ကမ္ဘာ့ဖလား ပြိုင်ပွဲကို ပထမဆုံးအကြိမ် လာရောက် ယှဉ်ပြိုင်တဲ့ ကူရာဆောင်း ကတော့ အီကွေဒေါရဲ့ တိုက်စစ်ဆင်မှုတွေကို ကြံ့ကြံ့ခံရင်း သမိုင်းဝင် ပထမဆုံး ကမ္ဘာ့ဖလား ရမှတ်ကို ရှာဖွေသွားနိုင်ခဲ့ပါတယ်။ ဒီပွဲ မှာတော့ ကူရာဆောင်း ဂိုးသမား အီလွိုင် ရွန်းမ် တစ်ယောက် လက်စွမ်းပြပြီး ဂိုးပေါက် ကာကွယ်မှု ၁၅ ကြိမ် အထိ ပြုလုပ်ပြကာ အီကွေဒေါကို သရေ တစ်မှတ်နဲ့ပဲ ကျေနပ်စေခဲ့တာ ဖြစ်ပါတယ်။
ပွဲစကတည်းက အီကွေဒေါတို့ လျှပ်တပြက် တိုက်စစ်ဆင်ခဲ့ပြီး ၃ မိနစ်မှာတင် မွိုက်ဆက်စ် ကိုင်စီဒိုရဲ့ အဝေး ပေးပို့မှု ကနေ တစ်ဆင့် အန်နာ ဗလင်စီယာ အပိုင်ကန်ခွင့်ရခဲ့ပေမယ့် ဂိုးသမား ရွန်းမ်က လက်ဖျားနဲ့ ပုတ်ထုတ် ကာကွယ်နိုင်ခဲ့ပါတယ်။ အဲဒီနောက်မှာလည်း ဂျွန် ရီဘိုအာရဲ့ မြေစိုက်ကန်ချက်၊ ပီယာရို ဟင်ကပ်ပီယာရဲ့ ဖြတ်တင်ဘော ကနေ ဗလင်စီယာရဲ့ အနီးကပ် ကန်ချက်တွေကို ဂိုးသမား ရွန်းမ် ကပဲ တောက်လျှောက် လိုက်လံ ပုတ်ထုတ်ပြီး အီကွေဒေါ တိုက်စစ်မှူးတွေကို စိတ်ပျက်အောင် လုပ်ခဲ့ပါတယ်။
ပွဲချိန် ၄၂ မိနစ်မှာ ရီဘိုအာရဲ့ ပြင်းထန်တဲ့ ကန်ချက် ကိုလည်း ရွန်းမ်ကပဲ ကာကွယ်ခဲ့လို့ ပထမပိုင်းမှာ ဂိုးမရှိဘဲ ပြီးဆုံးခဲ့ပါတယ်။ ဒုတိယပိုင်း မှာတော့ အီကွေဒေါတို့ ပိုပြီး ဖိအားပေးလာပြီး ကိုင်စီဒိုရဲ့ အဝေးကန်ချက် ကလည်း ဂိုးသမား လက်ထဲကိုပဲ ရောက်ရှိသွားခဲ့ပါတယ်။ အီကွေဒေါ ကစားသမား ဂွန်ဇာလို ပလာတာရဲ့ ခေါင်းတိုက်ချက်ကို ရွန်းမ် ပုတ်ထုတ်လိုက်ရာ ကနေ တစ်ဆင့် ကူရာဆောင်းတို့ ရှားရှားပါးပါး တန်ပြန် တိုက်စစ်ဆင်ခွင့် ရခဲ့ပါတယ်။ ဒါပေမယ့် အီကွေဒေါ ဂိုးသမား ဟာနန် ဂါလင်ဒက်ဇ် ကလည်း နိုးနိုးကြားကြား ရှိနေခဲ့ပြီး လီအန်ဒရို ဘာကူနာနဲ့ လီဗာနို ကိုမန်နင်စီယာ တို့ရဲ့ ဆက်တိုက် ကန်ချက်တွေကို အကောင်းဆုံး ကာကွယ်ပေးခဲ့ပါတယ်။
