“တစ်မိနစ်တာ ရူးသွပ်မှု”က နော့တင်ဟမ်ဖောရက်စ်ကို ပေးဆပ်မှု ကြီးမားစေခဲ့တယ်လို့ နည်းပြ ရှောင် ဒိုက်ခ်က ပြောကြားလိုက်ပါတယ်။ ဖောရက်စ်ဟာ ညက ကစားခဲ့တဲ့ ယူရိုပါလိဂ် ပွဲစဉ်မှာ ဘရာဂါကို ရိတ်စ်ရဲ့ ကိုယ့်ဂိုးကိုယ် သွင်းယူခဲ့တဲ့ ဂိုးနဲ့ ရှုံးနိမ့််ခဲ့တာ ဖြစ်ပါတယ်။
ဒီပွဲမှာ မော်ဂန် ဂစ်ဘ်ဝှိုက်ရဲ့ ပင်နယ်တီ လွဲချော်မှုနဲ့ ရွိုင်ယန် ရိတ်စ်ရဲ့ ကိုယ့်ဂိုးကိုယ် သွင်းယူမှု အကြား ၅၅ စက္ကန့်သာ ကွာဟခဲ့ပြီး ဒါက နော့တင်ဟမ်ဖောရက်စ် အတွက် ကြီးမားတဲ့ ထိုးနှက်ချက် ဖြစ်ခဲ့တာပါ။ မော်ဂန် ဂစ်ဘ်ဝှိုက်ဟာ ဒုတိယပိုင်း ပွဲကစားချိန် ၅၃ မိနစ်မှာ ပင်နယ်တီ လွဲချော်ခဲ့ပြီး ၅၄ မိနစ် မှာတော့ ရီကာဒို ဟော်တာရဲ့ ဖြတ်တင်ဘောကို ရိတ်စ် တားဆီးရာ မှာတော့ မတော်တဆ ကိုယ့်ဂိုးကိုယ် သွင်းယူမိခဲ့တာ ဖြစ်ပါတယ်။
ဒါ့အပြင် မိနစ် ၉၀ ပြည့်ပြီးလို့ နာကျင် အချိန်ပို မှာလည်း ကွင်းလယ်လူ အဲလီယော့တ် အန်ဒါဆန် တစ်ယောက် အနီကတ် ပြသခံခဲ့ရပြီး ဖောရက်စ်တို့ အခြေအနေ ဆိုးရွားခဲ့ပါတယ်။ ဒါကြောင့် ဖောရက်စ်ဟာ ယူရိုပါလိဂ် သမိုင်းမှာ ပွဲစဉ် တစ်ပွဲ အတွင်း ပယ်နယ်တီ လွဲချော်ပြီး ကိုယ့်ဂိုးကိုယ် သွင်းယူမိတဲ့ ပထမဦးဆုံး အင်္ဂလိပ် ကလပ် အဖြစ်လည်း မှတ်တမ်းဝင်ခဲ့ပါတယ်။
ဖောရက်စ်ဟာ ဒီပွဲမှာ ရှုံးနိမ့်ခဲ့တာကြောင့် ယူရိုပါလိဂ် လိဂ်အဆင့်ရဲ့ ထိပ်ဆုံး ၈ သင်းထဲမှာ ရပ်တည်နိုင်ဖို့ အခွင့်အရေး ဆုံးရှုံးခဲ့ရပြီလည်း ဖြစ်ပါတယ်။ ဖောရက်စ်က ဟန်ဂေရီ ကလပ် ဖရန်ဗားရို့စ်နဲ့ ကစားဖို့ ကျန်ရှိနေသေးပေမယ့် ယူရိုပါလိဂ် ၃၂ သင်း အဆင့် ပလေးအော့ဖ် ကစားရဖို့တော့ သေချာသွားခဲ့ပြီ ဖြစ်ပါတယ်။ တစ်ချိန်တည်းမှာပဲ ဘရာဂါ ကလည်း ၂၀၁၇ ခုနှစ် နိုဝင်ဘာလ နောက်ပိုင်း ပွဲစဉ် တစ်ပွဲ အတွင်း ဂိုးပေါက်တည့်မှု တစ်ကြိမ်မှ မရှိပဲ နိုင်ပွဲရခဲ့တဲ့ အသင်း အဖြစ် မှတ်တမ်းဝင်ခဲ့ပါတယ်။
