ကီလီယန် အမ်ဘာပေး အချိန်ကြာမြင့်စွာ တင်ထားတဲ့ စံချိန်ကို ချိုးဖျက်နိုင်ခဲ့တဲ့ လာမင်း ယာမယ် | လာလီဂါ

လာလီဂါ ကလပ် ဘာစီလိုနာရဲ့ အံ့ဖွယ် ကြယ်ပွင့်လေး လာမင်း ယာမယ် ကတော့ ကီလီယန် အမ်ဘာပေးရဲ့ နှစ်ရှည်လများ တင်ထားခဲ့တဲ့ စံချိန်ကို ချိုးဖျက်ပြီး သမိုင်းသစ် ထပ်မံရေးထိုးလိုက်ပါတယ်။ ယာမယ်ဟာ အသက် ၁၉ နှစ် မပြည့်ခင်မှာတင် ဥရောပ ထိပ်သီးလိဂ် (၅) ခု အတွင်း ဂိုးအများဆုံး သွင်းယူနိုင်တဲ့ ကီလီယန် အမ်ဘာပေးရဲ့ စံချိန်ကို ကျော်ဖြတ်နိုင်ခဲ့တာလည်း ဖြစ်ပါတယ်။

ပြီးခဲ့တဲ့ စနေနေ့က မယော့ကာကို ၃-၀ နဲ့ အနိုင်ရခဲ့တဲ့ ပွဲစဉ်မှာ ယာမယ်ဟာ အဝေး ကန်ချက်နဲ့ အဆင့်အတန်း မြင့်မားတဲ့ ဂိုးတစ်ဂိုးကို သွင်းယူခဲ့ပါတယ်။ ဒီဂိုးဟာ သူ့ရဲ့ လာလီဂါ ကစားသမား ဘဝ (၂၄) ဂိုးမြောက် သွင်းဂိုး ဖြစ်ပါတယ်။ စပိန်သားလေးက ဘာစီလိုနာကို နူးကမ့်ကွင်းမှာ ရလဒ်ကောင်းတွေ ဆက်ထိန်းနိုင်အောင် ကူညီပေးခဲ့ရုံသာမက အမ်ဘာပေးရဲ့ စံချိန် ကိုပါ ကျော်ဖြတ်ပြီး သမိုင်း စာမျက်နှာပေါ်မှာ အမည်ရေးထိုးနိုင်ခဲ့တာပါ။ 

လက်ရှိ အသက် ၂၇ နှစ် အရွယ် ရှိပြီ ဖြစ်တဲ့ ရီးရဲလ်မက်ဒရစ် တိုက်စစ်မှူး အမ်ဘာပေးဟာ ပီအက်စ်ဂျီမှာ ကစားခဲ့စဉ်က အသက် ၁၉ နှစ် မပြည့်ခင် လီဂူးဝမ်းမှာ ၂၃ ဂိုး သွင်းယူပြီး စံချိန်တင်ထားခဲ့တာ ဖြစ်ပါတယ်။ အခုအခါမှာတော့ သမိုင်းသစ်တွေ အမြဲရေးထိုးနေတဲ့ ယာမယ်က ဒီစံချိန်ကို လွှဲပြောင်းရယူလိုက်ပြီ ဖြစ်ပါတယ်။ ယာမယ်ဟာ လာမယ့် ဇူလိုင်လရောက်မှ အသက် ၁၉ နှစ် ပြည့်မှာ ဖြစ်တဲ့ အတွက် အခု ၂၀၂၅-၂၆ ရာသီကုန် အထိ အမ်ဘာပေးနဲ့ ဂိုးကွာဟချက် ပိုများလာအောင် ဆက်လက် သွင်းယူနိုင်ဖို့ ရှိနေပါသေးတယ်။ သူဟာ ဒီရာသီ လာလီဂါ ၁၉ ပွဲမှာ ၁၀ ဂိုး အထိ သွင်းယူထားနိုင်ပြီး ပွဲစဉ် ၁၅ ပွဲ ကျန်ရှိနေသေးချိန် မှာတင် သူ့ရဲ့ တစ်ရာသီအတွင်း အကောင်းဆုံး ဂိုးသွင်းစံချိန်ကို ရရှိထားနှင့်နေပြီ ဖြစ်ပါတယ်။

 

