ဇန်နဝါရီ ၁၆ ရက်နေ့ ညနေပိုင်းအထိ ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ နောက်ဆုံးရ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
နည်းပြ အန်ဇို မာရက်စ်ကာ ထွက်ခွာသွားပြီးနောက် စတန်းဖို့ဒ်ဘရစ်ချ်မှာ သူ့ရဲ့ အနာဂတ်ကို စဉ်းစားနေတဲ့ ချဲလ်ဆီး ကွင်းလယ်လူ အန်ဇို ဖာနန်ဒက်ဇ်ကို ပီအက်စ်ဂျီက ခေါ်ယူဖို့ စိတ်ဝင်စားနေကြောင်း L’Équipe က ဖော်ပြပါတယ်။ ပရီးမီးယားလိဂ်ရဲ့ ထိပ်တန်း ကွင်းလယ်လူ ကိုတော့ ရီးရဲလ်မက်ဒရစ် ကလည်း ခေါ်ယူချင်နေပါတယ်။
မန်ချက်စတာယူနိုက်တက်ဟာ ဒီရာသီအကုန်မှာ ဘရိုက်တန် ကွင်းလယ်လူ ကားလို့စ် ဘယ်လီဘာ့ကို ခေါ်ယူဖို့ မျှော်လင့်ချက် ရှိနေကြောင်း သိရပါတယ်။ ပရီးမီးယားလိဂ် ထိပ်သီး တို့ဟာ လာမယ့် အပြောင်းအရွှေ့မှာ ကွင်းလယ်လူ တစ်ဦး မဖြစ်မနေ ခေါ်ယူဖို့ ရှိနေကြောင်း သိရပါတယ်။
မန်ချက်စတာယူနိုက်တက်က နောက်ထပ် စိတ်ဝင်စားနေတဲ့ နောက်ထပ် ကစားသမား တစ်ဦး ကတော့ မစ်ဒယ်ဘရော့ ကွင်းလယ်လူ ဟေးဒန် ဟက်ကီးပါ ဖြစ်ပါတယ်။ ဘိုရို နည်းပြဟောင်း မိုက်ကယ် ကာရစ်ခ်ဟာ တော့တင်ဟမ်ဟော့စပါးရဲ့ ပစ်မှတ်လည်း ဖြစ်တဲ့ အသက် ၂၃ နှစ်အရွယ် ကစားသမားနဲ့ ပြန်လည် ပူးပေါင်းဖို့ စိတ်အားထက်သန်နေပါတယ်။
ဂျူဗင်တပ်စ်ဟာ တူရင်ကို ပြန်လာချင်တဲ့ လစ်ဗာပူးလ် တောင်ပံကစားသမား ဖက်ဒရီကို ခီယေဇာကို ခေါ်ယူဖို့ပဲ အာရုံစိုက်နေပါတယ်။ ဂျူဗင်တပ်စ်ဟာ အမြန်ဆုံး သဘောတူညီချက်တစ်ခု လိုချင်နေပြီး အပြီးသတ် အပြောင်းအရွှေ့ ဒါမှမဟုတ် အငှားနဲ့ ခေါ်ယူဖို့ စီစဉ်နေပါတယ်။
ပရီးမီးယားလိဂ် ကလပ် ချဲလ်ဆီးဟာ ရီးရဲလ်မက်ဒရစ် ဂိုးသမား အန်ဒရီ လူနင်ကို ခေါ်ယူဖို့ စိတ်ဝင်စားနေပါတယ်။ ရီးရဲလ်မက်ဒရစ် တာဝန်ရှိသူတွေ ဘက်ကနေလည်း ရောင်းထုတ်ဖို့ အဆင်သင့် ရှိနေကြောင်း El Nacional က ဖော်ပြပါတယ်။
ဝက်စ်ဟမ်းယူနိုက်တက် ကတော့ ဘရာဇီးလ်ကို ပြန်ချင်နေတဲ့ ကွင်းလယ်လူ လူးကပ်စ် ပက်ကေးတားကို ဖလာမင်ဂို အသင်းထံ ရောင်းချဖို့ အဆင်သင့် ဖြစ်နေကြောင်း သိရပါတယ်။ ဖလာမင်ဂို ဘက်တော့ ပက်ကေးတားကို ယူရို ၃၅ သန်းနဲ့ ကမ်းလှမ်းခဲ့ပေမယ့် ပယ်ချခံရပြီးနောက် ပိုမြင့်တဲ့ ပမာဏကို ပေးချေဖို့ အဆင်သင့် ဖြစ်နေကြောင်း သိရပါတယ်။