ပွဲချိန် မိနစ် ၆၀ ကျော် မှာတော့ ကူရာဆောင်း ဂိုးသမား ရွန်းမ်ရဲ့ ထူးခြား ပြောင်မြောက်တဲ့ လက်စွမ်းကို ထပ်မံ မြင်တွေ့ခဲ့ရပြီး ဗလင်စီယာရဲ့ ခေါင်းတိုက်ချက်ကို အောက်ခြေအထိ လှမ်းပုတ်ထုတ်ခဲ့ပါတယ်။ အဲဒီကရတဲ့ ထောင့်ကန်ဘော ကနေ ထွက်လာတဲ့ ကန်ချက်တွေ ကိုလည်း ကူရာဆောင်း နောက်ခံလူ ရှာရယ် ဖလော်ရာနုစ်က ဂိုးစည်းပေါ် ကနေ ဖျက်ထုတ်ခဲ့သလို ဝီလီယံ ပါချိုရဲ့ ကန်ချက် ကိုလည်း ဂိုးသမား ကပဲ ထပ်မံ ဖမ်းယူနိုင်ခဲ့ပါတယ်။
ပွဲပြီးခါနီးမှာ နှစ်ဖက်စလုံး အနိုင်ဂိုးရဖို့ အပြင်းအထန် ကြိုးစားခဲ့ကြရာမှာ ဂျူနင်ဟို ဘာကူနာရဲ့ လမ်းကြောင်း ပြောင်းသွားတဲ့ ကန်ချက်ကို အီကွေဒေါ ဂိုးသမားက တုံ့ပြန်မှု အပြည့်နဲ့ ပုတ်ထုတ်ခဲ့ရသလို၊ တစ်ဖက် မှာလည်း အီကွေဒေါ ကစားသမား ပက်ဒရို ဗီတေရဲ့ အဝေးကန်ချက်ကို ကူရာဆောင်း ဂိုးသမား ရွန်းမ်က လေထဲ ပျံဝဲပြီး ဂိုးဘားပေါ် ကျော်အောင် ပုတ်ထုတ်ခဲ့ပြန်ပါတယ်။
ပွဲချိန် မိနစ် ၉၀ မှာတော့ ဂိုးသမား ရွန်းမ် မကာကွယ်နိုင်တော့တဲ့ အခြေအနေမျိုး ဖြစ်ခဲ့ပေမယ့် အန်ဂျလို ပရီစီယာဒိုရဲ့ ဖြတ်တင်ဘောက ဂိုးဘားတန်းကို ထိပြီး လွင့်ထွက်သွားခဲ့လို့ ကူရာဆောင်းတို့ ကံကောင်းခဲ့ပါတယ်။ ပွဲပြီး ခရာမှုတ်လိုက်တဲ့ အချိန် မှာတော့ ကူရာဆောင်း အသင်းနဲ့ ကွင်းထဲ အထိ လိုက်ပါ အားပေးတဲ့ ပရိသတ်တွေဟာ သမိုင်းဝင် ရမှတ်ကြောင့် အောင်ပွဲခံ ပျော်ရွှင်ခဲ့ကြပါတယ်။
ကမ္ဘာ့ဖလား ပြိုင်ပွဲရဲ့ တခြား ပွဲဦးထွက် အသင်း တစ်သင်း ဖြစ်တဲ့ ကိပ်ဗာဒီ အသင်းရဲ့ ဂိုးသမား ဗိုဇင်ညာ တစ်ယောက် စပိန်နဲ့ ပွဲမှာ ဂိုးမရှိ သရေရအောင် လက်စွမ်းပြနိုင်ခဲ့ပါတယ်။ အခုပွဲမှာ ကူရာဆောင်း ဂိုးသမား ရွန်းမ်က အဲဒီထက် ပိုပြီး အံ့အားသင့်စရာ ကောင်းတဲ့ စံချိန်မျိုး တင်နိုင်ခဲ့တာပါ။