ယာမယ်ရဲ့ လာလီဂါ ဂိုးသွင်း မှတ်တမ်း 

• ၂၀၂၅-၂၀၂၆ – ၁၉ ပွဲ၊ ၁၀ ဂိုး* (ရာသီမကုန်သေး)
• ၂၀၂၄-၂၀၂၅ – ၃၅ ပွဲ၊ ၉ ဂိုး
• ၂၀၂၃-၂၀၂၄ ၃၇ ပွဲ၊ ၅ ဂိုး

 

ဘာစီလိုနာရဲ့ ဖလားလေးလုံး (Quadruple) မျှော်လင့်ချက်နဲ့ ယာမယ်

အာဆင်နယ်ရဲ့ ဖလားလေးလုံး မျှော်လင့်ချက်တွေ အကြောင်း ပြောဆိုနေကြသလိုပဲ ဟန်ဆီ ဖလစ်ခ်ရဲ့ ဘာစီလိုနာ ကလည်း လာမယ့် မေလမှာ ဆုဖလား လေးလုံးစလုံးကို သိမ်းပိုက်နိုင်ဖို့ ကြိုးစားနေပါတယ်။ လက်ရှိမှာ စပိန်စူပါဖလားကို ရရှိထားပြီးဖြစ်သလို စပိန်ဘုရင့်ဖလား (ကိုပါဒယ်ရေး) မှာလည်း ဆီမီးဖိုင်နယ် အဆင့်ကို ရောက်ရှိနေပါတယ်။ ဒါ့အပြင် လာလီဂါ အမှတ်ပေးဇယားကို ဦးဆောင်နေသလို ချန်ပီယံလိဂ် မှာလည်း ၁၆ သင်း အဆင့်ကို တိုက်ရိုက် တက်လှမ်းထားနိုင်ပါသေးတယ်။ Quadruple ရဖို့ အများကြီး လျှောက်လှမ်းရဦးမှာ ဖြစ်ပေမယ့် ယာမယ်ရဲ့ ခြေစွမ်းက ဒီအိမ်မက်တွေကို လက်တွေ့ ဖြစ်လာစေဖို့ အဓိက စွမ်းအား တစ်ခု ဖြစ်နေပါတယ်။ 

ပြီးခဲ့တဲ့ရာသီ ဘယ်လွန်ဒေါ ဆုပေးပွဲမှာ ဒုတိယနေရာ အထိ ရရှိခဲ့ပေမယ့် ယာမယ်ဟာ လာလီဂါ မှာတော့ ဂိုးသွင်းခြေ ပုံမှန် မရှိဘဲ ၃၅ ပွဲမှာ ၉ ဂိုးသာ သွင်းယူနိုင်ခဲ့ပါတယ်။ ဒါပေမယ့် ၂၀၂၅-၂၀၂၆ ဘောလုံးရာသီ မှာတော့ ပေါင်ခြံ ဒဏ်ရာကြောင့် ပွဲအချို့ လွဲချော်ခဲ့ပေမဲ့ လာလီဂါ ၁၀ ဂိုး အထိ သွင်းယူထားနိုင်ပြီ ဖြစ်ပါတယ်။ ဒါ့အပြင် သူဟာ ဒီရာသီ ဥရောပ ထိပ်သီးလိဂ်တွေ ထဲမှာ ပထမဆုံး အကြိမ် အဖြစ် လိမ်ခေါက်မှု (Dribbles) အကြိမ် ၁၀၀ ပြည့်မြောက်တဲ့ ကစားသမား ဖြစ်လာသလို ဂိုးဖန်တီးမှု ၈ ကြိမ်နဲ့လည်း လာလီဂါမှာ ထိပ်ဆုံးက ဦးဆောင်နေပါတယ်။ 

ရာဖင်ညာ ဒဏ်ရာ ပြဿနာတွေ ရှိနေပြီး လီဝမ်ဒေါစကီး ကလည်း ပုံမှန် ပွဲထွက် မကစားနိုင်တော့တဲ့ အခြေအနေမှာ နည်းပြ ဖလစ်ခ် အတွက် အသက် ၁၈ နှစ် အရွယ် ယာမယ်ရဲ့ ခြေစွမ်းက အလွန်ပဲ အရေးကြီးနေပါတယ်။ အကယ်၍ ယာမယ်သာ ဂိုးသွင်းခြေကို ဒီအတိုင်း ဆက်ထိန်းထားနိုင်ရင် ဘာစီလိုနာ အနေနဲ့ ပြည်တွင်းဖလား သုံးလုံး (Treble) ကို နှစ်နှစ် ဆက်တိုက် ရယူနိုင်ဖို့ အခွင့်အရေးတော့ တော်တော်လေး များနေပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်