မန်ချက်စတာစီးတီး ကတော့ အသက် ၁၉ နှစ်အရွယ် ဗယ်လက်ဇ် ဆားစ်ဖီးလ် တောင်ပံ ကစားသမား မာဟာ ကာရီဇို အတွက် ဖီယင်နော့ဒ်ရဲ့ အဆိုပြုထားတဲ့ သဘောတူညီချက်ကို အရယူဖို့ အသင့် ရှိနေကြောင်း သိရပါတယ်။
ဘုန်းမောက်ဟာ အက်စတွန်ဗီလာ၊ နယူးကာဆယ်၊ မန်ချက်စတာစီးတီးနဲ့ ယူနိုက်တက် တို့ရဲ့ စိတ်ဝင်စားမှုတွေကြားက ကွင်းလယ် ကစားသမား အဲလက်စ် စကော့တ်ကို ထိန်းသိမ်းဖို့ ရုန်းကန်နေရကြောင်း သိရပါတယ်။
အဲဗာတန်ဟာ လာမယ့် ဇန်နဝါရီမှာ ဖီနာဘာချီ တိုက်စစ်မှူး ယူဆက်ဖ် အန်-နီစီရီကို ခေါ်ယူဖို့ စိတ်ဝင်စားနေပေမယ့် တရားဝင် ကမ်းလှမ်းမှုတော့ မပြုလုပ်ရသေးပါဘူး။ ဝက်စ်ဟမ်း ကလည်း ကောလမ် ဝီလ်ဆင်ကို စာချုပ်သက်တမ်းတိုးဖို့ ဆွေးနွေးနေကြောင်း The Athletic ဖော်ပြပါတယ်။
ပီအက်စ်ဂျီ ကတော့ မားကပ်စ် ရက်ရှ်ဖို့ဒ်ကို ယူရို သန်း ၁၀၀နဲ့ ခေါ်ယူဖို့ စီစဉ်နေပါတယ်။ ဒါပေမယ့်လည်း အင်္ဂလန်သား ကတော့ ဘာစီလိုနာ ကိုသာ အပြီးသတ် ပြောင်းရွှေ့ဖို့ လိုလားနေဆဲ ဖြစ်ပြီး တခြားသော ဘယ်ကမ်းလှမ်းမှုမျိုးကိုမဆို ငြင်းဆန်ဖို့ အသင့် ရှိနေပါတယ်။
ဂျူဗင်တပ်စ်ဟာ ယူရို ၁၀၀ သန်း (ပေါင် ၈၆.၇ သန်း၊ ဒေါ်လာ ၁၁၆.၅ သန်း) တန်ကြေး ရှိတဲ့ တောင်ပံ ကစားသမားဟာ ကီနန် ယီလ်ဒစ်ဇ်ကို စာချုပ်သက်တမ်းတိုးတော့မယ်လို့ ကြေညာလိုက်ပါတယ်။ ဒါကြောင့် တူရကီသားကို ခေါ်ယူချင်နေတဲ့ အသင်းတွေ အနေနဲ့ မျှော်လင့်ချက် ပျက်ပြားသွားခဲ့ကြောင်း သိရပါတယ်။
မန်ချက်စတာစီးတီး တိုက်စစ်မှူး အိုမာ မာမွတ်ရှ်ကို တူရကီ ကလပ် ဂါလာတာဆာရေးက ဒီလထဲမှာ ကမ်းလှမ်းခဲ့ကြောင်း သိရပါတယ်။ အီဂျစ် လက်ရွေးစင် ကစားသမားဟာ အငှားနဲ့သာ ပြောင်းရွှေ့ဖို့ အဆင်သင့် ဖြစ်နေပြီး တော့တင်ဟမ်ဟော့စပါးနဲ့ အက်စတွန်ဗီလာ တို့ကလည်း စိတ်ဝင်စားနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
