စတုဂတ် ကတော့ ညက ကစားခဲ့တဲ့ ပိုကယ်ဖလား ဆီမီးဖိုင်နယ်မှာ ဖရိုင်းဘတ်ကို အချိန်ပိုမှာ အနိုင်ရပြီး ဗိုလ်လုပွဲကို တက်လှမ်းသွားခဲ့ပါတယ်။ လူစားဝင် ကစားသမား တီယာဂို တိုမတ်စ်ရဲ့ အဆုံးအဖြတ်ဂိုးကြောင့် စတုဂတ်ဟာ ဖရိုင်းဘတ်ကို အနိုင်ရကာ လာမယ့်လမှာ ကျင်းပမယ့် ပိုကယ်ဖလား ဗိုလ်လုပွဲကို တက်လှမ်းပြီး ဘေယန်မြူးနစ်နှင့် ရင်ဆိုင်ရတော့ မှာလည်း ဖြစ်ပါတယ်။
ပွဲချိန် ၁၁၉ မိနစ်မှာ သွင်းယူခဲ့တဲ့ တိုမတ်စ်ရဲ့ အနိုင်ဂိုးကြောင့် ဆဘက်ရှန် ဟိုးနက်စ်ရဲ့ စတုဂတ်ဟာ ဖရိုင်းဘတ်ကို ၂-၁ နဲ့ အနိုင်ရကာ (၂) နှစ်ဆက်တိုက် ဗိုလ်လုပွဲကို တက်ရောက်နိုင်ခဲ့ခြင်း ဖြစ်ပါတယ်။ ဒီနိုင်ပွဲကြောင့် မေလ ၂၃ ရက်နေ့တွင် ကျင်းပမယ့် ဗိုလ်လုပွဲမှာ ပိုကယ်ဖလားကို အကြိမ် ၂၀ မြောက် ရရှိထားတဲ့ ဘေယန်မြူးနစ်နဲ့ ထိပ်တိုက် တွေ့ဆုံရတော့မှာ ဖြစ်ပါတယ်။
ပွဲအစမှာ ဖရိုင်းဘတ်က ပိုမိုထက်မြက်ခဲ့ပြီး ပွဲချိန် ၁၇ မိနစ်မှာ မက်ဆီမီလီယံ အက်ဂတ်စတိန်းရဲ့ ကန်ချက်ကောင်းခဲ့ပေမယ့် စတုဂတ် ဂိုးသမား အလက်ဇန္တား နူဘယ်လ်ကို လက်စွမ်းပြ ကာကွယ်နိုင်ခဲ့ပါတယ်။ ဒါပေမယ့်လည်း အက်ဂတ်စတိန်း အနေနဲ့ အဖွင့်ဂိုး ကိုတော့ ရအောင် သွင်းယူနိုင်ခဲ့ပါတယ်။ စတုဂတ် ကွင်းလယ်လူ အန်ဂျလို စတယ်လာရဲ့ ဂိုးဆီ မှားယွင်းတဲ့ ဘောလုံး ပြန်လည် ပေးပို့ကြောင့် ဖရိုင်းဘတ်တို့ ထောင်ကန်ဘော ရရှိခဲ့ပါတယ်။ ဒီထောင့်ကန်ဘောက တဆင့် ဗင်ဆန်ဇို ဂရီဖို ပေးပို့တာကို မက်သီးယပ်စ် ဂင်တာက ခေါင်းတိုက်ခဲ့ပြီး အက်ဂတ်စတိန်းက အနီးကပ် ပိတ်သွင်းကာ ဖရိုင်းဘတ် အတွက် အဖွင့်ဂိုး ရယူပေးခဲ့တာ ဖြစ်ပါတယ်။
အဲဒီနောက် စတုဂတ် ဘက်က ဂျေမီ လီဝယ်လင်းနဲ့ ဒင်းနစ် အန်ဒပ်ဗ် တို့ရဲ့ အားထုတ်မှုတွေ ဂိုးမရခဲ့သလို ဒုတိယပိုင်း မှာလည်း စတယ်လာရဲ့ ကန်ချက်ကို ဖရိုင်းဘတ် ဂိုးသမား ဖလိုရီယန် မူလာက ဂိုးစည်းပေါ် ကနေ ကာကွယ်နိုင်ခဲ့ပါတယ်။ ပွဲချိန် မိနစ် ၆၀ မှာတော့ စတယ်လာက ချေပဂိုး သွင်းယူနိုင်ခဲ့တယ်လို့ ထင်ခဲ့ရပေမယ့်လည်း လူကျွံဘော ဖြစ်နေတာကြောင့် ဂိုးမရခဲ့ပါဘူး။
