ဒီကနေ့ မနက် အစောပိုင်းမှာ ခရာဘောင်ဖလား ဆီမီးဖိုင်နယ် ပထမအကျော့ ပွဲစဉ် မှာတော့ မန်ချက်စတာစီးတီးက နယူးကာဆယ်ကို စိန့်ဂျိမ်းစ်ပါ့ခ်မှာ ၀-၂ ရလဒ်နဲ့ အနိုင်ရခဲ့ပါတယ်။ မန်စီးတီးဟာ ပထမပိုင်းမှာ ရုန်းကန်ခဲ့ရပေမယ့် ဒုတိယပိုင်းမှာတော့ ထိရောက်တဲ့ တိုက်စစ် ကစားပုံကြောင့် ဂိုးပြတ် နိုင်ပွဲ ရရှိပြီး ဒုတိယအကျော့ အတွက်လည်း အသာရခဲ့ပြီ ဖြစ်ပါတယ်။
ဒီနေ့ပွဲမှာ နယူးကာဆယ်က ပုပ်၊ ဟောလ်၊ ဘော့တ်မန်း၊ သီယော၊ မိုင်လီ၊ ဂျိုးလင်တန်၊ ဂီမာရေးစ်၊ ရမ်ဆေး၊ ဂေါ်ဒွန်၊ ဝစ်ဆာ၊ မာဖီ တို့နဲ့ ပွဲထွက်လာခဲ့ပြီး ဘန်း၊ ရှား၊ လစ်ဗာရာမန်တိုနဲ့ အိုဆူလာ တို့ကတော့ ဒဏ်ရာကြောင့် လွဲချော်ခဲ့ပါတယ်။ မန်စီးတီး ဘက်မှာလည်း ဂဗာဒီယိုလ်နဲ့ ဒီးရာ့စ် တို့လို အဓိက နောက်ခံလူတွေ ပါဝင်ကစားနိုင်ခြင်း မရှိသေးပဲ ဂွါဒီယိုလာ အနေနဲ့ ကူဆာနော့ဗ်နဲ့ အယ်လေနီ တို့ကို သုံးခဲ့ရပါတယ်။ ဂိုးမှာတော့ ထရက်ဖို့ဒ်ပဲ တာဝန်ယူခဲ့ပြီး အေခီ၊ နူနက်စ်၊ အိုရွိုင်လီ၊ ဖိုဒန်၊ ဆေးလ်ဗား၊ ဒိုကု၊ ဆီမီညိုနဲ့ ဟာလန်း တို့လည်း ပွဲထွက်လာခဲ့ပါတယ်။
မန်စီးတီးတို့ စိန့်ဂျိမ်းပါ့ခ်ရဲ့ မာကျောမှုကြောင့် ပထမပိုင်းမှာ ကစားရခက်ခဲနေခဲ့ပေမယ့် လူစာရင်း အင်အားချင်း မမျှတမှု အပြင် တိုက်စစ်ပိုင်း အသာရမှုတွေကြောင့် ထိုက်တန်တဲ့ နိုင်ပွဲ ရခဲ့တာ ဖြစ်ပါတယ်။ မန်စီးတီးက ကစားသမားကောင်းတွေ ပါဝင်လာပေမယ့် ခံစစ်ပိုင်း မှာတော့ အားနည်းချက်တွေ ရှိခဲ့ပေမယ့် ဗဟိုခံစစ်က ကူဆာနော့ဗ်နဲ့ အယ်လေနီတို အတွဲအဖက်မိခဲ့သလို ဂိုးသမား ထရက်ဖို့ဒ်ရဲ့ အရေးပါတဲ့ ကာကွယ်မှုတွေကြောင့် ဂိုးတော့ မပေးခဲ့ရပါဘူး။
