မန်စီးတီး နောက်မှ ကစားရတိုင်း အာဆင်နယ်တို့ ဘာကြောင့် ရုန်းကန်နေရတာလဲ | ပရီးမီးယားလိဂ်

ဘရန်ဖို့ဒ်နဲ့ ၁-၁ သရေကျခဲ့တာကြောင့် အာဆင်နယ်ဟာ ပရီးမီးယားလိဂ် ရာသီကုန်ဖို့ ၁၂ ပွဲ အလိုမှာ မန်စီးတီးကို ၄ မှတ်သာ အသာရပါတော့တယ်။ ပြီးခဲ့တဲ့ သီတင်းပတ်တွေ အတွင်း မန်စီးတီး ကစားပြီးမှ ကစားရတဲ့ ဘရန့်ဖို့ဒ်၊ မန်ယူနိုက်တက်၊ နော့တင်ဟမ်ဖောရက်စ်နဲ့ လစ်ဗာပူးလ် ပွဲစဉ်တွေမှာ အာဆင်နယ်တို့ အမှတ်တွေ လျော့ခဲ့တာကြောင့် အမှတ်ဖြတ်နိုင်မယ့် အခွင့်အရေးတွေကို လက်လွှတ်ခဲ့ရပါတယ်။

 

မန်စီးတီးနောက်မှ ကစားရခြင်း

ဒီနှစ်ဆန်းပိုင်း ကစပြီး အာဆင်နယ်ဟာ မန်စီးတီးရဲ့ ရလဒ်တွေ ထွက်ပေါ်ပြီးမှ ကစားရတဲ့ ပွဲတွေမှာ ဖိအားဒဏ်ကို မကျော်လွှားနိုင်တာကို တွေ့ရပါတယ်။ ဒီတပတ် မန်စီးတီးက ဖူလ်ဟမ်ကို အနိုင်ရခဲ့ပြီးနောက် တစ်ရက်အကြာမှာ အာဆင်နယ်က ဘရန်ဖို့ဒ်နဲ့ သရေကျခဲ့ပါတယ်။ ထိုနည်းတူစွာပဲ မန်စီးတီးက ဝုဗ်ကို အနိုင်ရပြီး နောက်တစ်ရက်မှာ အာဆင်နယ်က ယူနိုက်တက်ကို ရှုံးခဲ့ပါတယ်။

ဒါ့အပြင် မန်ချက်စတာဒါဘီမှာ မန်စီးတီး ရှုံးခဲ့လို့ အမှတ်ဖြတ်ရမယ့် အခွင့်အရေးကို အာဆင်နယ်တို့ ဖောရက်စ်နဲ့ ပွဲမှာလည်း အသုံးမချနိုင်ခဲ့ပါဘူး။ တခြား တစ်ဖက် မှာတော့ အာဆင်နယ်က အရင်ဦးအောင် ကစားရတဲ့ ရက်သတ္တပတ်တွေ (ဥပမာ- ဆန်းဒါးလန်း၊ လိဒ်စ်ယူနိုက်တက်၊ ဘုန်းမောက်၊ အက်စတွန်ဗီလာ တို့နဲ့ ပွဲစဉ်တွေ) မှာတော့ ဖိအားကင်းကင်းနဲ့ ရလဒ်ကောင်းတွေ ဖော်ဆောင်နိုင်ခဲ့တာကို တွေ့ရပါတယ်။

 

အာတေးတားရဲ့ အမြင်

နည်းပြ မီခဲလ် အာတေးတား ကတော့ အသင်းဟာ မန်စီးတီး နောက်မှ ကစားရလို့ ရုန်းကန်နေရတာ မဟုတ်ဘူးလို့ ငြင်းဆိုထားပါတယ်။ သူက ၂၀၂၅ ခုနှစ်၊ ဒီဇင်ဘာလ အတွင်း မန်စီးတီး နိုင်ပြီးမှ ကစားရတဲ့ ဘရိုက်တန်နဲ့ အဲဗာတန်ပွဲတွေကို အနိုင်ရခဲ့တာနဲ့ နှိုင်းယှဉ်ပြီး ထောက်ပြပါတယ်။ ဒါပေမယ့် အခုဟာက ၂၀၂၆ ခုနှစ်ကို ရောက်နေပြီ ဖြစ်ပြီး ပရီးမီးယားလိဂ် ချန်ပီယံဆု အတွက် ပန်းဝင်ခါနီးလေလေ၊ အာဆင်နယ် အတွက် ဖိအားနဲ့ စိုးရိမ်စိတ်တွေက ပိုများလာလေလေ ဖြစ်နေပါတယ်။

 

ခံစစ်အမှားတွေနဲ့ ကစားသမားတွေရဲ့ ခြေစွမ်း

ဘရန်ဖို့ဒ်နဲ့ ပွဲမှာ အာဆင်နယ်ရဲ့ ပုံမှန်ခြေစွမ်း ပျောက်ဆုံးနေတာကို တွေ့ရပါတယ်။ နောက်ခံလူ ဂါဘရီရယ် ဟာ အမှားအယွင်း များခဲ့သလို အဝါကတ် နှစ်ကတ်နဲ့ ထုတ်ပယ်ခံရလုနီးပါး ဖြစ်ခဲ့ပါတယ်။ ဂိုးသမား ဒါးဗစ် ရာယာ ကလည်း ဘောလုံး ပေးပို့ပုံ မှားယွင်းခဲ့လို့ ဂိုးပေးရလုနီးပါး ဖြစ်ခဲ့ပါတယ်။ မာတင်နယ်လီ ကလည်း ဖိအားများတဲ့ အခြေအနေမှာ ရသင့်တဲ့ အခွင့်အရေးတွေကို လွဲချော်ခဲ့ပါတယ်။

 

ရှေ့ဆက်ရမယ့် ခရီး

သေချာတာက အာဆင်နယ် အတွက် လာမယ့် ပွဲစဉ်တွေက ပိုပြီး စိန်ခေါ်မှု ကြီးမားလာပါပြီ။ လာမယ့် ဗုဒ္ဓဟူးနေ့မှာ ဝုဗ်နဲ့ ကစားရမှာ ဖြစ်သလို၊ အဲဒီနောက်မှာ လန်ဒန် ဒါဘီ ပွဲကြီး နှစ်ပွဲ (နည်းပြသစ်နဲ့ စပါး၊ အိမ်ကွင်းမှာ ချဲလ်ဆီး) တို့နဲ့ ရင်ဆိုင်ရမှာပါ။၅ ရက် အတွင်းမှာပဲ ၉ မှတ် အသာ ကနေ ၄ မှတ် အသာအထိ လျော့ကျသွားတာကြောင့် မန်စီးတီး အတွက်တော့ ချန်ပီယံ လမ်းကြောင်းက ပြန်ပွင့်လာပြီလို့ ဆိုရမှာ ဖြစ်ပါတယ်။ ဒီအချိန်မှာ ပြောလို့ ရတာ ကတော့ ဘယ်အသင်း ချန်ပီယံ ဖြစ်နိုင်သလဲ ဆိုတာထက် ၂၀၂၆ ခုနှစ်ရဲ့ ပရီးမီးယားလိဂ် ချန်ပီယံလုပွဲဟာ ပိုပိုပြီး အကြိတ်အနယ် ရှိလာပြီ ဆိုတာပဲ ဖြစ်ပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်