ပရီးမီးယားလိဂ် အပါအဝင် ဥရောပ ထိပ်တန်း ကလပ်တွေရဲ့ အပြောင်းအရွှေ့ ဈေးကွက် အတွင်း လှုပ်ရှားမှုတွေ ကတော့ တနေ့ထက် တနေ့ ပိုမို အသက်ဝင်လာခဲ့ပါပြီ။ ဒါကြောင့် ဒီနေ့အထိ ရရှိထားသမျှ စိတ်ဝင်စားစရာ အပြောင်းအရွှေ့ သတင်းတွေကို ဆက်လက် ဖော်ပြပေးသွားပါမှာ ဖြစ်ပါတယ်။
မန်ချက်စတာယူနိုက်တက်ဟာ ရီးရဲလ်မက်ဒရစ်ရဲ့ လူငယ် ကွင်းလယ် ကြယ်ပွင့် နှစ်ဦး ဖြစ်တဲ့ အော်ရီလီယန် ချူအာမေနီနဲ့ အက်ဒူယာဒို ကာမာဗင်းဂါ တို့ကို စုစုပေါင်း ပေါင် ၁၂၈.၅ သန်း / ယူရို သန်း ၁၅၀ နဲ့ စာချုပ်ယူဖို့ ပြင်ဆင်နေပါတယ်။ ဒီအပြောင်းအရွှေ့ ဖြစ်မြောက်သွားခဲ့ရင် ရီးရဲလ်မက်ဒရစ် အနေနဲ့ မန်စီးတီး ကွင်းလယ်လူ ရိုဒရီကို ခေါ်ယူဖို့ ပိုမို မြန်ဆန်လာမှာပါ။
တစ်ဖက်မှာလည်း မန်စီးတီးဟာ ထွက်ခွာသွားနိုင်ဖွယ်ရှိတဲ့ ရိုဒရီရဲ့ နေရာမှာ အစားထိုးဖို့အတွက် လိုင်လီ အသင်းရဲ့ ကွင်းလယ်လူ အယွတ်ဘ် ဘူအာဒီနဲ့ နှုတ်အားဖြင့် သဘောတူညီမှု ရရှိထားပြီး ဖြစ်ပါတယ်။ ပြောင်းရွှေ့ကြေးကို ညှိနှိုင်းနေဆဲ ဖြစ်ပေမယ့် ပရီးမီးယားလိဂ် ထိပ်သီး တို့ဟာ ပေါင် ၈၅.၇ သန်း / ယူရို သန်း ၁၀၀ ထက်မနည်း ပေးချေရဖွယ် ရှိနေပါတယ်။
အာဆင်နယ်အသင်းဟာ နယူးကာဆယ်ရဲ့ ကွင်းလယ်လူ ဘရူနို ဂီမာရေးစ်ကို ခေါ်ယူဖို့ တရားဝင် ဆွေးနွေးမှုတွေ စတင်လိုက်ပါပြီ။ ပထမအကြိမ် ကမ်းလှမ်းခဲ့တဲ့ ပေါင် ၇၅ သန်း ဝန်းကျင်ကို နယူးကာဆယ် ဘက်က ငြင်းပယ်ခဲ့ပေမယ့် အာဆင်နယ်ရဲ့ ဒုတိယအကြိမ် ကမ်းလှမ်းမှု ကတော့ အောင်မြင်ဖို့ နီးစပ်နေပါတယ်။ ပေါင် ၈၀.၅ သန်း ခန့်နဲ့ သဘောတူညီမှု ရတော့မှာဖြစ်ပြီး ဒီပမာဏဟာ အာဆင်နယ် သမိုင်းမှာ ဒုတိယ ကြေးအမြင့်ဆုံး စံချိန်တင် အပြောင်းအရွှေ့ ဖြစ်လာမှာပါ။
ဇာဗီ အလွန်ဆို အနေနဲ့ အသင်းက ထွက်ခွာမယ့်သူတွေကို အာရုံစိုက်ရမှာ ဖြစ်ပေမယ့် ပေါ်တို ဂိုးသမား ဒီယိုဂို ကော်စတာကို ထပ်မံ ခေါ်ယူချင်နေဆဲ ဖြစ်ပါတယ်။ ကော်စတာမှာ ယူရို သန်း ၆၀ တန် စာချုပ်လျော်ကြေး ရှိနေပြီး ဒီပမာဏကို ပေးချေဖို့ ပရီးမီးယားလိဂ် ကလပ် ဘက်ကကလည်း စဉ်းစားနေပါတယ်။
ဒါ့အပြင် လစ်ဗာပူးလ်ဟာ ပီအက်စ်ဂျီ ဗဟိုခံစစ်မှူး အီလီယာ ဇဘာညီကို ခေါ်ယူဖို့ စတင် ဆွေးနွေးနေပြီ ဖြစ်သလို၊ အက်တလက်တီကို မက်ဒရစ် ခံစစ်မှူး မက်တီအို ရူဂါရီ ကိုလည်း အူနိုင်း အီမရီရဲ့ အက်စတွန်ဗီလာက ပစ်မှတ်ထားနေပါတယ်။
ဘာစီလိုနာ မှာတော့ ဟူလီယန် အဲလ်ဗာရက်ဇ်နဲ့ ပတ်သက်ပြီး သတင်းတွေ ထွက်ပေါ်နေပေမယ့် လာမင်း ယာမယ်ရဲ့ ပထမဦးစားပေး တောင်းဆိုမှု ကတော့ စပိန် အသင်းမှာ တွဲဖက် ခြေစွမ်းပြခဲ့တဲ့ တော့တင်ဟမ်ဟော့စပါး နောက်ခံလူ ပက်ဒရို ပေါ်ရိုကို ခေါ်ယူပေးဖို့ပဲ ဖြစ်ပါတယ်။
