အက်ဖ်အေဖလား တတိယအဆင့် ပွဲစဉ် တော်တော်များများ ယှဉ်ပြိုင်ကစားပြီးချိန်မှာတော့ ပရီးမီးယားလိဂ် အသင်းကြီးတွေ အားလုံးနီးပါး နောက်တစ်ဆင့်ကို တက်လှမ်းနိုင်ခဲ့ကြပါတယ်။ ပွဲစဉ်တွေရဲ့ ရလဒ်နဲ့ ပွဲပြီးသုံးသပ်ချက် တချို့ကို ဖော်ပြရမယ် ဆိုရင်တော့…
ပရီးမီးယားလိဂ် ထိပ်သီး အသင်း တစ်သင်း ဖြစ်တဲ့ တော့တင်ဟမ်ဟော့စပါး ကတော့ တန်းဆင်းဇုန်ထဲက ဘန်လေနဲ့ ကစားခဲ့ရပြီး ပက်ဒရို ပေါ်ရိုရဲ့ တစ်လုံး တည်းသော သွင်းဂိုးနဲ့ အနိုင်ရရှိခဲ့ပါတယ်။ စပါးတို့ အိမ်ကွင်းမှာ ကစားခဲ့ပေမယ့် ဘန်လေရဲ့ ကစားပုံ မာကျောမှုကြောင့် ဂိုးရဖို့ အနည်းငယ် ရုန်းကန်ခဲ့ရပါတယ်။ ဒါပေမယ့်လည်း အန်ဂျီ ပိုစတီကိုဂလူးရဲ့ အသင်းက ဘယ်လိုမျိုး ပုံစံနဲ့ အနိုင်ကန်ရမလဲ ဆိုတာ ကောင်းကောင်း နားလည်ခဲ့ပြီး အက်ဖ်အေဖလား နောက်တစ်ဆင့်ကို တက်လှမ်းသွားနိုင်ခဲ့တာ ဖြစ်ပါတယ်။
နယူးကာဆယ် ကလည်း ချန်ပီယံရှစ် ကလပ် ဆန်းဒါးလန်းကို အဝေးကွင်းမှာ သွားရောက် ရင်ဆိုင်ခဲ့ရပေမယ့် သက်တောင့်သက်သာ ကစားပြီး ၀-၃ ဆိုတဲ့ ရလဒ်နဲ့ အနိုင်ရခဲ့ပါတယ်။ ကာဆယ် အတွက် ဂိုးတွေ ကိုတော့ ဘယ်လာ့ဒ်နဲ့ အိဆက်ခ် တို့က သွင်းယူပေးခဲ့တာ ဖြစ်ပါတယ်။ အဲ့နောက် ဘရိုက်တန်က စတုတ်စီးတီးနဲ့ တွေ့ဆုံခဲ့ပေမယ့် အနည်းငယ် ခက်ခဲခဲ့ပြီး ယာအို ပက်ဒရိုရဲ့ နောက်ကျဂိုးတွေကြောင့်သာ သက်ပြင်းချနိုင်ခဲ့တာ ဖြစ်ပါတယ်။ မိနစ် ၇၀ လောက်အထိ တစ်ဖက် ၂ ဂိုးစီ သရေကျနေခဲ့ပေမယ့် တိုက်စစ်မှူး ပက်ဒရိုက ၇၁ မိနစ်နဲ့ မိနစ် ၈၀ တို့မှာ အနိုင်ဂိုးတွေ ဆက်တိုက် သွင်းယူပေးခဲ့တာကြောင့် စင်ယော်တို့ ပျော်ရွှင်ခဲ့ရတာပါ။
တတိယအဆင့် ဒုတိယနေ့ ပွဲစဉ်တွေ မှာလည်း ချဲလ်ဆီးက ချန်ပီယံရှစ်မှာ ရုန်းကနေရတဲ့ ပရက်စတန်ကို စတန်းဖို့ဒ်ဘရစ်ချ်မှာ တိုက်စစ် အစွမ်းပြပြီး ၄-၀ နဲ့ အနိုင်ရခဲ့သလို ဗီလာ ကလည်း မစ်ဒယ်ဘရော့ကွင်းမှာ ၀-၁ နဲ့ အနိုင်ရခဲ့ပါတယ်။ ဒါ့အပြင် ပပ်ဂွာဒီယိုလာရဲ့ အသင်း ကလည်း အားကျမခံ ချန်ပီယံ တန်းဆင်းဇုန်နားက ဟက်ဒါဖီးလ်ကို အတ်တီဟတ်မှာ ၅-၀ ရလဒ်နဲ့ ဂိုးပြတ် ချေမှုန်းခဲ့နိုင်ခဲ့ပါတယ်။ တခြား ပရီးမီးယားလိဂ် အသင်းတွေ ဖြစ်တဲ့ ဖူလ်ဟမ်၊ ရှက်ဖီးလ်ယူနိုက်တက်၊ ဘုန်းမောက် တို့ကတော့ နိုင်ပွဲ ကိုယ်စီနဲ့ နောက်တဆင့် တက်ခဲ့ကြပါတယ်။
ပရီးမီးယားလိဂ် ဇယား ထိပ်ပိုင်းက အသင်းကြီး နှစ်သင်း ဖြစ်တဲ့ အာဆင်နယ်နဲ့ လစ်ဗာပူးလ်တို့ ကစားတဲ့ ပွဲကတော့ ထင်သလောက် အကြိတ်အနယ် မရှိခဲ့ပါဘူး။ အိမ်ရှင် အာဆင်နယ်တို့ လစ်ဗာပူးလ်ထက် ကစားပုံ ပိုကောင်းခဲ့ပေမယ့် တစ်သင်းလုံး ဂိုးပေါက်နဲ့ စိတ်ကောက်နေခဲ့လို့ ပြိုင်ပွဲ ကနေ စောစောစီးစီး ထွက်ခဲ့ရတာ ဖြစ်ပါတယ်။ အဆုံးသတ် သေချာပြီး အခွင့်အရေးတွေ အမိအရ အသုံးချနိုင်ခဲ့တဲ့ လစ်ဗာပူးလ် ကတော့ အဝေးကွင်း ဂိုးပြတ် နိုင်ပွဲနဲ့ အတူ အက်ဖ်အေဖလား စတုတ္ထအဆင့်ကို တက်လှမ်းသွားခဲ့တာ ဖြစ်ပါတယ်။
ဘရန့်ဖို့ဒ်နဲ့ ဝုဗ်၊ ဝက်စ်ဟမ်းနဲ့ ဘရစ္စတိုးလ်၊ နော့တင်ဟမ်ဖောရက်စ်နဲ့ ဘလက်ပူးလ် ပွဲစဉ်တွေ ကတော့ သရေရလဒ် ထွက်ပေါ်ခဲ့တာကြောင့် ပြန်ကန်ပွဲ ကစားရဦးမှာ ဖြစ်ပါတယ်။ ဒါ့အပြင် ဒီကနေ့ ညမှာလည်း မန်ချက်စတာယူနိုက်တက်ဟာ ဝီဂန်ရဲ့ အိမ်ကွင်းကို သွားရောက် ကစားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
