလာဦးမှာ ဖြစ်ပြီး ပုံမှန် ပွဲထွက်နေကျ လူစာရင်း အပြည့်အစုံနဲ့ မြင်တွေ့ရဖို့ ရှိပါတယ်။ တိုမီယာဆု ကတော့ အခုပွဲကို ထပ်မံ လွဲချော်ဖွယ် ရှိနေတယ်လို့ သိရပြီး လာကာဇက်၊ မာတင်နယ်လီ၊ ဆာကာ ဦးဆောင်တဲ့ တိုက်စစ်နဲ့ အတူ အိုဒီဂတ်၊ ရှာကာ၊ ပါတေး၊ တီယာနေး၊ ဂါဘရီရယ်၊ ဝှိုက်၊ စီဒရစ်၊ ရမ်းစ်ဒေးလ် တို့နဲ့ ပွဲထွက်လာဖို့ ရှိနေပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

ပြိုင်ပွဲစုံ နောက်ဆုံး တွေ့ဆုံမှု ၁၉ ကြိမ်မှာ အာဆင်နယ်တို့ ၁၃ ကြိမ် အနိုင်ရပြီး ၁ ကြိမ် သရေကျကာ ဗီလာက ၅ ကြိမ် ပြန်လည် အနိုင်ရထားခဲ့ပါတယ်။ မနှစ်က ပရီးမီးယားလိဂ် နှစ်ကျော့စလုံး အာဆင်နယ်တို့ ဗီလာကို အရှုံးပေးခဲ့ရပြီး ဒီရာသီ ပထမအကျော့ ပွဲစဉ် မှာတော့ ၃-၁ ရလဒ်နဲ့ အနိုင်ရထားခဲ့ပါတယ်။

လောင်းကစားဆိုင်ရာ အကြံပြုချက်များ

SBOTOPရဲ့ 1X2 မှာ အက်စတွန်ဗီလာ အတွက် ၂.၈၈ ဆ၊ အာဆင်နယ် အတွက် ၂.၃၅ ဆ၊ သရေ အတွက် ၃.၄၀ ဆ ကြေးဖွင့်လှစ်ပေးထားပါတယ်။ နှစ်သင်းလုံး ရှုံးပွဲ ကိုယ်စီ တွေ့ထားပေမယ့် ဗီလာတို့ ဝက်စ်ဟမ်းကို ကပ်ပြီး ရှုံးခဲ့သလို အာဆင်နယ် ကလည်း လစ်ဗာပူးလ်ကို ခြေရည်တူ ကစားပြီးမှ ရှုံးထားတာ ဖြစ်ပါတယ်။ ဒီပွဲမှာ အကောင်းဆုံး ပုံစံ တစ်ခုနဲ့ ရလဒ်ကောင်း ပြန်ရှာဖွေဖို့ ကြိုးစားကြမှာ ဖြစ်ပြီး Final Third အားကောင်းတဲ့ အသင်းတွေ ဖြစ်လို့ အပြန်အလှန် သွင်းဂိုးတွေလည်း မြင်တွေ့ရဖို့ ရှိပါတယ်။ ဗီလာနဲ့ အာဆင်နယ်ဟာ နောက်ဆုံး တွေ့ဆုံခဲ့တဲ့ ၁၃ ကြိမ်မှာ သရေ ရလဒ် ထွက်ပေါ်ထားခြင်း မရှိလို့ အခုပွဲမှာလည်း‌ ပြတ်သားတဲ့ ရလဒ် ထွက်ပေါ်ဖို့ များနေပါတယ်။ ရွေးချယ်မှု တစ်ခု အရ ဆိုရင်တော့ ခြေစွမ်း ပိုပြီး တည်ငြိမ်သလို အသင်းကြီးတွေနဲ့က လွဲရင် ရလဒ်ကောင်းတတ်တဲ့ အာဆင်နယ်ကိုပဲ သဘောကျနေပါတယ်။

ခန့်မှန်းရလဒ် (၁-၂)

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.