ဇန်နဝါရီ ၂၀ ရက်နေ့ ညနေခင်းအချိန်ထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
လာလီဂါ ကလပ် အက်တလက်တီကိုမက်ဒရစ် ကတော့ တစ်ချိန်က မန်ချက်စတာယူနိုက်တက်ရဲ့ ရေဒါထဲမှာ ပါဝင်ခဲ့တဲ့ အတ္တလန္တာ ကွင်းလယ်လူ အီဒါဆန်ကို ခေါ်ယူဖို့ လှုပ်ရှားလာနိုင်ပါတယ်။ ဘရာဇီးလ်သားရဲ့ တန်ကြေးက ယူရို ၃၅ သန်း ကနေ သန်း ၄၀ (ပေါင် ၃၀.၄ သန်း ကနေ ၃၄.၇ သန်း) အကြား ရှိနေကြောင်း သိရပါတယ်။
တဖက်မှာလည်း အက်တလက်တီကိုမက်ဒရစ်က ၂၀၂၆ ခုနှစ်မှာ အလက်ဇန္ဒား ဆောလော့သ် သို့မဟုတ် အန်တွန် ဂရစ်ဇ်မန်း ထွက်ခွာသွားခဲ့ရင် ပီအက်စ်ဂျီရဲ့ အရန်တိုက်စစ်မှူး ဂွန်ဆာလို ရာမို့စ်ကို ခေါ်ယူဖို့ အလွန် စိတ်ဝင်စားနေကြောင်း MARCA က ဖော်ပြပါတယ်။
လာလီဂါ ထိပ်သီး ရီးရဲလ်မက်ဒရစ် အနေနဲ့ အန်ဇို ဖာနန်ဒက်ဇ် အတွက် ယူရို ၁၂၀ သန်း ပေးချေခဲ့မယ် ဆိုရင် ချဲလ်ဆီးက အရေးပေါ် အစီအစဉ် တစ်ခု ရေးဆွဲထားပြီး ဖြစ်ပါတယ်။ သတင်းတွေအရ ဆိုရင်တော့ ခြင်္သေ့ပြာတွေဟာ ပီအက်စ်ဂျီ စူပါစတား ယာအို နီးဗက်စ်ကို ယူရို ၁၂၅ သန်းနဲ့ ကမ်းလှမ်းသွားဖို့ ရှိနေကြောင်း သိရပါတယ်။
ဘာစီလိုနာဟာ ကတ်တလန် အိမ်နီးချင်း ဂီရိုနာနဲ့ သဘောတူညီမှု ရရှိထားပြီး ဖြစ်တဲ့ မာ့ခ်-အန်ဒရီ တာ စတီဂျန်ကို ရာသီကုန် အထိ အငှားချဖို့ ရှိနေပါတယ်။ တစ်ဖက် မှာလည်း ဘာစီလိုနာက ဂိုးသမား စာရင်းကို ချက်ချင်း ပြန်လည် ဖြည့်တင်းဖို့ အတွက် ရီးရဲလ်ဆိုစီဒက် ဂိုးသမား အလက်စ် ရီမီရိုကို ခေါ်ယူမယ်လို့ သတင်းတွေ ထွက်ပေါ်နေပါတယ်။
တော့တင်ဟမ်ဟော့စပါးက မစ်ဒယ်ဘရော့ ကွင်းလယ်လူ ဟေဒန် ဟက်နီး အပေါ် စိတ်ဝင်စားမှုတွေ လျော့ကျခဲ့ပေမယ့်လည်း မန်ချက်စတာယူနိုက်တက် ကတော့ ပေါင် ၃၀ သန်း တန်ဖိုး ရှိတဲ့ အသက် ၂၃ နှစ် အရွယ် ကစားသမားကို အလွန် စိတ်ဝင်စားနေဆဲ ဖြစ်ပါတယ်။ အဓိက ကတော့ ဘိုရို နည်းပြဟောင်း မိုက်ကယ် ကာရစ် တစ်ယောက် ယူနိုက်တက် နည်းပြ ဖြစ်လာချိန်မှာ ဟက်နီး ကလည်း သရဲနီ တစ်ယောက် ဖြစ်လာဖို့ နီးစပ်နေတာ ဖြစ်ပါတယ်။
ပပ် ဂွါဒီယိုလာ ကတော့ ရီကို လီဝစ် အပေါ် ယုံကြည်မှု ပျောက်ဆုံးသွားခဲ့ပြီ ဖြစ်ကြောင်း သိရပါတယ်။ ဒါကြောင့် မန်စီးတီးက သူတို့ရဲ့ အကယ်ဒမီထွက် ကစားသမား အတွက် ယူရို ၃၅ သန်း (ပေါင် ၃၀.၄ သန်း) ဝန်းကျင်နဲ့ ကမ်းလှမ်းမှုတွေကို လက်ခံဖို့ ဆန္ဒရှိနေကြောင်း သိရပါတယ်။
နာပိုလီ နည်းပြ အန်တိုနီယို ကွန်တီက တိုက်စစ်မှူး ရက်စ်မက်စ် ဟွိုက်ဂျ်လန်းနဲ့ ပတ်သက်ပြီး ယူနိုက်တက် နည်းပြဟောင်း ရူဘင် အမော်ရင်ကို ဝေဖန်ခဲ့ပါတယ်။ ဟွိုက်ဂျ်လန်းက ၂၀၂၃ ခုနှစ်မှာ အတ္တလန္တာ ကနေ ယူနိုက်တက်ထံ ပြောင်းရွှေ့ကြေး ပေါင် ၆၄ သန်းနဲ့ ရောက်ရှိခဲ့တာပါ။ ဟွိုက်ဂျ်လန်းဟာ ယူနိုက်တက် အတွက် ၉၅ ပွဲကစား ၂၆ ဂိုး သွင်းယူခဲ့ပြီး အမော်ရင် လက်ထက် မှာတော့ ပိုပြီး ရုန်းကန်ုခဲ့ရပါတယ်။ ဟွိုက်ဂျ်လန်းက ပရီးမီးယားလိဂ် ရာသီအဖွင့် ၄ ပွဲမှာ ကစားခွင့် မရလို့ နာပိုလီထံ တစ်ရာသီ အငှားနဲ့ သွားကစားဖို့ ဆုံးဖြတ်ခဲ့တာ ဖြစ်ပါတယ်။ နာပိုလီဟာ ချန်ပီယံလိဂ် ဝင်ခွင့် ရရင် ဟွိုက်ဂျ်လန်းကို အပြီးသတ် ခေါ်ယူခွင့် ရှိတဲ့ အချက် စာချုပ်မှာ ပါဝင်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