ဂျာမနီနဲ့ ပွဲတုန်းက ၇ ဂိုး အထိ ပေးခဲ့ရလို့ စိတ်ပျက်စရာ ဖြစ်ခဲ့ပေမယ့် ဒီပွဲမှာတော့ သူဟာ ဂိုးပေါက် ကာကွယ်မှု ၁၅ ကြိမ်အထိ လုပ်ပြခဲ့ပါတယ်။ ဒါဟာ ၂၀၁၄ တုန်းက ဘယ်လ်ဂျီယံနဲ့ ပွဲမှာ တင်ခဲ့တဲ့ အမေရိကန် ဂိုးသမား တင်မ် ဟောင်းဝပ်ဘ်ရဲ့ စံချိန်နဲ့ တူညီသွားတာ ဖြစ်ပြီး တင်မ် ဟောင်းဝပ်ဘ်ရဲ့ ပွဲက အချိန်ပို အထိ ကစားခဲ့ရတာ ဖြစ်လို့ ရွန်းမ်ရဲ့ မိနစ် ၉၀ အတွင်း စွမ်းဆောင်ရည်က တကယ့်ကို ထူးခြားတယ်လို့ ဆိုရမှာပါ။
တောင်အမေရိကရဲ့ အီကွေဒေါ အသင်း အတွက် ကတော့ ကံဆိုးမှုတွေ ဆက်နေဆဲပါပဲ။ အိုင်ဗရီကို့စ်နဲ့ ပွဲတုန်းက တိုင် ၃ ကြိမ် ထိခဲ့သလို အခုပွဲ မှာလည်း ဂိုးပေါက် တည့်မှု ၁၅ ကြိမ် အထိ ရှိခဲ့တာဟာ ၁၉၆၆ ခုနှစ်နောက်ပိုင်း ကမ္ဘာ့ဖလား ပွဲတစ်ပွဲမှာ တောင်အမေရိကနိုင်ငံ တစ်ခုရဲ့ အများဆုံး ဂိုးပေါက်တည့်မှု စံချိန် ဖြစ်ခဲ့ပြီး၊ ဒီရာစုနှစ် အတွင်း ဘယ်လ်ဂျီယံ (၂၀၁၄ တုန်းက ၁၇ ကြိမ်) ပြီးရင် ဒုတိယ အများဆုံးလည်း ဖြစ်ပါတယ်။
ဒီရလဒ်ကြောင့် အီကွေဒေါ အသင်းဟာ ၂၀၂၄ ဇွန်လ နောက်ပိုင်း ပထမဆုံးအကြိမ် အဖြစ် နှစ်ပွဲ ဆက်တိုက် ရှုံးနိမ့်မှုနဲ့ ရင်ဆိုင်ခဲ့ရပြီး ကမ္ဘာ့ဖလား ၄ ပွဲ ဆက်တိုက် နိုင်ပွဲ ပျောက်ဆုံးမှု စံချိန်ဆိုးနဲ့လည်း ကြုံတွေ့သွားခဲ့ရပါတယ်။ ဒီပွဲမှာ ဆီဘက်စတီယန် ဘက်ကာဆီဆီရဲ့ အီကွေဒေါ အသင်းဟာ ကန်ချက် ၂၇ ကြိမ် ကနေ ဂိုးရနိုင်ချေ အညွှန်းကိန်း (xG) ၃.၀၅ အထိ ရှိခဲ့ပေမယ့် ကူရာဆောင်းရဲ့ ၁၀ ကြိမ်ကန် (xG) ၀.၄၈ ကို မကျော်ဖြတ်နိုင်ခဲ့ပါဘူး။ အီကွေဒေါ အနေနဲ့ နောက်တစ်ဆင့် တက်လှမ်းနိုင်ဖို့ မျှော်လင့်ချက် ရှိချင်သေးရင်တော့ အုပ်စု နောက်ဆုံး ပွဲမှာ ဂျာမနီ အသင်းကို သေချာပေါက် အနိုင်ကန်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
