ဘွန်ဒက်စ်လီဂါ ကလပ် ဘေယန်မြူးနစ်မှာ နေရာမရ ဖြစ်နေတဲ့ ပြင်သစ် လူငယ် တိုက်စစ် ကြယ်ပွင့် မက်သီ တဲလ် ကတော့ အသင်း ကနေ ထွက်ခွာလိုကြောင်း တောင်းဆိုထားခဲ့တယ်လို့ Sky Germany က ဖော်ပြခဲ့ပါတယ်။ အသက် ၁၉ နှစ် အရွယ်သာ ရှိသေးတဲ့ တိုက်စစ်မှူးလေးက ယခင်က ဘေယန်မြူးနစ်မှာ ပုံမှန် ပွဲထွက်ခွင့် အတွက် တိုက်ပွဲဝင်ဖို့ ဆန္ဒ ရှိခဲ့ပေမယ့် အခုနောက်ဆုံး မှာတော့ ကစားသမားက စိတ်ပြောင်းပြီး ထွက်ခွာဖို့ အတွက် ဘေယန်မြူးနစ် အသင်းထံ အသိပေးခဲ့တာ ဖြစ်ပါတယ်။
Sky Sports News ရဲ့ ဖော်ပြချက်အရတော့ ချဲလ်ဆီးက မက်သီ တဲလ်ကို ခေါ်ယူဖို့ အတွက် ဘေယန်မြူးနစ်ကို ဒီရာသီ အစောပိုင်း ကတည်းက ဆက်သွယ်ထားခဲ့တယ်လို့ သိရပါတယ်။ ချဲလ်ဆီးဟာ တဲလ်ကို ခေါ်ယူဖို့ အဆင်သင့်ရှိနေကြောင်း နားလည်လို့ ရပေမယ့်လည်း သဘောတူညီမှု ရရှိဖို့ အတွက်တော့ ညှိနှိုင်းနေရဆဲ ဖြစ်ပါတယ်။
တဲလ် အတွက် အလားအလာ ရှိတဲ့ သဘောတူညီမှုဟာ ဘေယန်မြူးနစ် ဘက်က စိတ်ဝင်စားနေတဲ့ ခရစ္စတိုဖာ အန်ကွန်ကူရဲ့ အနာဂတ်နဲ့လည်း သက်ဆိုင်မှုတွေလည်း ရှိနေကြောင်း သုံးသပ်နေကြပါတယ်။ သတင်းတွေ အရ ဆိုရင် တဲလ် ကလည်း ပရီးမီးယားလိဂ်ကို ပြောင်းရွှေ့ဖို့ ဆန္ဒ ရှိနေသလို အန်ကွန်ကူ ကလည်း ဘွန်ဒက်စ်လီဂါမှာ ပြန်ကစားချင်နေတယ်လို့ သိရပါတယ်။ ချဲလ်ဆီး ကတော့ အသင်းမှာ ပွဲထွက်ခွင့်ရဖို့ ရုန်းကန်နေရတဲ့ အန်ကွန်ကူကို ဆက်ထိန်းထားချင်ပေမယ့်လည်း အနည်းဆုံး ပေါင်သန်း ၇၀ ရရှိရင် ထွက်ခွာခွင့်ပေးဖို့ ရှိနေတာပါ။
လက်ရှိမှာ အန်ကွန်ကူကို ဘေယန်မြူးနစ်နဲ့ ပရီးမီးယားလိဂ် ကလပ် နှစ်သင်းက စိတ်ဝင်စားနေပြီး ပြင်သစ် လက်ရွေးစင် ကစားသမား အနေနဲ့ ပုံမှန် ပွဲထွက်ကစားခွင့် မရထားတာကြောင့်တော့ လက်တွန့်နေကြတာ ဖြစ်ပါတယ်။ Sky Germany ကတော့ အသက် ၂၇ နှစ် အရွယ် ကစားသမားက ဘွန်ဒက်စ်လီဂါ ကလပ်ကို ပြောင်းရွှေ့ဖို့ မူအားဖြင့် သဘောတူညီထားခဲ့တယ်လို့ ဖော်ပြထားပါတယ်။