နယူးကာဆယ် အနေနဲ့ ပထမပိုင်း မိနစ် တချို့မှာ မန်စီးတီး ဘက်ကို ထိုးဖောက်မှုတွေ ပြုလုပ်နိုင်ခဲ့ပေမယ့် နောက်ပိုင်း မိနစ်တွေမှာ မန်စီးတီးက ပွဲကို ပြန်ထိန်းခဲ့သလို တိုက်စစ်ကို ပိုမို ဖိဖိစီးစီး ကစားနိုင်ခဲ့ပါတယ်။ ဒါကြောင့် အဖွင့်ဂိုးကို ဒုတိယပိုင်း ၅၃ မိနစ်မှာ ကစားသမားသစ် အန်တိုနီယို ဆီမီညိုက သွင်းယူပေးနိုင်ခဲ့ပါတယ်။ ဆီမီညို အနေနဲ့ မန်စီးတီးကို ရောက်ရောက်ချင်းမှာပဲ ကြီးမားတဲ့ သက်ရောက်မှု ရှိနေပြီး ၂ ပွဲ ကစားပြီးချိန်မှာ ၂ ဂိုးသွင်းကာ၊ ၁ ဂိုး ဖန်တီးထားနိုင်ခဲ့တလာလည်း ဖြစ်ပါတယ်။ ဂါနာသားဟာ ၂၀၀၉ ခုနှစ် သြဂုတ်လက အီမန်နျူရယ် အဒီဘာယော နောက်ပိုင်း မန်စီးတီး အတွက် ပထမဦးဆုံး နှစ်ပွဲမှာ ဂိုးသွင်းနိုင်တဲ့ ပထမဦးဆုံး ကစားသမား ဖြစ်လာခဲ့ပါတယ်။ ဒါ့အပြင် ကလပ် ကမ္ဘာ့ဖလား နောက်ပိုင်း ဒီရာသီမှာ ပြိုင်ပွဲစုံ အရပ်ရပ် ပရီးမီးယားလိဂ် ကစားသမားတွေထဲမှာ ဆီမီညို (၁၂ ဂိုး) ထက် ဂိုးပိုသွင်းထားနိုင်တဲ့သူတွေ ဆိုလို့ အာလင်း ဟာလန်း (၂၆ ဂိုး) နဲ့ အီဂေါ သီယာဂို (၁၇ ဂိုး) သာ ရှိထားပါတယ်။
အဲဒီနောက် ချေပဂိုး ရဖို့ နယူးကာဆယ်က သူတို့ရဲ့ ကစားဟန် အတိုင်း ပွဲကို ခပ်ကြမ်းကြမ်း ချဉ်းကပ်လာခဲ့ပေမယ့် နာကျင် အချိန်ပို ၈ မိနစ် အရောက်မှာ လူစားဝင် ကစားသမား ရေယန် ချာကီ ကပဲ မန်စီးတီး အတွက် ပွဲသိမ်းဂိုး သွင်းယူပေးနိုင်ခဲ့တာကြောင့် ၀-၂ နဲ့ပဲ ပွဲပြီးဆုံးခဲ့ပါတယ်။ ဒီပွဲမှာ မန်စီးတီးတို့ ကြာရှည်လွန်းတဲ့ VAR ဆုံးဖြတ်ချက်တွေကို စောင့်ဆိုင်းခဲ့ရပြီး ဆီမီညိုရဲ့ နောက်ထပ် သွင်းဂိုး တစ်ဂိုး ကိုလည်း ပြန်လည် ပယ်ဖျက်မှုတွေ ပြုလုပ်ခဲ့တာကြောင့် ဝေဖန်စရာတွေ ဖြစ်ခဲ့ပါတယ်။ ဒါပေမယ့်လည်း ဒီရလဒ်ကြောင့် မန်စီးတီးက ၂၀၂၁ ခုနှစ် နောက်ပိုင်း ခရာဘောင်ဖလား ဗိုလ်လုပွဲကို ပြန်လည် တက်လှမ်းဖို့ အခြေအနေ ကောင်းသွားခဲ့ပြီလည်း ဖြစ်ပါတယ်။
ဒီနှစ်သင်း ကတော့ ခရာဘောင်ဖလား ဆီမီးဖိုင်နယ် ဒုတိယအကျော့ အဖြစ် လာမယ့် ဖေဖော်ဝါရီလ ၅ ရက်နေ့မှ မန်စီးတီးရဲ့ အက်တီဟတ်မှာ ပြန်လည် ကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
