ရူဘင် အမော်ရင် ကတော့ နည်းပြ မက်ဆီမီလီယာနို အယ်လီဂရီရဲ့ နေရာမှာ အစားထိုးဖို့ စီးရီးအေ ကလပ် အေစီမီလန်ရဲ့ ရေပန်းအစားဆုံး နည်းပြလောင်း အဖြစ် သတင်းတွေတွေ ထွက်ပေါ်နေပါတယ်။ အသက် ၄၁ နှစ်အရွယ် ပေါ်တူဂီ လူမျိုး နည်းပြဟာ အိုးထရက်ဖို့ဒ်မှာ ၁၄ လတာသာ သက်တမ်းခံခဲ့ပါတယ်။
ဒီပေါ်တူဂီလူမျိုး နည်းပြဟာ ပြီးခဲ့တဲ့ ဇန်နဝါရီ ၅ ရက်နေ့က ယူနိုက်တက် အသင်းနဲ့ လမ်းခွဲခဲ့ရပြီးကတည်းက အလုပ်လက်မဲ့ ဖြစ်နေတာပါ။ သူဟာ ယူနိုက်တက်မှာ ၁၄ လတာ ဖြတ်သန်းခဲ့တဲ့ ကာလ အတွင်း အသင်းကို ဆုဖလားတစ်လုံးမှ ရယူပေးနိုင်ခြင်း မရှိပါဘူး။ ဒါ့အပြင် ၂၀၂၄-၂၅ ရာသီမှာ ယူနိုက်တက် အသင်းကို ပရီးမီးယားလိဂ် သမိုင်းတစ်လျှောက် အဆိုးရွားဆုံး အဆင့် ဖြစ်တဲ့ အဆင့် ၁၅ အထိ ရောက်အောင် ပို့ဆောင်ခဲ့သူ ဖြစ်ပါတယ်။
အသက် ၄၁ နှစ် အရွယ် ရှိပြီ ဖြစ်တဲ့ အမော်ရင်ဟာ လက်ရှိ ၂၀၂၅-၂၆ ရာသီ အစောပိုင်းလတွေ မှာလည်း အသင်းကို ရလဒ်ကောင်းအောင် မစွမ်းဆောင်နိုင်ခဲ့ဘဲ ပွဲ ၂၀ ကစားအပြီးမှာ အဆင့် ၆ နေရာ အထိသာ ပို့ဆောင်ပေးနိုင်ခဲ့ပါတယ်။ ဒါပေမယ့် မန်ချက်စတာမြေမှာ ကျရှုံးခဲ့လင့်ကစား မီလန်မြို့ ကတော့ သူ့ကို ကြိုဆိုချင်နေပုံရပါတယ်။
The Athletic ရဲ့ ဖော်ပြချက်အရ အမော်ရင်ဟာ စီးရီးအေ ကလပ် အေစီမီလန်ရဲ့ နည်းပြသစ်ဖြစ်လာဖို့ ထိပ်ဆုံးက ရေပန်းစားနေကြောင်း သိရပါတယ်။ အေစီမီလန် အသင်းဟာ နည်းပြ အယ်လီဂရီ အပြင် အားကစား ဒါရိုက်တာ အစ်ဂလီ တာရေး၊ အမှုဆောင်အရာရှိချုပ် ဂျော်ဂျီယို ဖာလာနီနဲ့ နည်းစနစ်ဒါရိုက်တာ ဂျက်ဖရီ မွန်ကာဒါ တို့နဲ့ပါ လမ်းခွဲပြီး အသင်းကို အကြီးအကျယ် အပြောင်းအလဲလုပ်ဖို့ ပြင်ဆင်နေတာ ဖြစ်ပါတယ်။ ဒါ့အပြင် အေစီမီလန် တာဝန်ရှိသူတွေက ပြီးခဲ့တဲ့ တပတ်က ပေါ်တူဂီနိုင်ငံမှာ အမော်ရင်နဲ့ တွေ့ဆုံကာ ဆွေးနွေးမှုတွေတောင် ပြုလုပ်ထားပြီး ဖြစ်ကြောင်း သိရပါတယ်။
