စီးရီးအေ ကလပ် နာပိုလီရဲ့ နည်းပြ အန်တိုနီယို ကွန်တီ ကတော့ သူ့အသင်းရဲ့ လူအင်အား မလုံလောက်မှုနဲ့ ဒဏ်ရာ ပြဿနာတွေ အပေါ် စိတ်ပျက်အားလျော့နေတယ်လို့ သိရပါတယ်။ ကွန်တီက သူ့ အသင်း လူအင်အား တောင့်တင်းဖို့ လိုအပ်ကြောင်း ဖွင့်ဟလာခဲ့ပြီး လက်ရှိမှာ ကစားသမား ရွေးချယ်စရာ နည်းပါးနေမှု အပေါ် ညည်းတွားလာခဲ့တာ ဖြစ်ပါတယ်။
စီးရီးအေ လက်ရှိ ချန်ပီယံ နာပိုလီဟာ ပွဲဆက် များပြားနေမှုနဲ့ အတူ ဒဏ်ရာရ ကစားသမားတွေ ကလည်း တဖြည်းဖြည်း များပြားလာနေတာ ဖြစ်ပါတယ်။ ဒါကြောင့် နာပိုလီ အသင်းရဲ့ လက်ရှိ လူစာရင်း အပေါ် အန်တိုနီယို ကွန်တီက လုံးဝ စိတ်ကျေနပ်မှု မရှိဘဲ ဖြစ်နေပါတယ်။
ပြိုင်ပွဲစုံ ယှဉ်ပြိုင်နိုင်ဖို့ လူအင်အား လိုအပ်ခြင်း
နာပိုလီ အနေနဲ့ ပြိုင်ပွဲစုံ အရပ်ရပ်မှာ အောင်မြင်ချင်တယ် ဆိုရင် လူစာရင်းကို ပိုမို တောင့်တင်းအောင် တည်ဆောက်ဖို့ လိုအပ်တယ်လို့ ကွန်တီက ဆိုပါတယ်။ ပြီးခဲ့တဲ့ ကြားရက်က ချန်ပီယံလိဂ် ပြိုင်ပွဲမှာ ချဲလ်ဆီးကို အိမ်ကွင်းမှာ ၃-၂ နဲ့ ရှုံးနိမ့်ပြီးနောက် ပြိုင်ပွဲ ကနေ ထွက်ခွာခဲ့ရပါတယ်။ အဲဒီနောက် စီးရီးအေ ပွဲစဉ်အဖြစ် ဖီအိုရင်တီးနားနဲ့ ကစားရာ မှာတော့ အန်တိုနီယို ဗာဂါရာနဲ့ မီဂွယ် ဂူတီရာရက်ဇ် တို့ရဲ့ ဂိုးတွေနဲ့ အနိုင်ရပြီး ရလဒ်ကောင်း ပြန်လည် ရှာဖွေနိုင်ခဲ့ပါတယ်။
ဒီလော်ရန်ဇိုရဲ့ ဒဏ်ရာနဲ့ ကွန်တီရဲ့ စိုးရိမ်မှု
နာပိုလီက ဖီအိုရင်တီးနားကို အနိုင်ရခဲ့ပေမယ့် ပွဲကစားချိန် ပထမပိုင်းမှာတင် အသင်းခေါင်းဆောင် ဂျီယိုဗန်နီ ဒီလော်ရန်ဇို ဒူးဒဏ်ရာ ပြင်းပြင်းထန်ထန် ရရှိသွားတာကြောင့် နာပိုလီ အတွက် ထိုးနှက်ချက် ဖြစ်ခဲ့ရပါတယ်။ လက်ရှိရာသီမှာ ကွန်တီရဲ့ နာပိုလီက အဓိက ကစားသမား အများအပြားကို လက်လွှတ်ထားရတာပါ။ လက်ရှိ နာပိုလီရဲ့ ဒဏ်ရာရ ကစားသမား စာရင်းကို ပြန်ကြည့်မယ် ဆိုရင်တော့ အဓိက တိုက်စစ်မှူး တစ်ဦး ဖြစ်တဲ့ ရိုမယ်လူ လူကာကူ ကတော့ ဒဏ်ရာကနေ အခုမှ ပြန်လာနိုင်ခဲ့တာပါ။ ဒါပေမယ့်လည်း ကီဗင် ဒီဘရွန်းနားက အခုချိန်ထိ ဒဏ်ရာကြောင့် အနားယူနေရဆဲ ဖြစ်ပါတယ်။