ချဲလ်ဆီးက တစ်ဖက် မှာလည်း မန်ချက်စတာယူနိုက်တက် တောင်ပံကစားသမား အလက်ဟန်ဒရို ဂါနာချိုနဲ့ ဒေါ့မန် တောင်ပံကစားသမားလေး ဂျေမီ ဂစ်တင် တို့ကို စိတ်ဝင်စားနေပါသေးတယ်။ ချဲလ်ဆီးက သူတို့ မျှော်လင့်ထားတဲ့ ပြောင်းရွှေ့ကြေးနဲ့ သဘောတူညီမှုတွေ ရရှိရင် ကစားသမား နှစ်ဦးကို ခေါ်ယူဖို့ အဆင့်သင့် ဖြစ်နေပြီလို့လည်း သိရပါတယ်။
ဆက်စပ် သတင်းတွေ အရ ဆိုရင် မန်ချက်စတာယူနိုက်တက် ကလည်း လက်ရှိ ဆောင်းရာသီ အပြောင်းအရွှေ့ ဈေးကွက် မပိတ်သိမ်းခင်မှာပဲ မက်သီ တဲလ်ကို ခေါ်ယူဖို့ ကြိုးပမ်းမှုတွေ ရှိလာနိုင်ကြောင်း သိရပါတယ်။ ယူနိုက်တက်ဟာ ဒီဆောင်းရာသီ ဈေးကွက်မှာ အသင်း အတွက် မဖြစ်မနေ လိုအပ်နေတဲ့ ဘယ်ခြမ်း ခံစစ် နေရာ အတွက် လက်ချီက ဒိန်းမတ် ဘယ်နောက်ခံလူ ပက်ထရစ် ဒေါဂူကို ပြောင်းရွှေ့ကြေး + အပိုဆုကြေး ယူရို ၃၅ သန်းနဲ့ ခေါ်ယူဖို့ သဘောတူညီမှု ရရှိထားပြီ ဖြစ်ကြောင့် ဖာဘရီဇီယို ရိုမာနိုက အတည်ပြုထားပါတယ်။ ဒါကြောင့် ဒီအပြောင်းအရွှေ့ ပြီးရင် ယူနိုက်တက်က မာသီ တဲလ်ကို ဆက်လက် ကြိုးပမ်းဖို့ ရှိနေတာ ဖြစ်ပါတယ်။
ကစားသမား အထွက် အနေနဲ့ ကတော့ ယူနိုက်တက်က တောင်ပံကစားသမား အန်တိုနီကို ဘက်တစ်ဆီ အငှားချထားသလို မားကပ်စ် ရက်ရှ်ဖို့ဒ် ကလည်း ဘာစီလိုနာနဲ့ တောက်လျောက် ချိတ်ဆက်နေလို့ ဘာတွေ ဆက်ဖြစ်လာမလဲ စောင့်ကြည့်ရမှာပါ။ အကယ်၍ တိုက်စစ် ကစားသမား တစ်ယောက်သာ ထွက်ခွာသွားမယ် ဆိုရင်တော့ ယူနိုက်တက်က ချဲလ်ဆီးက ခရစ္စတိုဖာ အန်ကွန်ကူ အပြင် ဘေယန်မြူးနစ် ကနေ ထွက်ခွာဖို ဆုံးဖြတ်လိုက်တဲ့ မက်သီ တဲလ် ကိုပါ ကြိုးပမ်းဖို့ ရှိလာပါတယ်။တချို့ သတင်းတွေ မှာတော့ ယူနိုက်တက်က ချဲလ်ဆီး တိုက်စစ် ကစားသမား အန်ကွန်ကူကို ပိုမို ဦးစားပေး ကြိုးပမ်းလာနိုင်ပြီး အန်ကွန်ကူကို မခေါ်နိုင်မှသာ တဲလ်ကို ပြောင်းလဲ ကြိုးပမ်းသွားဖွယ် ရှိနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
