အခုတစ်ခါမှာတော့ ဖေဖော်ဝါရီ ၁၁ ရက်နေ့ နေ့လည်ခင်းအထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
တော့တင်ဟမ်ဟော့စပါး အသင်း ကတော့ သူတို့ရဲ့ အမာခံ နောက်ခံလူ ခရစ္စတီယန် ရိုမီယိုကို လာမယ့် နွေရာသီမှာ ရောင်းချဖို့ စီစဉ်ထားပါတယ်။ ရိုမီယိုရဲ့ စည်းကမ်းပိုင်းဆိုင်ရာ မှတ်တမ်းဆိုးတွေ (အဝါကတ်၊ အနီကတ် များပြားခြင်း) နဲ့ ပွင့်လင်းလွန်းစွာ ပြောဆိုတတ်တဲ့ သဘာဝတို့ကြောင့် ဖြစ်ပေါ်လာတဲ့ ပြဿနာတွေကို အသင်းက ဆက်လက် သည်းမခံလိုတော့ခြင်း ဖြစ်ကြောင်း သတင်းတွေ ထွက်နေပါတယ်။ ၎င်းကို ခေါ်ယူဖို့ လာလီဂါ ကလပ် အက်တလက်တီကိုမက်ဒရစ်နဲ့ ဘာစီလိုနာ တို့က စိတ်ဝင်စားနေကြပါတယ်။
ရီးရဲလ်မက်ဒရစ် ကလည်း တိုက်စစ်မှူး ဗင်နီးစီးယပ်စ် ဂျူနီယာ ကို စာချုပ်သစ်ချုပ်ဆိုနိုင်ရန် အတွက် နောက်ခံလူ ဒေးဗစ် အလာဘာကို အသင်း ကနေ ထွက်ခွာခွင့်ပေးကာ လစာငွေ လျှော့ချဖို့ ပြင်ဆင်နေပါတယ်။ ဗင်နီးစီးယပ်စ် တောင်းဆိုထားတဲ့ ယူရို သန်း ၃၀ ဝန်းကျင် လစာကို အပိုဆုကြေးတွေပါ အပါနဲ့ ပေးချေဖို့ ကမ်းလှမ်းသွားမယ်လို့ သိရပါတယ်။
တူရကီ ထိပ်သီး ကလပ် ဘက်ဆစ်တပ်စ် ကတော့ လာလီဂါ ကလပ် ရီးရဲလ်မက်ဒရစ် လူငယ် တိုက်စစ်မှူး ဂွန်ဇာလို ဂါစီယာ အတွက် ယူရို ၂၅ သန်းနဲ့ ကမ်းလှမ်းထားပါတယ်။
ပြီးခဲ့တဲ့ ဇန်နဝါရီလ အတွင်းက တူရကီကလပ် ဂါလာတာဆာရေးဟာ ဘာစီလိုနာရဲ့ လူငယ် ကွင်းလယ်လူ မာ့ခ် ဘာနယ် အတွက် ယူရို သန်း ၃၀နဲ့ ကမ်းလှမ်းခဲ့ပေမယ့်လည်း ဘာစီလိုနာ ဘက်က ငြင်းပယ်ခဲ့သလို ကစားသမား ကိုယ်တိုင် ကလည်း ပြောင်းရွှေ့ရန် စိတ်မဝင်စားခဲ့ပါဘူး။
ဒေးဗစ် ဘက်ခမ်း ပိုင်ဆိုင်တဲ့ အင်တာမိုင်ယာမီ ကတော့ ခရစ္စတီယာနို ရော်နယ်ဒို ကို ဆော်ဒီ ကနေ ခေါ်ယူဖို့ စီစဉ်နေကြောင်း ကောလာဟလတွေ ထွက်ပေါ်လာပါတယ်။ ဘက်ခမ်းဟာ ရော်နယ်ဒိုနဲ့ မက်ဆီ တို့ကို တစ်သင်းတည်းမှာ ပေါင်းစည်း ပေးဖို့ အိပ်မက်ရှိနေပြီး လက်ရှိ ဆော်ဒီမှာ ရော်နယ်ဒို ကြုံတွေ့နေရတဲ့ မရေရာတဲ့ အခြေအနေကို အခွင့်ကောင်းယူဖို့ မျှော်လင့်နေပါတယ်။
ကိုလံဘီယာ လူငယ် တိုက်စစ်မှူး ဂျွန် ဒူရန်ဟာ ရုရှား ကလပ် ဇင်းနစ် အသင်းထံ ရာသီကုန်အထိ အငှားနဲ့ ထပ်မံ ပြောင်းရွှေ့ခဲ့ပါတယ်။ ဒါကြောင့် ဒူရန် အနေနဲ့ ပြီးခဲ့တဲ့ လေးရာသီ အတွင်းမှာ ကလပ် အသင်းပေါင်း ၅ သင်း အထိ ပြောင်းရွှေ့သူ ဖြစ်လာခဲ့ပါတယ်။ ဒူရန်ဟာ မိခင်နိုင်ငံကလပ် အန်ဗီဂါဒိုနဲ့ ပရိုကစားသမားဘဝ ပွဲဦးထွက်ခဲ့ပြီး ချီကာဂိုဖိုင်းယား၊ အက်စတွန်ဗီလာ၊ အဲလ်နာဆာ၊ ဖီနာဘာချီ အသင်းတွေမှာ ကစားခဲ့ပါတယ်။ သူဟာ အဲလ်နာဆာ ကစားသမား အဖြစ် ဆက်ရှိနေဆဲ ဖြစ်ကာ ဖီနာဘာချီနဲ့ အငှားစာချုပ်ကို ဖျက်သိမ်းခဲ့တာဖြစ်တယ်။ သူက ဖီနာဘာချီမှာ ပြိုင်ပွဲစုံ ၂၁ ပွဲ ကစားပြီး ၅ ဂိုး သွင်းကာ၊ ၂ ဂိုး ဖန်တီးပေးခဲ့ပါတယ်။ အဲလ်နာဆာဟာ ဒူရန်ကို ဗီလာ ကနေ ခေါ်ယူခဲ့ချိန်မှာ ယူရို ၇၇ သန်းလောက် ကုန်ကျခဲ့ပါတယ်။
ကွာရာဘက် အသင်းရဲ့ အသက် ၂၁ နှစ် အရွယ် တိုက်စစ်မှူး နာရီမန် အာခွန်ဇာဒါ ကတော့ အမေရိကန် မေဂျာလိဂ် ကလပ် ကိုလံဘတ်စ် ခရူကို ပြောင်းရွှေ့ဖို့ သဘောတူညီမှု ရရှိသွားခဲ့ပြီ ဖြစ်ပါတယ်။
ဆီယက်တဲလ်ဆောင်းဒါးစ် တောင်ပံ ကစားသမား ဂျော်ဂျီ မီနွန်ဂူကို ဆွီဒင် ကလပ် ဟမ်မာဘီက ယူရို ၁ သန်းနဲ့ ကမ်းလှမ်းထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
