ခြေချော်လို့ မရတဲ့ အခြေအနေမှာ အာဆင်နယ်တို့ ရလဒ်ကောင်း ရှာဖွေနိုင်မလား | ပရီးမီးယားလိဂ် (ပွဲကြိုသုံးသပ်ချက်)

အာဆင်နယ် – အဲဗာတန် 

အာဆင်နယ် ကတော့ အခုတပတ် ပရီးမီးယားလိဂ် ပွဲစဉ် ၃၀ အဖြစ် အဲဗာတန်ကို အမ်းမရိတ်စ်မှာ ဧည့်ခံကစားရမှာ ဖြစ်ပါတယ်။ မီခဲလ် အာတေးတားရဲ့ အာဆင်နယ်က ပြီးခဲ့တဲ့ ချန်ပီယံလိဂ် ပွဲမှာ ရုန်းကန်ခဲ့ရပြီး လေဗာကူဆင်နဲ့ ၁-၁ သရေကျခဲ့သလို တစ်ဖက်မှာတော့ အာတေးတားရဲ့ ဆရာဟောင်း ဒေးဗစ် မွိုက်စ်ရဲ့ အဲဗာတန် ကတော့ နောက်ဆုံး ကစားခဲ့တဲ့ လိဂ်ပွဲမှာ ဘန်လေကို ၂-ဝ နဲ့ အနိုင်ယူထားပါတယ်။

 

အာဆင်နယ်

လေဗာကူဆင်ကွင်းမှာ ကစားခဲ့တဲ့ အာဆင်နယ်ရဲ့ ခြေစွမ်းက အားရစရာ မရှိပေမယ့် လာမယ့် အင်္ဂါနေ့ အိမ်ကွင်း ဒုတိယအကျော့ မှာတော့ အာဆင်နယ်ကပဲ အနိုင်ရဖို့ ရေပန်းစားနေပါတယ်။ အာဆင်နယ်ဟာ နောက်ပိုင်း ပွဲတွေမှာ ခြေစွမ်းပိုင်း သိပ်မကောင်းရင်တောင် ရလဒ်ကောင်းတွေ ထွက်ပေါ်အောင် ကစားနိုင်နေတာကို တွေ့ရပါတယ်။ ချဲလ်ဆီး၊ ဘရိုက်တန်နဲ့ မန်းစ်ဖီးလ်တောင်း တို့နဲ့ အတွေ့မှာ ရရှိခဲ့တဲ့ နိုင်ပွဲတွေဟာ အားရစရာ မရှိ ဂိုးပြတ် နိုင်ပွဲတွေ မဟုတ်ခဲ့ပေမယ့် အာဆင်နယ်တို့ အဆုံးမှာတော့ လိုချင်တာကို ရအောင် ယူနိုင်နေဆဲ ဆိုတာ ပြသနေပါတယ်။ ဒါ့အပြင် ဒီနိုင်ပွဲတွေက အာဆင်နယ်ကို ဒုတိယနေရာက မန်စီးတီးထက် ၇ မှတ် အသာနဲ့ ပရီးမီးယားလိဂ် အမှတ်ပေးဇယားထိပ်မှာ ရပ်တည်နိုင်အောင် အထောက်အကူ ပြုနေဆဲ ဖြစ်ပါတယ်။

အာတေးတားဟာ ၂၀၂၃ နဲ့ ၂၀၂၄ ခုနှစ်တွေမှာ ချန်ပီယံဆုနဲ့ လွဲချော်ခဲ့ပြီး နောက်ပိုင်း “ ဘယ်လိုနည်းနဲ့ဖြစ်ဖြစ် နိုင်အောင်ကစားမယ်” ဆိုတဲ့ စိတ်ဓာတ်မျိုးကို သူ့အသင်းထဲ သွင်းပေးထားပါတယ်။ အခုအချိန်မှာ ဖိအားတွေ ပိုများလာပေမယ့် အမ်းမရိတ်စ်ကွင်းရဲ့ အားသာချက် ကိုတော့ ကောင်းကောင်း အသုံးချနိုင်နေတာပါ။ ဇန်နဝါရီလက ယူနိုက်တက်ကို ရှုံးနိမ့်ခဲ့ပြီး နောက်ပိုင်း အာဆင်နယ်ဟာ အိမ်ကွင်း ၅ ပွဲ ဆက်တိုက် အနိုင်ရထားပြီး အဲဒီထဲက ၅ ပွဲမှာလည်း တစ်ပွဲကို အနည်းဆုံး ၂ ဂိုးစီ သွင်းယူနိုင်ခဲ့ပါတယ်။

 

အဲဗာတန်

အာဆင်နယ်က ပရီးမီးယားလိဂ် ချန်ပီယံ အောင်မြင်မှု အတွက် အိပ်မက်မက်နေချိန်မှာ အဲဗာတန် ကတော့ ဝါရင့် နည်းပြ ဒေးဗစ် မွိုက်စ်ရဲ့ လက်အောက်မှာ ဥရောပဝင်ခွင့် ရဖို့ မျှော်လင့်နေပါတယ်။ သူတို့ဟာ ပြီးခဲ့တဲ့ ဘန်လေနဲ့ ပွဲမှာ အနိုင်ရခဲ့တာကြောင့် အဆင့် ၇ အတွင်း ဝင်ဖို့ အခွင့်အရေး ပိုကောင်းလာခဲ့ပါတယ်။ အဲဗာတန်ဟာ သူတို့ရဲ့ ဟေးလ်ဒစ်ကင်ဆန်မှာ ၇ ပွဲဆက် နိုင်ပွဲ ပျောက်ဆုံးနေမှုကို အဆုံးသတ်နိုင်ခဲ့ပြီး အဆင့် ၇ က ဘရန်ဖို့ဒ်နဲ့ ၁ မှတ် အကွာကို ရောက်ရှိလာသလို၊ အဆင့် ၅ နဲ့ ၆ က ချဲလ်ဆီး၊ လစ်ဗာပူးလ် တို့နဲ့လည်း ၅ မှတ်သာ ကွာဟပါတော့တယ်။