ဒါပေမယ့်လည်း ပွဲချိန် မိနစ် ၇၀ မှာ စတုဂတ်တို့ မျှော်လင့်ချက် ပြန်လည် ရှင်သန်ခဲ့ရပါတယ်။ လူစားဝင် ကစားသမား ဘီလာ အယ်လ် ခန်နူးစ်ရဲ့ ပေးပို့မှုက တစ်ဆင့် အန်ဒပ်ဗ်က အသာအယာ ပိတ်သွင်းကာ ချေပဂိုး ရယူပေးခဲ့သည်။ ပုံမှန် ပွဲချိန် ပြီးခါနီးမှာ အန်ဒပ်ဗ် အနိုင်ဂိုးရဖို့ နီးစပ်ခဲ့ပေမယ့်လည်း ဂိုးသမား မူလာက ကာကွယ်နိုင်ခဲ့သလို၊ အချိန်ပို မှာလည်း ဖူးရစ်ချ်ရဲ့ ကန်ချက် တိုင်ထိထွက်ခဲ့တာကြောင့် ပင်နယ်တီ အဆုံးအဖြတ် ခံယူရတော့မလို ဖြစ်ခဲ့ပါတယ်။
ဒါပေမယ့်လည်း ပွဲပြီးခါနီး ၁၁၉ မိနစ်မှာ ဘော်နာနီရဲ့ ဖြတ်တင်ဘောကို တိုမတ်စ်က လှပတဲ့ နောက်ပြန် ဖနောင့်ကန်ချက်နဲ့ အဆုံးသတ်ကာ စတုဂတ် အတွက် ဗိုလ်လုပွဲ လက်မှတ်ကို အရယူပေးခဲ့ပါတယ်။
စတုဂတ်ဟာ ၂၀၂၁-၂၀၂၂ နဲ့ ၂၀၂၂-၂၀၂၃ ရာသီတွေက လိုက်ပ်ဇစ် ပြီးနောက် ပိုကယ်ဖလားကို ၂ နှစ် ဆက်တိုက် ဆွတ်ခူးနိုင်တဲ့ အသင်း ဖြစ်လာဖို့ ခြေလှမ်းပြင်နေပြီ ဖြစ်ပါတယ်။ စတုဂတ်ဟာ ပိုကယ်ဖလား ပြိုင်ပွဲရဲ့ နောက်ဆုံး ပွဲ ၂၀ ဆက်တိုက် ဂိုးသွင်းယူနိုင်ခဲ့ပြီး ဒါကလည်း ကလပ် စံချိန်သစ် ဖြစ်ပါတယ်။ ပြီးခဲ့တဲ့ ရာသီက စပြီး ဖလား ပွဲစဉ် ၁၁ ပွဲမှာ ၃၁ ဂိုး အထိ သွင်းယူထားနိုင်ခဲ့ပါတယ်။ အန်ဒပ်ဗ် ကတော့ ဒီရာသီမှာ ၃၇ ဂိုး (၂၄ ဂိုး သွင်း၊ ၁၃ ဂိုး ဖန်တီး) အထိ ပါဝင် ပတ်သက်ထားပါတယ်။ သူဟာ ၂၀၀၈-၀၉ ရာသီက မာရီယို ဂိုးမက်ဇ် (၄၁ ဂိုး) နောက်ပိုင်း စတုဂတ် ကစားသမား တစ်ဦး အတွက် တစ်ရာသီ အတွင်း အကောင်းဆုံး မှတ်တမ်း ဖြစ်ပါတယ်။
စတုဂတ် အနေနဲ့ နောက်ဆုံး ကစားခဲ့တဲ့ အချိန်ပို ရောက်သွားတဲ့ ဖလားပွဲ ၇ ပွဲစလုံးကို အနိုင်ရရှိထားပါတယ်။ ဒီနေ့ပွဲ မှာလည်း သူတို့ဟာ ဂိုးကန်သွင်းမှု ၂၉ ကြိမ် အထိ ပြုလုပ်ခဲ့ပြီး မျှော်မှန်းဂိုး (xG) ၄.၂၄ အထိ ရှိခဲ့တာ တွေ့ရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
