ဇန်နဝါရီ ၃၀ ရက်နေ့ ညနေခင်းအချိန်ထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
မန်ချက်စတာစီးတီး ရီးရဲလ်မက်ဒရစ် တိုက်စစ်မှူးဟောင်း ကာရင်မ် ဘန်ဇီမာဟာ အဲလ်အစ်တီဟတ်နဲ့ စာချုပ်သက်တမ်းတိုးဖို့ ဆွေးနွေးရာမှာ သဘောထားကွဲလွဲမှုတွေ ရှိခဲ့ပါတယ်။ ဒါကြောင့် သူဟာ အဲလ်ဖာတေးနဲ့ ပွဲမှာ ပါဝင်ကစားဖို့ ငြင်းဆိုခဲ့ပြီး လက်ရှိစာချုပ် သက်တမ်း ၆ လတောင် မပြည့်တော့တဲ့ အချိန်မှာ သူ့ရဲ့ အနာဂတ်က မရေမရာ ဖြစ်လာပါတယ်။
ကာရင်မ် ဘန်ဇီမာရဲ့ အေးဂျင့် ဖြစ်သူဟာ အသင်းဟောင်း ဖြစ်တဲ့ ရီးရဲလ်မက်ဒရစ်ဆီ ပြန်လည် ပြောင်းရွှေ့နိုင်ဖို့ အတွက် လာလီဂါ ကလပ်ရဲ့ တာဝန်ရှိသူတွေနဲ့ စတင် ဆွေးနွေးနေပြီလို့ သိရပါတယ်။
လာလီဂါ ကြယ်ပွင့် ကစားသမား ရာဖင်ညာကို ခေါ်ယူဖို့ မန်ချက်စတာယူနိုက်တက်နဲ့ လစ်ဗာပူးလ် နှစ်သင်းစလုံးက ယူရို ၉၅ သန်း (ပေါင် ၈၂.၄ သန်း) နဲ့ ကမ်းလှမ်းဖို့ အသင့်ရှိနေကြပါတယ်။ ဒီနှစ်သင်းစလုံးက ဘရာဇီးလ် လက်ရွေးစင် ရာဖင်ညာကို တစ်နှစ်လစာ ယူရို ၂၂ သန်း အထိ ပေးချေဖို့လည်း ကမ်းလှမ်းမှုတွေ ပြုလုပ်သွားမှာ ဖြစ်ပါတယ်။
ရီးရဲလ်မက်ဒရစ် ဥက္ကဋ္ဌ ဖလော်ရန်တီနို ပီရက်ဇ်ဟာ အသင်းရဲ့ ခံစစ်ပြဿနာကို အမြန်ဆုံး ဖြေရှင်းဖို့ အတွက် စပါး အသင်းခေါင်းဆောင် ခရစ္စရှန် ရိုမီယိုကို ယူရို သန်း ၁၀၀ (ပေါင် ၈၆.၇ သန်း) နဲ့ ဒီလအတွင်း မှာတင် ကမ်းလှမ်းလိုက်ပါတယ်။
ရီးရဲလ်မက်ဒရစ်နဲ့ သတင်းတွေ ထွက်နေတဲ့ ရူဘင် နီးဗက်စ် ကတော့ ဥရောပ ကလပ်တွေရဲ့ စိတ်ဝင်စားမှုကို ပယ်ချပြီး အဲလ်ဟီလာ မှာပဲ ၃ နှစ် စာချုပ်သစ် ချုပ်ဆိုဖို့ ဆုံးဖြတ်ထားပါတယ်။
လာလီဂါ ကလပ် ဘာစီလိုနာ ကတော့ အင်တာမီလန်ရဲ့ ခံစစ် ညာအစွန်လူ ဒန်ဇဲလ် ဒမ်ဖရီးစ်ကို ပြန်လည် ခေါ်ယူဖို့ အတွက် စဉ်းစား သုံးသပ်နေပါတယ်။
မက္ကဆီကို တိုက်စစ်မှူး ဂျာမန် ဘာတာရာမီဟာ အင်တာမိုင်ယာမီရဲ့ နောက်ဆုံး ကျန်ရှိနေတဲ့ အထူးကစားသမား နေရာကို ဖြည့်ဆည်းပေးတော့မှာ ဖြစ်ပါတယ်။ သူဟာ မက်ဆီ၊ ရိုဒရီဂို ဒီပေါလ် တို့နဲ့ အတူ အသင်းရဲ့ အဓိက ဒေါက်တိုင် ၃ ခု ဖြစ်လာပါလိမ့်မယ်။