ထူးခြားချက် ကတော့ အဲဗာတန် ဒီရာသီရရှိထားတဲ့ ၄၃ မှတ်မှာ ၂၄ မှတ်ဟာ အဝေးကွင်း ကနေ ရရှိထားတာ ဖြစ်ပါတယ်။ သူတို့ဟာ ဒီရာသီမှာ စတုတ္ထမြောက် အဝေးကွင်း မှတ်တမ်း အကောင်းဆုံး အသင်း ဖြစ်နေပြီး အာဆင်နယ်နဲ့ ချဲလ်ဆီး တို့က လွဲရင် ကျန်အသင်းတွေထက် အဝေးကွင်း ရမှတ် ပိုရထားတာ ဖြစ်ပါတယ်။ ပရီးမီးယားလိဂ်မှာ အာဆင်နယ်ရဲ့ Set Piece တွေ ကနေ သွင်းယူထားတဲ့ ၂၄ ဂိုး ဆိုတဲ့ မှတ်တမ်းကို ဘယ်အသင်းမှ မယှဉ်နိုင်ပေမယ့် အဲဗာတန် ကတော့ အဲဒီလို အနေအထားမျိုးတွေ ကနေ ဒီရာသီမှာ ၈ ဂိုးသာ ပေးထားရပါတယ်။ ဒါဟာ အင်္ဂလန် ထိပ်သီးလိဂ်မှာ အနည်းဆုံး ပေးဂိုး မှတ်တမ်းလည်း ဖြစ်ပါတယ်။

 

နှစ်ဖက်အသင်း သတင်းများ

အခုပွဲကိုတော့ အာဆင်နယ် ဘက်က မာတင် အိုဒီဂတ်၊ မီခဲလ် မာရင်နိုနဲ့ လီအန်ဒရို ထရော့ဆက်ဒ်တို့ လွဲချော်ဖို့ များနေပါတယ်။ အဲဗာတန် ဘက်မှာတော့ ကိုးလ်မန်း၊ အဲလ်ကာရက်ဇ်၊ ဂရီးလစ်ရှ် တို့ လွဲချော်မှာ ဖြစ်ပါတယ်။

 

ဖြစ်နိုင်ဖွယ် လူစာရင်း 

အာဆင်နယ် – ရာယာ၊ ဝှိုက်၊ ဆလီဘာ၊ ဂါဘရီရယ်၊ ကာလာဖီအိုရီ၊ ရိုက်စ်၊ ဇူဘီမန်ဒီ၊ ဆာကာ၊ အက်ဇေး၊ မာတင်နယ်လီ၊ ဟာဗက်ဇ်

အဲဗာတန် – ပစ်ခ်ဖို့ဒ်၊ အိုဘရိုင်ယန်၊ တာကောစကီး၊ ဘရန့်ဝိတ်သ်၊ မိုင်ကိုလန်ကို၊ ဂါနာ၊ ဂူရီ၊ မက်နီးလ်၊ ဒူးစ်ဘာရီဟောလ်၊ အန်ဒီယေး၊ ဘယ်ရီ

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ဒီရာသီ ပထမအကျော့ မာဆေးလ်ဆိုဒ်မြေမှာ တွေ့ဆုံတုန်း ကတော့ အာတေးတားရဲ့ အာဆင်နယ် ကပဲ ၁-ဝ နဲ့ အနိုင်ရထားပါတယ်။ ဒါ့အပြင် အာဆင်နယ်ဟာ အဲဗာတန်နဲ့ နောက်ဆုံး တွေ့ဆုံခဲ့တဲ့ ပရီးမီးယားလိဂ် ၆ ပွဲမှာ ရှုံးပွဲ မရှိထားဘဲ မှတ်တမ်းကောင်း ပိုင်ဆိုင်ထားပါတယ်။ အမ်းမရိတ်စ်မှာ ကစားခဲ့တဲ့ နောက်ဆုံး ၅ ပွဲမှာတော့ အာဆင်နယ်က ၃ ကြိမ်နိုင်၊ အဲဗာတန်က ၁ ကြိမ် နိုင်ပြီး ၁ ကြိမ် သရေကျခဲ့ပါတယ်။

 

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ အာဆင်နယ် နိုင်ရင် ၁.၃၄ ဆ၊ အဲဗာတန် နိုင်ရင် ၇.၈၀ ဆ၊ သရေ ဆိုရင်တော့ ၄.၃၃ ဆ ရရှိမှာ ဖြစ်ပါတယ်။ ဟန်းဒီးကပ် မှာလည်း အာဆင်နယ် ဘက်ကပဲ ခပ်ပြင်းပြင်း ကြေးဖွင့်ထားပါတယ်။ အာတေးတားရဲ့ အသင်းက အထူးသဖြင့် အိမ်ကွင်း ပွဲစဉ်တွေမှာ နိုင်ပွဲ ရအောင် ဘယ်လို ကစားရမလဲ ဆိုတာကို အမြဲတမ်း နည်းလမ်း ရှာနိုင်စမြဲ ဖြစ်ပါတယ်။ ဒါကြောင့် ဒီပွဲမှာလည်း အာဆင်နယ်တို့ နိုင်ပွဲ ထပ်ရဦးမယ်လို့ ယုံကြည်ရပါတယ်။

ခန့်မှန်းရလဒ်

အာဆင်နယ် ၂-၀ အဲဗာတန်

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်