အေစီမီလန် အသင်းဟာ ချန်ပီယံလိဂ် ဝင်ခွင့် လွဲချော်ခဲ့ပြီးနောက် အသင်းရဲ့ ဘုတ်အဖွဲ့ဝင်တွေကို အခုလို ဖြုတ်ထုတ်သတ် လုပ်ခဲ့တာပါ။ သူတို့ဟာ ရာသီပိတ် ပွဲစဉ်မှာ ကက်ဂလီယာရီ အသင်းကို ၂-၁ နဲ့ ရှုံးနိမ့်ခဲ့တာကြောင့် အဆင့် ၄ က ကိုမို အသင်းရဲ့ နောက် ၁ မှတ်အကွာ အဆင့် ၅ နေရာနဲ့သာ ရာသီပိတ်ခဲ့ရပြီး လာမယ့် ရာသီ ယူရိုပါလိဂ်နဲ့သာ ကျေနပ်ရတော့မှာ ဖြစ်ပါတယ်။
လက်ရှိမှာ စီးရီးအေ ကလပ် အေစီမီလန်ရဲ့ နည်းပြသစ် ရာထူး အတွက် အမော်ရင်က ရေပန်းအစားဆုံး ဖြစ်နေပေမယ့် သူဟာ အသင်းရဲ့ ပထမဆုံး အကြိုက်တော့ မဟုတ်ခဲ့ပါဘူး။ မီလန် အသင်းဟာ အစပိုင်းမှာ ဘုန်းမောက် နည်းပြဟောင်း အန်ဒိုနီ အီရာအိုလာကို ခေါ်ယူဖို့ ရည်မှန်းခဲ့တာ ဖြစ်တယ်လို့ The Athletic က ဆိုပါတယ်။
ဒါပေမယ့် လစ်ဗာပူးလ် အသင်းက နည်းပြ အာနေး ဆလော့တ်ကို မမျှော်လင့်ဘဲ ရာထူးကနေ ထုတ်ပယ်ခဲ့ပြီးနောက် စပိန် လူမျိုး နည်းပြ အီရာအိုလာကို လက်ဦးမှုယူကာ အမြန်ဆုံး ခေါ်ယူသွားခဲ့တာပါ။ အီရာအိုလာဟာ လစ်ဗာပူးလ်နဲ့ ၂ နှစ်စာချုပ် ချုပ်ဆိုခဲ့တာကြောင့် မီလန် အနေနဲ့ နည်းပြ ရှာဖွေရေးကို အစကနေ ပြန်စခဲ့ရပါတယ်။
အဲဒီနောက်မှာတော့ အမေရိကန် လက်ရွေးစင် အသင်း နည်းပြ မော်ရီစီယို ပိုချက်တီနို၊ ခရစ္စတယ်ပဲလေ့စ် နည်းပြဟောင်း အိုလီဗာ ဂလက်စနာ တို့ကို စိတ်ဝင်စားကြောင်း သတင်းတွေ ထွက်ပေါ်လာခဲ့သလို၊ အဲလ်အာလီ နည်းပြ မက်သီးယပ်စ် ဂျိုက်စ်လီလည်း စာရင်းထဲမှာ ပါဝင်နေကြောင်း သတင်းထောက် ဖာဘရီဇီယို ရိုမာနိုက ဆိုပါတယ်။
အကယ်၍ အမော်ရင်သာ နည်းပြ ရာထူးကို ရရှိခဲ့ရင် ဆန်စီရိုမှာ နစ်မြုပ်လုနီးပါး ဖြစ်နေတဲ့ အေစီမီလန် အသင်းကို ကယ်တင်ဖို့ ဖိအား အမြောက်အမြားနဲ့ ရင်ဆိုင်ရမှာပါ။ သူတို့ဟာ ၂၀၂၅-၂၆ ရာသီမှာ ဥရောပပြိုင်ပွဲတွေ ကစားရခြင်း မရှိလို့ အာရုံစိုက်နိုင်ခဲ့ပေမယ့် ၃၈ ပွဲမှာ ရမှတ် ၇၀ သာ ရရှိခဲ့ပြီး၊ မြို့ခံ ပြိုင်ဘက်လည်း ဖြစ် လက်ရှိစီးရီးအေ ချန်ပီယံလည်း ဖြစ်တဲ့ အင်တာမီလန်အသင်းရဲ့ နောက် ၁၇ မှတ် အကွာမှာသာ ရှိခဲ့ပါတယ်။
