ပေါ်တူဂီ နိုင်ငံတကာ သွင်းဂိုးအများဆုံး ရှင်ဘုရင်ကြီး ခရစ္စတီယာနို ရော်နယ်ဒို တစ်ယောက် သူ့ရဲ့ နောက်ဆုံး ကမ္ဘာ့ဖလား ပြိုင်ပွဲကို မျက်ရည်တွေနဲ့အတူ နှုတ်ဆက်သွားခဲ့ပါပြီ။ ၂၀၂၆ ကမ္ဘာ့ဖလားဟာ ရော်နယ်ဒို အတွက် သမိုင်းတစ်လျှောက် ၆ ကြိမ်မြောက် ဝင်ရောက် ယှဉ်ပြိုင်မှု ဖြစ်ပြီး စံချိန်လည်း တင်နိုင်ခဲ့ပေမယ့် မျှော်လင့်ထားသလို ပုံပြင်ဆန်ဆန် အဆုံးသတ်မျိုးတော့ မရခဲ့ပါဘူး။
၁၆ သင်း အဆင့်မှာ အိမ်နီးနားချင်း စပိန်ကို ရှုံးပြီး ထွက်ခဲ့ရအပြီး မှာတော့ ဒါဟာ သူ့ရဲ့ နောက်ဆုံး ကမ္ဘာ့ဖလားပွဲ ဖြစ်တယ်လို့ ရော်နယ်ဒိုက အတည်ပြုခဲ့ပါတယ်။ အခုဇာတ်သိမ်းက မလှခဲ့ပေမယ့် ရော်နယ်ဒိုရဲ့ ကမ္ဘာ့ဖလား ဖြတ်သန်းမှု သမိုင်းကြောင်း ကတော့ တကယ့်ကို အံ့မခန်းပါပဲ။ ဒီတော့ သူ့ရဲ့ ကမ္ဘာ့ဖလား မှတ်တမ်းတွေကို တစ်ချက် ပြန်ကြည့်လိုက်ရအောင်ပါ။
၂၀၀၆ ကမ္ဘာ့ဖလား (ဂျာမနီ)
ယူရို ၂၀၀၄ မှာ တောက်ပခဲ့ပြီးနောက် ရော်နယ်ဒိုဟာ ဒီပွဲမှာ အများကြီး မျှော်လင့်ခံခဲ့ရပါတယ်။ အုပ်စု အဆင့် အီရန်နဲ့ ပွဲမှာ ဂိုးသွင်းယူနိုင်ခဲ့လို့ ပေါ်တူဂီ သမိုင်းမှာ အသက်အငယ်ဆုံး ကမ္ဘာ့ဖလား သွင်းဂိုးရှင် ဖြစ်လာခဲ့ပါတယ်။ ဒါပေမယ့် ရှုံးထွက်အဆင့် အင်္ဂလန်နဲ့ ပွဲမှာ မန်ချက်စတာယူနိုက်တက် အသင်းဖော် ဝိန်းရူနီ အနီကတ်ပြခံရအောင် ဒိုင်ကို သွားပြောပြီး ပေါ်တူဂီ အရန်ခုံဘက်ကို မျက်စိတစ်ဖက် မှိတ်ပြခဲ့တဲ့ လုပ်ရပ်ကြောင့် လူမုန်းများတဲ့ “ဗီလိန်” ဖြစ်ခဲ့ရပါတယ်။ အဲဒီပွဲ ပင်နယ်တီမှာ သူပဲ အနိုင်ဂိုး သွင်းခဲ့ပေမယ့် ဆီမီးဖိုင်နယ်မှာ ပြင်သစ်ကို ၁-၀ နဲ့ ရှုံး၊ တတိယနေရာလုပွဲမှာ ဂျာမနီကို ရှုံးပြီး လက်ဗလာနဲ့ အိမ်ပြန်ခဲ့ရပါတယ်။
၂၀၁၀ ကမ္ဘာ့ဖလား (တောင်အာဖရိက)