ပွဲစဉ်တွေ အလွန်များပြားနေချိန်မှာ လူစာရင်းကို လုံလောက်အောင် မပြင်ဆင်နိုင်ခဲ့တဲ့ အသင်းရဲ့ စီမံခန့်ခွဲမှု အပေါ် ကွန်တီက DAZN နဲ့ အင်တာဗျူးမှာ အခုလို ပွင့်ပွင့်လင်းလင်း ဖွင့်ဟလာခဲ့တာ ဖြစ်ပါတယ်။ ကျွန်တော် တို့မှာ ပြောစရာ သိပ်မရှိပါဘူး၊ ပွဲတွေက တစ်ပွဲပြီး တစ်ပွဲ ဆက်နေတာပဲ။ နားသင့်တဲ့ ကစားသမားတွေကို မနားနိုင်ဘဲ ဆက်သုံးနေရတော့ ဒီလို ဒဏ်ရာပြဿနာတွေ ဖြစ်လာတာပေါ့။ ကျွန်တော် ကိုယ်တိုင်လည်း ဒူးအရွတ်ပြတ်ဖူးလို့ ဒါက ဘယ်လောက် နာကျင်ရသလဲ ဆိုတာ သိပါတယ်။ ဒီလောက် ပွဲတွေအများကြီး ကစားခိုင်းနေတာဟာ ကစားသမားတွေကို သတ်နေတာတင်မကဘဲ ဘောလုံး လောကကိုပါ ဖျက်ဆီးနေတာပါ။”
လူစာရင်း ကန့်သတ်ချက်နဲ့ အကယ်ဒမီ ပြဿနာ
ဆက်လက်ပြီး ကွန်တီက လူစာရင်းမှာ အကယ်ဒမီ ကစားသမား နည်းပါးမှုနဲ့ ကစားသမား မှတ်ပုံတင်ရတဲ့ ကန့်သတ်ချက်တွေနဲ့ ပတ်သတ်လို့လည်း ထောက်ပြခဲ့ပါတယ်။ ကွန်တီက “တစ်နှစ်ကို ပွဲပေါင်း ၆၀ လောက် ကစားရမယ် ဆိုရင် ကျွန်တော် တို့မှာ ဒီထက် ကြီးမားတဲ့ လူစာရင်း ရှိဖို့ လိုအပ်ပါတယ်။ မဟုတ်ရင်တော့ ဒါဟာ ကိုယ့်ကိုယ်ကိုယ် သတ်သေတာနဲ့ အတူတူပါပဲ။” လို့ သတိပေးခဲ့ပါတယ်။
မှတ်တမ်းသော်လည်း စိန်ခေါ်မှုတွေ ရှိနေဆဲ
နာပိုလီက ဖီအိုရင်တီးနားကို အနိုင်ရခဲ့တာကြောင့် စီးရီးအေ အဆင့် (၃) နေရာကို တက်လှမ်းနိုင်ခဲ့ပါတယ်။ ဒါ့အပြင် အိမ်ကွင်း ၂၂ ပွဲဆက် ရှုံးပွဲ မရှိ စံချိန် ကိုလည်း လိုက်မှီသွားခဲ့ပါတယ်။ ဒီစံချိန်ဟာ ၂၀၁၅ ကနေ ၂၀၁၆ ခုနှစ်အထိ မော်ရီဇီယို ဆာရီ လက်ထက်မှာ တင်ရှိခဲ့တဲ့ စံချိန် ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