အမော်ရင်ရဲ့ ရှေ့ဆက်မယ့် အနာဂတ်က ဘာပဲဖြစ်ဖြစ် ယူနိုက်တက် အတွက်တော့ စိတ်ပူစရာ မဟုတ်တော့ပါဘူး။ သရဲနီ တို့ဟာ နည်းပြ မိုက်ကယ် ကာရစ်ခ်ရဲ့ လက်အောက်မှာ ရာသီဝက် ဒုတိယပိုင်းကို အံ့အားသင့်ဖွယ် ဖြတ်သန်းနိုင်ခဲ့ပြီး ပရီးမီးယားလိဂ်မှာ အဆင့် ၃ နဲ့ ရာသီသိမ်းကာ ချန်ပီယံလိဂ် ဝင်ခွင့် ရရှိခဲ့ပါတယ်။
ဒီအင်္ဂလန် လူမျိုး နည်းပြဟာ သူစွမ်းဆောင်ပေးခဲ့တဲ့ ကြိုးစားမှုတွေ အတွက် ဆုလာဘ် အဖြစ် ယူနိုက်တက် အသင်းနဲ့ ၂ နှစ် စာချုပ် ချုပ်ဆိုနိုင်ခဲ့ပြီး အသင်းရဲ့ အမြဲတမ်း နည်းပြ အဖြစ် တရားဝင် ဖြစ်လာခဲ့ပါတယ်။ ဒီဆုံးဖြတ်ချက် အပေါ် ပရိသတ်တွေရော ကစားသမားတွေပါ ကျေနပ်အားရခဲ့ကြပြီး ကိုဘီ မိန်းနူးနဲ့ ဘရူနို ဖာနန်ဒက်စ် တို့က ဦးဆောင်ကာ ထောက်ခံခဲ့ကြပါတယ်။
ကာရစ်ခ်ရဲ့ လက်အောက်မှာ ယူနိုက်တက်ဟာ လာမယ့်ရာသီ ချန်ပီယံလိဂ် ပြိုင်ပွဲနဲ့ တခြား ပြည်တွင်း ပြိုင်ပွဲ ပြက္ခဒိန် အကျပ်အတည်းကြား မျှတအောင် ကစားနိုင်ဖို့ အသင်းအင်အား တောင့်တင်းအောင် စတင် ပြင်ဆင်နေပြီ ဖြစ်ပါတယ်။ သူတို့ဟာ ထွက်ခွာသွားတဲ့ ကတ်စ်မဲရိုးရဲ့ နေရာမှာ အစားထိုးဖို့ အတ္တလန္တာ ကွင်းလယ်လူ အီဒါဆင်ကို ခေါ်ယူဖို့ သဘောတူညီမှု ရရှိထားပြီးပြီလို့ သတင်းတွေ ထွက်ပေါ်နေပါတယ်။
ဒါ့အပြင် သရဲနီ တို့ဟာ ၂၀၂၆-၂၇ ရာသီမှာ ပရီးမီးယားလိဂ် ချန်ပီယံဆုကို အမှန်တကယ် စိန်ခေါ်နိုင်ဖို့ အတွက် အင်အားဖြည့်တင်းမှုတွေ ဆက်လက်လုပ်ဆောင်ဖို့ ပစ်မှတ်ထားနေပါတယ်။ တစ်ဖက် မှာတော့ အမော်ရင် တစ်ယောက် အီတလီမြေဆီ ရောက်ရှိသွားပြီး အေစီမီလန်ကို ချန်ပီယံ လမ်းကြောင်းပေါ် ပြန်ရောက်အောင် ရုန်းကန်ပေးနိုင်မလား ဆိုတာ စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