ဒီပြိုင်ပွဲမှာ ပေါ်တူဂီဟာ ခံစစ်ပိတ်ဆို့ ကစားတတ်တဲ့ နည်းပြ ကားလို့စ် ကွီးရော့ဇ် လက်အောက်မှာ ရုန်းကန်ခဲ့ရပါတယ်။ ပေါ်တူဂီဟာ မြောက်ကိုရီးယားကို ၇-၀ နဲ့ နိုင်တဲ့ တစ်ပွဲပဲ အနိုင်ရခဲ့ပြီး ကျန်တဲ့ အိုင်ဗရီကို့စ်၊ ဘရာဇီးလ်တို့နဲ့ ပွဲမှာ ဂိုးမရှိ သရေကျခဲ့ပါတယ်။ ရော်နယ်ဒိုဟာ မြောက်ကိုရီးယားနဲ့ ပွဲမှာ ဂိုးသွင်းခဲ့ပေမဲ့ ၁၆ သင်း အဆင့် မှာတော့ စပိန်ကို ဒါးဗစ် ဗီလာရဲ့ လူကျွံဂိုးလို့ ပြောစရာ ဖြစ်ခဲ့တဲ့ သွင်းဂိုးနဲ့ ၁-၀ နဲ့ ရှုံးပြီး ထွက်ခဲ့ရပါတယ်။ ရော်နယ်ဒိုဟာ အုပ်စု ၃ ပွဲစလုံးမှာ ပွဲစဉ် အကောင်းဆုံး ကစားသမား ရခဲ့ပေမယ့် အသင်းဖော်တွေက သူ့အဆင့်ကို မမှီခဲ့ကြပါဘူး။
၂၀၁၄ ကမ္ဘာ့ဖလား (ဘရာဇီးလ်)
ရော်နယ်ဒိုဟာ ခြေစစ်ပွဲ ပလေးအော့ဖ်မှာ ဆွီဒင်ကို ၄ ဂိုးသွင်းပြီး အသင်းကို ကမ္ဘာ့ဖလားဆီ ပို့ပေးခဲ့တာပါ။ ဒါပေမယ့် ဘရာဇီးလ်မြေ မှာတော့ ရော်နယ်ဒို တစ်ယောက် ဒဏ်ရာ ပြဿနာတွေ ကြားက အတင်း ရုန်းကန် ကစားခဲ့ရပါတယ်။ ပေါ်တူဂီဟာ ဂျာမနီကို ၄-၁ နဲ့ ရှုံး၊ အမေရိကန်နဲ့ ၂-၂ သရေကျပြီး ဂါနာကို ၂-၁ နဲ့ နိုင်ခဲ့ပေမယ့် ရမှတ် ၄ မှတ်ပဲ ရလို့ အုပ်စု အဆင့် ကနေ စောစောစီးစီး လက်ပြ နှုတ်ဆက်ခဲ့ရပါတယ်။
၂၀၁၈ ကမ္ဘာ့ဖလား (ရုရှား)
ယူရို ချန်ပီယံ အဖြစ် လာပြိုင်တဲ့ ပေါ်တူဂီဟာ အဖွင့်ပွဲမှာတင် စပိန်နဲ့ ၃-၃ သရေကျခဲ့ပြီး ရော်နယ်ဒိုက ကမ္ဘာ့ဖလားရဲ့ ပထမဆုံး ဟက်ထရစ်ကို အလွတ်တည်ကန်ချက် အပါအဝင် အမိုက်စား သွင်းယူခဲ့ပါတယ်။ မော်ရိုကိုနဲ့ ပွဲမှာလည်း အနိုင်ဂိုး သွင်းခဲ့ပေမယ့် အီရန်နဲ့ပွဲမှာ ပင်နယ်တီ လွဲချော်ခဲ့လို့ အုပ်စု ဒုတိယပဲ ရခဲ့ပါတယ်။ ၁၆ သင်း အဆင့် မှာတော့ ဥရုဂွေးနဲ့ တွေ့ပြီး ၂-၁ နဲ့ ရှုံးကာ ထွက်ခဲ့ရပါတယ်။ အစောကြီး ထွက်ခဲ့ရပေမယ့် ရော်နယ်ဒို ကတော့ ကမ္ဘာ့ဖလား အိပ်မက် အသင်းမှာ ရွေးချယ်ခံခဲ့ရပါတယ်။
၂၀၂၂ ကမ္ဘာ့ဖလား (ကာတာ)
