ရီးရဲလ်ဆိုစီဒက် တိုက်စစ်မှူး မီခဲလ် အိုယာဇာဘယ် ကတော့ နည်းပြ ဟန်ဆီ ဖလစ်ခ်ရဲ့ ဘာစီလိုနာ အသင်းထံ ပြောင်းရွှေ့မယ်ဆိုတဲ့ ကောလာဟလတွေ ထွက်ပေါ်နေသူ ဖြစ်ပါတယ်။ ဒါပေမယ့်လည်း သူကိုယ်တိုင် ကတော့ လက်ရှိ လာလီဂါ ကလပ် မှာပဲ ပျော်ရွှင်နေတယ်လို့ အတိအလင်း ပြောကြားလိုက်ပါတယ်။
အသက် ၂၉ နှစ် အရွယ် ရှိပြီဖြစ်တဲ့ အိုယာဇာဘယ်ဟာ နှစ်ပေါင်းများစွာ အတွင်း ရီးရဲလ်ဆိုစီဒက် အသင်းရဲ့ အဓိက အားထားရတဲ့ ကစားသမား တစ်ဦး ဖြစ်လာခဲ့ပြီး အသင်း အတွက် ၄၃၇ ပွဲ ကစားထားရာမှာ ၁၃၃ ဂိုးသွင်း၊ ဂိုးဖန်တီးမှု ၆၀ အထိ ပြုလုပ်ပေးထားပါတယ်။ ပြီးခဲ့တဲ့ရာသီ လာလီဂါ ပြိုင်ပွဲမှာ သူသွင်းယူခဲ့တဲ့ ၁၅ ဂိုးဟာ သူ့ရဲ့ ကစားသမားဘဝ တစ်ရာသီ အတွင်း အများဆုံး သွင်းဂိုး စံချိန် ဖြစ်ခဲ့ပါတယ်။ ဒါ့အပြင် ၂၀၂၆ ရာသီ ကိုပါဒယ်ရေးဖလား ကိုလည်း ဆိုစီဒက် အသင်းနဲ့ အတူ ဒုတိယအကြိမ်မြောက် ဆွတ်ခူးနိုင်ခဲ့ပါတယ်။
ဒါ့အပြင် အိုယာဇာဘယ်ဟာ အခုကျင်းပနေတဲ့ ကမ္ဘာ့ဖလား ပြိုင်ပွဲ မှာလည်း စပိန် လက်ရွေးစင် အသင်း အတွက် ၅ ပွဲကစား၊ ၄ ဂိုးသွင်း၊ ၁ ဂိုး ဖန်တီးပေးထားပြီး ခြေစွမ်းပြသနေတာပါ။ ဘာစီလိုနာ အသင်း ကတော့ ဒီနွေရာသီမှာ တိုက်စစ်ပိုင်း အားဖြည့်ဖို့ အတွက် ကစားသမား တစ်ယောက် ရှာဖွေနေတာ ဖြစ်ပြီး မန်စီးတီး တိုက်စစ်မှူး ဟူလီယန် အဲလ်ဗာရက်ဇ် ကိုလည်း စိတ်ဝင်စားနေတယ်လို့ သတင်းတွေ ထွက်ပေါ်နေပါတယ်။
“ဘာစီလိုနာ အသင်းကို ငြင်းပယ်ဖို့ ဖြစ်နိုင်လားဆိုတော့ ဖြစ်နိုင်တာပေါ့ဗျာ။ သေချာပေါက် ငြင်းလို့ ရပါတယ်။ တခြား ကစားသမားတွေလည်း ငြင်းခဲ့ဖူးတာပဲလေ။”လို့ အိုယာဇာဘယ်က El Chiringuito မီဒီယာကို ပြောကြားခဲ့ပါတယ်။
“ကျွန်တော် ဆန်ဆီဘက်စတီယန်မှာ အင်မတန် ပျော်ရွှင်နေပါတယ်။ ရီးရဲလ်ဆိုစီဒက်ကို ကျွန်တော့်ရဲ့ အိမ်လိုပဲ သဘောထားတာပါ။ ဒီနေရာက ကျွန်တော့်ရဲ့ အနီးစပ်ဆုံး လူတွေနဲ့အတူ ကိုယ်အလိုရှိတဲ့ ဘဝမျိုးကို ဖြတ်သန်းနိုင်မယ့် နေရာ တစ်ခုပါ။ ကျွန်တော် အမြဲတမ်း ပြောခဲ့သလိုပဲ၊ အခု ကျွန်တော် ရှိနေတဲ့ နေရာက ကျွန်တော် တကယ် ရှိချင်တဲ့ နေရာပါပဲ။”
“ဒါပေမယ့် လူ့ဘဝမှာ ဘာဖြစ်လာမလဲ ဆိုတာ ဘယ်သူမှ ကြိုမသိနိုင်ပါဘူး။ ဘောလုံးလောက ကလည်း အရမ်းကို မြန်မြန်ဆန်ဆန် ပြောင်းလဲတတ်တာမျိုးပါ။” လို့ ၎င်းက ဆက်ပြောပါတယ်။
ရီးရဲလ်ဆိုစီဒက် အသင်းဟာ လာမယ့် ၂၀၂၆-၂၇ လာလီဂါ ရာသီ အဖွင့် ပွဲစဉ် အဖြစ် ရီးရဲလ်မက်ဒရစ် အသင်းနဲ့ အဝေးကွင်းမှာ ရင်ဆိုင်ရမှာ ဖြစ်ပါတယ်။ ဘာစီလိုနာ အသင်း ကတော့ အမှတ်ပေးဖလားကို ကာကွယ်ဖို့ အတွက် သြဂုတ် ၁၆ ရက်နေ့မှာ အက်သလက်တစ် ဘီလ်ဘာအို အသင်းကို အိမ်ကွင်းမှာ လက်ခံ ကစားပြီး ရာသီစတင်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