နော့တင်ဟမ်ဖောရက်စ် ကတော့ နောက်ဆုံး ကစားခဲ့တဲ့ ပြိုင်ပွဲစုံ ၃ ပွဲဆက် နိုင်ပွဲ ပျောက်ခဲ့ရတာ ဖြစ်ပါတယ်။ ရှောင်ဒိုက်ခ်ရဲ့ အသင်းက အက်ဖ်အေဖလားမှာ ရက်စ်ဟမ်းကို ပင်နယ်တီနဲ့ ရှုံးနိမ့်ပြီး ပြိုင်ပွဲ ကနေ ထွက်ခွာခဲ့ရသလို ပရီးမီးယားလိဂ် မှာတော့ အာဆင်နယ်နဲ့ ဂိုးမရှိ သရေကျခဲ့ပါတယ်။ အခုတော့ ဖောရက်စ်က ယူရိုပါလိဂ် မှာလည်း ရှုံးပွဲ ပြန်တွေ့ခဲ့ပြီး ၁၆ သင်း အဆင့်ကို တက်ရောက်နိုင်ဖို့ ခက်ခဲတဲ့ အဆင့်တွေကို ကျော်ဖြတ်ရတော့မှာ ဖြစ်ပါတယ်။
ပွဲအပြီး TNT Sports နဲ့ အင်တာဗျူး မှာတော့ ရှောင်ဒိုက်ခ်က ကျွန်တော်တို့ ကြိုးစား အားထုတ်ခဲ့ပါတယ်။ အဲဒီ အားသာချက်ကို ကျွန်တော်တို့ ပိုလိုချင်ခဲ့ပါတယ်။ ဘောလုံးအများကြီး ကစားနေတဲ့ ကစားသမားတွေကို ကာကွယ်ရမယ့် ထူးဆန်းတဲ့ အခြေအနေမှာ ကျွန်တော်တို့ ရှိနေပါတယ်။ ဒီပြိုင်ပွဲမှာ ကျွန်တော်တို့ အကောင်းဆုံး လုပ်ပြချင်ပါတယ်၊ အခုထိလည်း လုပ်ဆောင်နေဆဲပါ။ ဒါက ကောင်းမွန်တဲ့ လမ်းကြောင်း တစ်ခုပါ။ လူတိုင်းကို သူတို့ အရည်အချင်း သူတို့ ပြသဖို့ အခွင့်အရေးပေးချင်ပါတယ်။ သူတို့က လေ့ကျင့်ရေးမှာ အရမ်းကြိုးစားနေကြပါတယ်။ အခုပွဲမှာ သရေကျနိုင်ပေမယ့် တကယ်တမ်းတော့ မရှုံးသင့်ပါဘူး။ တစ်မိနစ်လောက် ရူးသွပ်မှုကြောင့် ပွဲကို ရှုံးနိမ့်ခဲ့ရတယ်။ သူတို့မှာ အခွင့်အရေး မရှိသလောက်ပဲလို့ ကျွန်တော် ထင်ပါတယ်။” လို့ ပြောကြားသွားခဲ့ပါသေးတယ်။
နော့တင်ဟမ်ဖောရက်စ်ဟာ လာမယ့် ဇန်နဝါရီ ၂၅ ရက်နေ့မှာ ပရီးမီးယားလိဂ် ပွဲစဉ် ၂၃ အဖြစ် ဘရန့်ဖို့ဒ်နဲ့ ကစားရမှာ ဖြစ်ပါတယ်။ ဖောရက်စ်က လက်ရှိ ပရီးမီးယားလိဂ် တန်းဆင်းဇုန်ရဲ့ အထက်မှာ ရပ်တည်နေပြီး ခက်ခဲတဲ့ ပွဲစဉ် တစ်ပွဲကို ဆက်လက် ကစားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