ဒီပြိုင်ပွဲ ကတော့ ရော်နယ်ဒို အတွက် တော်တော်လေး စိတ်ညစ်စရာ ကောင်းခဲ့ပါတယ်။ အဖွင့်ပွဲ ဂါနာနဲ့ ပွဲမှာ ပင်နယ်တီ ကနေ ဂိုးသွင်းခဲ့ပေမယ့် ကိုရီးယားနဲ့ ပွဲမှာ လူစားလဲခံရလို့ မကျေမနပ် ဖြစ်ခဲ့တဲ့ အတွက် နည်းပြ ဖာနန်ဒို ဆန်းတို့စ်က သူ့ကို ၁၆ သင်း အဆင့် ဆွစ်ဇာလန်ပွဲမှာ အရန်ခုံ ပို့လိုက်ပါတယ်။ သူ့နေရာ ဝင်တဲ့ ဂွန်ကာလို ရာမို့စ်က ဟက်ထရစ် သွင်းပြီး ပေါ်တူဂီ ၆-၁ နဲ့ နိုင်ခဲ့လို့ ကွာတားဖိုင်နယ် မော်ရိုကိုနဲ့ ပွဲမှာလည်း ရော်နယ်ဒို အရန်ခုံမှာပဲ ဆက်နေခဲ့ရပါတယ်။ ပွဲကစားချိန် မိနစ် ၄၀ လောက် ကျန်မှ လူစားဝင်လာပေမယ့် အသင်းကို မကယ်တင်နိုင်ဘဲ ၁-၀ နဲ့ ရှုံးပြီး ကွင်းထဲကနေ ငိုယိုကာ ထွက်ခွာသွားခဲ့ရပါတယ်။
၂၀၂၆ ကမ္ဘာ့ဖလား (မြောက်အမေရိက)
ရော်နယ်ဒိုရဲ့ နောက်ဆုံးပွဲ ဖြစ်လို့ အားလုံးက စောင့်ကြည့်ခဲ့ကြပါတယ်။ ပေါ်တူဂီဟာ ဒီအာ ကွန်ဂိုနဲ့ ပွဲမှာ ရော်နယ်ဒို ခြေစွမ်းမပြနိုင်ဘဲ သရေကျခဲ့ပေမယ့်၊ ဥဇဘက်ကစ္စတန်ကို ၅-၀ နဲ့ နိုင်တဲ့ပွဲ မှာတော့ ရော်နယ်ဒိုက ၂ ဂိုး သွင်းပြီး ပါးစပ်ပိတ်ခဲ့ပါတယ်။ အဲဒီနောက် ကိုလံဘီယာနဲ့ ပွဲမှာ ထပ်ပြီး ရုန်းကန်ခဲ့ရသလို၊ ခရိုအေးရှားကို ၂-၁ နဲ့ နိုင်တဲ့ ၃၂ သင်းအဆင့်မှာ ပင်နယ်တီ ကနေ တစ်ဂိုး သွင်းခဲ့ပေမယ့် ပြိုင်ဘက် ဂိုးစည်းထဲမှာ ဘောလုံး တစ်ကြိမ်ပဲ ထိနိုင်ခဲ့ပါတယ်။ နောက်ဆုံး ၁၆ သင်းအဆင့် စပိန်နဲ့ ပွဲမှာ နည်းပြ ရော်ဘတ်တို မာတီနက်ဇ်က ရော်နယ်ဒိုကို မိနစ် ၉၀ လုံး ချန်ထားခဲ့ပေမယ့် ဘာမှမလုပ်ပြနိုင်ခဲ့ဘဲ ပွဲပြီးခါနီး စပိန်ရဲ့ အနိုင်ဂိုးကြောင့် ပေါ်တူဂီတို့ ထွက်ခွာခဲ့ရပါတယ်။ ရော်နယ်ဒိုရဲ့ နောက်ဆုံး ကမ္ဘာ့ဖလား ခရီးစဉ် ကတော့ ပရိသတ်တွေ အတွက် မှတ်မှတ်ရရ သိပ်မရှိလှဘဲ စိတ်ပျက်စရာ ဖြစ်ခဲ့ရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
