ဘာစီလိုနာရဲ့ လူငယ် ကြယ်ပွင့် လာမင်း ယာမယ်က ဗီလာရီးရဲလ်နဲ့ လာလီဂါ ပွဲစဉ်မှာ သူ့ရဲ့ ကစားသမားဘဝ ပထမဆုံး ဟတ်ထရစ်ကို သွင်းယူနိုင်ခဲ့ပါတယ်။ ညက ကစားခဲ့တဲ့ လာလီဂါ ပွဲစဉ်မှာ ယာမယ်ဟာ လာလီဂါ သမိုင်းတလျှောက် ဟတ်ထရစ် သွင်းနိုင်တဲ့ အသက်အငယ်ဆုံး ကစားသမား အဖြစ်လည်း စံချိန်တင်နိုင်ခဲ့ပါတယ်။ ဒါပေမယ့် ပွဲအပြီး မှာတော့ သူဟာ မကြာသေးခင်ကမှ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာအရ ခက်ခဲတဲ့ ကာလတစ်ခုကို ကျော်ဖြတ်ခဲ့ရတယ်လို့ ဝန်ခံခဲ့ပါတယ်။
ဟန်ဆီ ဖလစ်ခ်ရဲ့ ဘာစီလိုနာ နည်းပြဘဝ ပွဲပေါင်း ၁၀၀ ပြည့်မြောက်တဲ့ ဒီပွဲမှာ ယာမယ်ရဲ့ ဟတ်ထရစ် သွင်းဂိုးတွေ၊ လီဝမ်ဒေါစကီးရဲ့ နောက်ကျဂိုးတွေနဲ့ အတူ ဘာစီလိုနာက ဗီလာရီးရဲလ်ကို ၄-၁ ရလဒ်နဲ့ အပြတ်အသတ် အနိုင်ရခဲ့ပါတယ်။ ဒီနိုင်ပွဲကြောင့် ဘာစီလိုနာဟာ ရီးရဲလ်မက်ဒရစ်ထက် ၄ မှတ် အသာနဲ့ လာလီဂါ ဇယားထိပ်မှာ ဦးဆောင်နေခဲ့ပါတယ်။
ယာမယ်ဟာ အသက် ၁၈ နှစ်နဲ့ ရက်ပေါင်း ၂၃၀ မှာ ဟတ်ထရစ် သွင်းယူနိုင်ခဲ့တာကြောင့် ၂၀၀၈ ခုနှစ်က ဂျီယိုဗန်နီ ဒေါ့စ် ဆန်းတို့စ် တင်ထားတဲ့ စံချိန် (၁၉ နှစ်နဲ့ ၆ ရက်) ကို ကျော်ဖြတ်ကာ လာလီဂါ သမိုင်းမှာ အသက်အငယ်ဆုံး ဟတ်ထရစ်ရှင် ဖြစ်လာပါတယ်။ ဒါ့အပြင် ဒါဟာ ၂၁ ရာစုရဲ့ ပထမဆုံး ဖြစ်ပြီး ဥရောပ ထိပ်တန်းလိဂ် ၅ ခုမှာ အသက် ၁၉ နှစ် မပြည့်ခင် လိဂ်ဂိုး ၂၅ ဂိုး ပြည့်မြောက်တဲ့ ပထမဆုံး ကစားသမား ဖြစ်လာပါတယ်။ (လက်ရှိမှာ ၉၅ ပွဲ ကစား၊ ၂၇ ဂိုး သွင်းယူထားပြီး ဖြစ်ပါတယ်)
ပွဲအပြီး Movistar နဲ့ အင်တာဗျူး မှာတော့ ယာမားလ်က အခုလို ပြောကြားခဲ့ပါတယ်။ လူတွေက ကျွန်တော့်ကို အသက် ၁၆ နှစ်မှာတင် ဂိုးပေါင်း ၁၀၀ လောက် သွင်းစေချင်ကြတာ။ ဒါပေမယ့် ကျွန်တော် တော်တော်ကြာကြာ နေလို့မကောင်း ဖြစ်နေခဲ့ပါတယ်။ အရာအားလုံး ရောထွေးနေခဲ့တာပါ။ ဆီးခုံရိုး နာကျင်တဲ့ ဝေဒနာလည်း ခံစားခဲ့ရတယ်။ ကျွန်တော် မပျော်ခဲ့ပါဘူး၊ အဲဒါကလည်း အသိသာကြီးပါ။ ဒါပေမယ့် အခု တစ်ပတ်လောက် ရှိပါပြီ၊ ကျွန်တော် နေလို့ ပြန်ကောင်းလာတယ်။ အခု ကစားရတာ ပြုံးနိုင်ပြီ ပျော်နိုင်ပါပြီ။” လို့ ယာမယ်က ဆိုပါတယ်။
ဒါ့အပြင် သူ့ကို လူစားမလဲဖို့ နည်းပြကို တောင်းဆိုခဲ့ပုံနဲ့ ပတ်သက်ပြီးလည်း ရယ်ရယ်မောမောနဲ့ အခုလို ဆိုပါတယ်။ “ကျွန်တော် နည်းပြ ဖလစ်ခ်ကို ပြောခဲ့ပါတယ်။ အသင်းရဲ့ တတိယဂိုး သွင်းပြီးရင် လူစားမလဲပါနဲ့ဦး။ ကျွန်တော့်ရဲ့ တတိယမြောက်ဂိုး (ဟတ်ထရစ်) ရအောင် စောင့်ပေးပါဦးလို့ပေါ့။ နောက်ဆုံးတော့ ကျွန်တော် ရသွားခဲ့ပါတယ်။” လို့ ယာမယ်က ထပ်လောင်း ပြောကြားပါတယ်။
နည်းပြ ဟန်စီ ဖလစ်ခ် ကလည်း ဟက်ထရစ် သွင်းခဲ့တဲ့ ယာမယ် ကလည်း အခုလို ချီးကျူးစကားဆိုလိုက်ပါတယ်။ “လာမင်း ယာမယ် ပုံစံကောင်း ပြန်ရလာဖို့ ကျွန်တော်တို့ လိုအပ်နေတာပါ။ သူ ဟတ်ထရစ် သွင်းနိုင်ခဲ့ပြီး ယုံကြည်မှု ပြန်ရလာတာဟာ အသင်း အတွက် အရေးကြီးပါတယ်။ သူ့ရဲ့ ဂိုးတွေတင် မကဘူး၊ ခံစစ်မှာ ကူညီပေးတာနဲ့ ပြိုင်ဘက်ကို အသည်းအသန် ဖိအားပေး ကစားတာတွေ ကိုလည်း ချီးကျူးဖို့ လိုပါတယ်။” လို့ ဟန်ဆီ ဖလစ်ခ်က ပြောကြားခဲ့ပါတယ်။
ယာမယ်ဟာ ဒီရာသီ ဘာစီလိုနာ အတွက် လိဂ်ဂိုး ၁၃ ဂိုးအထိ သွင်းယူထားပြီး အသင်းရဲ့ ဂိုးသွင်း အများဆုံး ကစားသမား အဖြစ်လည်း ရပ်တည်နေပါတယ်။ ဒါ့အပြင် ဘာစီလိုနာ အသင်း ကတော့ ဒီနှစ် လာလီဂါ ချန်ပီယံဆုကို ရယူနိုင်မယ့် အလားအလာ တော်တော်လေး ကောင်းနေတယ်လို့ ဆိုရမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