တစ်ဖက် မှာလည်း တိုက်စစ်မှူး ဖာရန် တောရက်စ်က ပီအက်စ်ဂျီ အသင်းဆီ ပြောင်းရွှေ့ချင်နေတဲ့ အကြောင်း ပွင့်ပွင့်လင်းလင်း ထုတ်ဖော်ပြောဆိုခဲ့တာကြောင့် နည်းပြ ဟန်ဆီ ဖလစ်ခ်နဲ့ အသင်းဖော် တချို့ ဒေါသထွက်နေကြပါတယ်။ ဘာစီလိုနာ ဘက်ကတော့ တောရက်စ် အတွက် အနည်းဆုံး ယူရို ၅၅ သန်း လိုချင်နေပါတယ်။
ရစ်ချာလီဆန်ရဲ့ နေရာမှာ အစားထိုးဖို့ စပါး အသင်းက ချဲလ်ဆီး တိုက်စစ်မှူး နီကိုးလက်စ် ဂျက်ဆန်ကို စိတ်ဝင်စားနေပြီး ဘေယန်မြူးနစ်မှာ ငှားရမ်း ကစားခဲ့ဖူးတဲ့ သူ့ရဲ့ ဈေးကွက်တန်ဖိုးမှာ ပေါင် ၆၅ သန်း ဖြစ်ပါတယ်။ အက်စတွန်ဗီလာ ကလည်း ဂျက်ဆန်ကို စိတ်ဝင်စားနေပါတယ်။
ခရစ္စတယ်ပဲလေ့စ် တိုက်စစ်မှူး အစ္စမိုင်လာ ဆားကို မန်ယူနိုက်တက်က ပစ်မှတ်ထားနေပေမယ့် တူရကီ ကလပ် ဖီနာဘာချီ ကလည်း စိတ်ဝင်စားနေပြီး ရက်ရှ်ဖို့ဒ်ကိုပါ ခေါ်ယူဖို့ ချိတ်ဆက်နေပါတယ်။
PAOK အသင်းရဲ့ တိုက်စစ် ကွင်းလယ်လူ ဂျီယန်းနစ် ကွန်စတန်တီလီယပ်စ်ကို ချဲလ်ဆီး၊ ဒေါ့မန်နဲ့ ဂျူဗင်တပ်စ် တို့က အပြိုင်အဆိုင် စောင့်ကြည့်နေကြပါတယ်။
ဗင်နီးစီးယက်စ် ဂျူနီယာရဲ့ လစာ တောင်းဆိုမှုကို ရီးရဲလ်မက်ဒရစ်က လိုက်လျောခဲ့ရင် ဂျူ့ဒ် ဘယ်လင်ဟမ်နဲ့ အာဒါ ဂူလာ တို့ကပါ လစာတိုးပေးဖို့ တောင်းဆိုလာဖွယ် ရှိနေပါတယ်။ ဒါ့အပြင် လူငယ် ကြယ်ပွင့် သီယာဂို ပီတာချ်ရဲ့ အနာဂတ် အတွက် နည်းပြ ဟိုဆေး မော်ရင်ညိုက စဉ်းစားရခက်နေဆဲ ဖြစ်ပါတယ်။
မာ့ခ် ကူကာရယ်လာရဲ့ နေရာမှာ အစားထိုးဖို့ ရာယို ဗလက်ကာနို ဘယ်နောက်ခံလူ ပက်ပ် ချာဗာရီယာကို ယူရို ၂၅ သန်းနဲ့ အပြီးသတ် စာချုပ်ချုပ်ဆိုဖို့ နီးစပ်နေပါပြီ။
မန်စီးတီး ကွင်းလယ်လူ တီဂျန်နီ ရိုင်းဒါးစ်ကို ဖောရက်စ်နဲ့ နယူးကာဆယ် တို့က အံ့အားသင့်ဖွယ် ခေါ်ယူချင်နေကြပါတယ်။
နာပိုလီ ကွင်းလယ် ဖန်တီးရှင် ကီဗင် ဒီဘရွန်းနား အနေနဲ့ အင်တာမိုင်ယာမီဆီ ပြောင်းရွှေ့မယ် ဆိုတဲ့ သတင်းတွေက မဟုတ်မမှန်ကြောင်း သတင်းသစ်တွေက အတည်ပြုခဲ့ပြီး၊ သူဟာ ဆန်ဒီယေဂို သို့မဟုတ် ချီကာဂို ဖိုင်းယားဆီ ပြောင်းရွှေ့ဖွယ် ရှိနေပါတယ်။ ဆန်ဒီယေဂို အသင်းမှာ ခြေစွမ်းပြဖို့ ရုန်းကန်နေရတဲ့ ဟာဗီးယား ‘ချူကီ’ လိုဇာနို ကတော့ အဲလ်အေ ဂလက်ဆီ အသင်းဆီ အငှားနဲ့ ပြောင်းဖို့ အဆင့်မြင့် ဆွေးနွေးနေပါတယ်။
နောက်ဆုံး အနေနဲ့ တူရကီကလပ် ထရပ်ဘ်ဇွန်စပေါဟာ အီဂျစ် တိုက်စစ်မှူး မိုဟာမက် ဆာလာ ကို တစ်နှစ် လုပ်ခ လစာ ယူရို ၁၇ သန်းနဲ့ ၂ နှစ်စာချုပ် ချုပ်ဆိုနိုင်ခဲ့ပြီ ဖြစ်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