မူဆာ ဒီယာဘီဟာ အင်တာမီလန်ကို ယူရို ၃၅ သန်းနဲ့ အပြီးသတ် ဝယ်ယူခွင့်ပါဝင်တဲ့ “ အငှား” စာချုပ်နဲ့ ပြောင်းရွှေ့ဖို့ သဘောတူလိုက်ပါတယ်။ ဒါပေမယ့် သူ့ရဲ့ လက်ရှိကလပ် အဲလ်အစ်တီဟတ် ဘက်ကတော့ ဆုံးဖြတ်ချက် မချရသေးပါဘူး။
နောဝစ်ချ်စီးတီး အသင်း ကနေ ဖယ်ကြဉ်ခံထားရတဲ့ အမေရိကန် တိုက်စစ်မှူး ဂျော့ရှ် ဆားဂျန့် ကိုတော့ တိုရွန်တို အက်ဖ်စီက ဒေါ်လာ ၁၈ သန်းနဲ့ ကမ်းလှမ်းခဲ့ရာမှာ ပယ်ချခံခဲ့ရပါတယ်။ အခုအခါ မှာတော့ တိုရွန်တိုဘက်က ပြောင်းရွှေ့ကြေး ထပ်တိုးပြီး ကမ်းလှမ်းထားကြောင်း သိရပါတယ်။
အဲဗာတန်မှာ ခြေစွမ်းပြနေတဲ့ ဂရီးလစ်ရှ် တစ်ယောက် ခွဲစိတ်မှု ခံယူဖို့ လိုအပ်နေတာကြောင့် ရာသီကုန်အထိ အနားယူသွားရဖို့ ရှိနေပါတယ်။ မန်စီးတီးမှာ ခြေစွမ်းပြဖို့ ရုန်းကန်ခဲ့ရတဲ့ ဂရီးလစ်ရှ် တစ်ယောက် အဲဗာတန်မှာ နဂိုခြေစွမ်းတွေ ပြန်လည် ပြသနေနိုင်ချိန်မှ ယခုလို မမျှော်လင့်ပဲ ဒဏ်ရာ ရရှိခဲ့တာ ဖြစ်ပါတယ်။ အစောပိုင်းတုန်းက ဂရီးလစ်ရှ်ရဲ့ ဒဏ်ရာကို ခွဲစိတ်မှု ခံယူရဖို့ မသေချာသေးပေမယ့် ယခုနောက်ဆုံး စမ်းသပ်ချက်တွေအရ ခွဲစိတ်မှု ပြုလုပ်ဖို့ လိုအပ်နေပြီး အချိန်အတော်ကြာ အနားယူရဖို့ ရှိနေပါတယ်။
အာဆင်နယ် ကတော့ အသက် ၁၆ နှစ်သာ ရှိသေးတဲ့ ဆယ်ကျော်သက် တိုက်စစ် ကစားသမား မက်စ် ဒေါင်းမန်းကို အသက် ၁၇ နှစ် ပြည့်ချိန်မှာ ပရော်ဖက်ရှင်နယ် စာချုပ်ချုပ်ဆိုဖို့ အတွက် အကြို သဘောတူစာချုပ် ချုပ်ဆိုလိုက်ကြောင်း သိရပါတယ်။ မက်စ် ဒေါင်းမန်းဟာ ပြီးခဲ့တဲ့ ဒီဇင်ဘာလကမှ အသက် ၁၆ နှစ် ပြည့်ခဲ့သူ ဖြစ်ပြီး လက်ရှိအချိန်မှာ အင်္ဂလန် ယူ-၁၉ အသင်း အတွက် ကစားနေသူ ဖြစ်ပါတယ်။ မက်စ် ဒေါင်းမန်းဟာ အာဆင်နယ်ကို အားပေးတဲ့ မိသားစု ကနေ ပေါက်ဖွားလာခဲ့သူ ဖြစ်ပြီး အသက် ၈ နှစ် အရွယ်ကတည်းက အာဆင်နယ် အကယ်ဒမီကို ရောက်ရှိခဲ့သူပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
