လာလီဂါ ကလပ် ဘာစီလိုနာ ကတော့ အခုတစ်ပတ်မှာ ကစားခဲ့တဲ့ ချန်ပီယံလိဂ် လိဂ်အဆင့် နောက်ဆုံး ပွဲစဉ်မှာ အတ္တလန္တာနဲ့ ၂ ဂိုးစီ သရေကျခဲ့ပါတယ်။ ဒါပေမယ့်လည်း ဟန်ဆီ ဖလစ်ခ်ရဲ့ အသင်းက လိဂ်အဆင့် အမှတ်ပေးဇယား အဆင့် ၂ နေရာ ကနေ ချန်ပီယံလိဂ် ၁၆ သင်း အဆင့်ကို တိုက်ရိုက် တက်ရောက်သွားနိုင်ခဲ့တာလည်း ဖြစ်ပါတယ်။
ဒါပေမယ့်လည်း နည်းပြ ဖြစ်သူ ဟန်ဆီ ဖလစ်ခ်က သူတို့ အသင်း အတွက် လာလီဂါ က ချန်ပီယံလိဂ်ထက် ပိုပြီး အရေးကြီးကြောင်း ဖွင့်ဟ ပြောကြားလာခဲ့ပါတယ်။ ဂျာမန်လူမျိုး နည်းပြက “ကျွန်တော့် အတွက် လာလီဂါက အရေးအကြီးဆုံးပါ။ ရာသီအကုန်မှာ ကျွန်တော်တို့ ဒါကို အကဲဖြတ်ရမှာပါ။ ချန်ပီယံလိဂ်က အရင်က ကျွန်တော် ပြောခဲ့ဖူးသလိုပါပဲ။ အဲဒီပြိုင်ပွဲက အနိုင်ရဖို့၊ ချန်ပီယံ ဖြစ်ဖို့ အရမ်းကို ခက်ခဲတဲ့ ပြိုင်ပွဲ တစ်ခုပါ။” လို့ ပြောကြားခဲ့ပါတယ်။
ဆက်လက်ပြီး “ကျွန်တော့် အတွက် လာလီဂါမှာ နိုင်ပွဲ ရဖို့က အရေးကြီးဆုံး ဖြစ်ပြီးတော့ တစ်ရာသီလုံး တောင့်ခံနိုင်ဖို့ လိုပါတယ်။ သေချာပါတယ်။ စူပါဖလား၊ ကိုပါဒယ်ရေး ဒါမှမဟုတ် ချန်ပီယံလိဂ်လိုမျိုး တခြား ပြိုင်ပွဲတွေ ရှိပါတယ်၊ အနိုင်ရဖို့ အရမ်းကို ခက်ခဲပါတယ်။ ဘာဖြစ်လို့လဲ ဆိုတော့ ကြီးကျယ် ခမ်းနားတဲ့ အသင်းတွေ အများကြီး ပြိုင်ဆိုင်နေကြလို့ပါ။ ကျွန်တော်တို့ အနေနဲ့ ဒီပထမအဆင့်ကို ဒုတိယ နေရာနဲ့ ပြီးဆုံးချင်ခဲ့ပြီး ပြိုင်ပွဲရဲ့ နောက်တစ်ဆင့် အတွက်လည်း အခြေအနေကောင်း တစ်ခု ဖြစ်ခဲ့ပါတယ်။” လို့ ဟန်ဆီ ဖလစ်ခ်က ပြောကြားသွားခဲ့ပါတယ်။
ဘာစီလိုနာဟာ ချန်ပီယံလိဂ်မှာ ရှုံးထွက် ၁၆ သင်း အဆင့်ကို တိုက်ရိုက် တက်ရောက်နိုင်ခဲ့ပြီ ဖြစ်ပေမယ့်လည်း လာလီဂါ မှာတော့ ရုန်းကန်နေရတာ ဖြစ်ပါတယ်။ ကတ်တာလန် ကလပ်က လက်ရှိ ရာသီ လာလီဂါ ပွဲစဉ် ၂၁ အပြီးမှာ ရမှတ် ၄၂ မှတ်နဲ့ အဆင့် ၃ နေရာမှာ ရပ်တည်နေပြီးတော့ အဆင့် ၂ နေရာက အက်တလက်တီကိုမက်ဒရစ်နဲ့ ၃ မှတ် ကွာဟနေခဲ့သလို ဇယား ထိပ်ဆုံးက ရီးရဲလ်မက်ဒရစ် နဲ့တော့ ၇ မှတ်အထိ ကွာဟနေခဲ့ပြီ ဖြစ်ပါတယ်။
ဘာစီလိုနာက ရာသီအစပိုင်းမှာ တောက်လျောက် တည်ငြိမ်တဲ့ ခြေစွမ်းနဲ့ ရလဒ်တွေ ကောင်းခဲ့သလို လာလီဂါ အမှတ်ပေးဇယား ကိုလည်း အမှတ်ဖြတ် ဦးဆောင်နိုင်ခဲ့ပါတယ်။ ဒါပေမယ့်လည်း ဘာစီလိုနာက အိုဆာဆူနာ၊ ဆိုစီဒက်၊ ဆဲလ်တာဗီဂို၊ လက်စ်ပါးလ်မက်စ်၊ လီဂါနက်စ်၊ အက်တလက်တီကိုမက်ဒရစ်၊ ဂီတာဖေး တို့နဲ့ ပွဲစဉ်တွေမှာ ခြေချော်ခဲ့တာကြောင့် အဓိက ပြိုင်ဘက်တွေနဲ့ ရမှတ် ပြတ်သွားခဲ့တာ ဖြစ်ပါတယ်။ ဘာဆာက နောက်ဆုံး ကစားခဲ့တဲ့ လာလီဂါ ပွဲစဉ် မှာတော့ ဗလင်စီယာကို ၇-၁ ဆိုတဲ့ ရလဒ်နဲ့ အပြတ်သတ် အနိုင်ယူပြကာ နိုင်ပွဲ ပြန်လည် ရရှိထားပါတယ်။
ဒါ့အပြင် ဟန်ဆီ ဖလစ်ခ်ရဲ့ အသင်းက အဓိက ပြိုင်ဘက် ဖြစ်တဲ့ ရီးရဲလ်မက်ဒရစ်ကို ဂိုးပြတ် အနိုင်ယူကာ စပိန် စူပါဖလားကို ကိုင်မြှောက်ထားနိုင်သလို လာလီဂါ ပထမအကျော့ တွေ့ဆုံမှု မှာလည်း ၀-၄ ဆိုတဲ့ ရလဒ်နဲ့ အနိုင်ရထားပါတယ်။ လက်ရှိမှာ ဘာစီလိုနာက လာလီဂါ၊ ကိုပါဒယ်ရေး၊ ချန်ပီယံလိဂ် ဖလား ၃ လုံး လမ်းကြောင်းပေါ်မှာ ရှိနေဆဲ ဖြစ်ပြီး ဖလား ၄ လုံး မျှော်လင့်ချက် အပြည့်အဝ ရှိနေပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
